جۇمىسقا رۇقسات الۋعا نيەت ءبىلدىرۋشىلەردىڭ سانى, اسىرەسە كوكتەمگى-جازعى كەزەڭدە ارتادى, بۇل كەزدە كوشى-قون قىزمەتتەرى ەل بويىنشا كۇنىنە بىرنەشە مىڭ رۇقساتقا دەيىن راسىمدەيدى.
وسىعان وراي, ىشكى ىستەر ورگاندارىن تسيفرلاندىرۋ ماسەلەلەرىنە ارنالعان كەڭەستە ىشكى ىستەر ءمينيسترى ەرلان تۇرعىمباەۆ مەملەكەتتىك قىزمەتتەردىڭ ەلەكتروندى فورماتقا كوشۋىن جەدەلدەتۋدى تاپسىردى. قازىرگى ۋاقىتتا كوشى-قون قىزمەتتەرىن كورسەتۋ ورتالىقتارىندا تسيفرلاندىرۋ پروتسەستەرى جاپپاي ەنگىزىلۋدە.
ايتالىق, قازىرگى ۋاقىتتا ەلىمىزدىڭ بارلىق وڭىرلەرىندە اشىلعان كوشى-قون قىزمەتى ورتالىقتارى نەگىزىنەن گاستاربايتەرلەردى «كولەڭكەدەن» شىعارۋ جانە ولاردى ەڭبەك قىزمەتىنىڭ رەسمي ورتاسىنا تارتۋ پروتسەسىمەن اينالىسۋدا. سونىمەن قاتار اتالعان ورتالىقتاردا مەملەكەتتىك قىزمەتتىڭ 10-نان استام ءتۇرى كورسەتىلۋدە. ونىڭ ىشىندە جۇمىس ىستەۋگە رۇقسات الۋ جانە رۇقساتتىڭ مەرزىمىن ۇزارتۋ, ۆيزا راسىمدەۋ, ازاماتتىق ماسەلەلەر, شەتەلدىكتەردى تۇراقتى تۇرۋعا راسىمدەۋ, جسن, ساقتاندىرۋ ءپوليسىن, جەكە كوشى-قون ءنومىرىن الۋ جانە مەديتسينالىق كۋالاندىرۋ قىزمەتتەرى ميگرانتتار تاراپىنان جوعارى سۇرانىسقا يە بولىپ وتىر.
