ايماقتىق تۇرعىدان تۇتاستاي العاندا, نۇر-سۇلتان قالاسى مەديتسينالىق ساقتاندىرۋ جارنالارى – اۋدارىمدارى بويىنشا الماتى قالاسىنان (20,8%) كەيىن ەكىنشى ورىندا كەلەدى, ال ءۇشىنشى ورىندا – قاراعاندى وبلىسى (8,2%) تۇر.
«مەديتسينالىق ساقتاندىرۋ قورىنا جارنا اۋدارۋدا ەلوردالىق جۇمىس بەرۋشىلەر بەلسەندى اتسالىسۋدا. ياعني, مەديتسينالىق ساقتاندىرۋ جارنالارى مەن اۋدارىمدارىنىڭ قوماقتى بولىگى – 1,105 ملرد تەڭگە (99,67%) ءدال وسى جۇمىس بەرۋشىلەرگە تيەسىلى, ال 3,7 ملن تەڭگە (0,33%) – جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن ازاماتتاردان تۇسكەن جارنالار», دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
الەۋمەتتىك مەديتسينالىق ساقتاندىرۋ قورى ۇلتتىق بانكپەن سەنىمگەرلىك باسقارۋ تۋرالى كەلىسىمشارت جاساسقان. سوعان سايكەس مىندەتتى الەۋمەتتىك مەديتسينالىق ساقتاندىرۋ جارنالارى, ياعني جيناقتالعان قارجى ۇلتتىق بانكتە ساقتالادى.2020 جىلدان باستاپ بۇل قاراجات مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندەگى قىزمەتتەر اقىسىن تولەۋگە جۇمسالادى.
راۋان قايدار,
«Egemen Qazaqstan»
