«ەلىمىزدە 2020 جىلدان باستاپ مەديتسينالىق كومەك ەكى ءتۇرلى پاكەت بويىنشا كورسەتىلە باستايدى. ءبىرىنشىسى – كەپىلدەندىرىلگەن تەگىن مەديتسينالىق كومەك (تمككك) پاكەتى. بارلىق ازاماتتار پايدالانا الاتىن كەپىلدەندىرىلگەن تەگىن مەديتسينالىق كومەك پاكەتىنە جەدەل جاردەم مەن سانيتارلىق اۆياتسيا, شۇعىل ستاتسيونارلىق كومەك, پاللياتيۆتىك كومەك ەنگەن. سونىمەن قاتار, الەۋمەتتىك ماڭىزى بار اۋرۋلار مەن سوزىلمالى اۋرۋلاردىڭ نەگىزگى تۇرلەرىمەن اۋىراتىن تۇرعىندار وسى پاكەت شەڭبەرىندە كونسۋلتاتيۆتىك-دياگنوستيكالىق كومەكپەن, جوسپارلى ستاتسيونارلىق جانە ستاتسيوناردى الماستىراتىن كومەكپەن قامتاماسىز ەتىلەدى. امبۋلاتوريا دەڭگەيىندە ءدارى-دارمەكپەن قامتاماسىز ەتۋ, تۋبەركۋلەزگە شالدىققانداردى وڭالتۋ قىزمەتى دە وسى پاكەتكە كىرەدى. ال, ەكىنشىسى – ءمامس پاكەتى. بۇل پاكەتكە كونسۋلتاتيۆتىك-دياگنوستيكالىق كومەك, سونىڭ ىشىندە باعاسى قىمبات بولىپ كەلەتىن زەرتحانالىق قىزمەت تۇرلەرىن, تمككك ەنگىزىلمەگەن سىرقاتتاردى ءدارى-دارمەكپەن قامتاماسىز ەتۋ, تمككك پاكەتىنە جاتپايتىن جاعدايلاردا جوسپارلى ستاتسيونارلىق جانە ستاتسيناردى الماستىراتىن كومەكپەن قامتۋ, مەديتسينالىق وڭالتۋ جانە پاتسيەنت دەنساۋلىعىن قالپىنا كەلتىرۋگە باعىتتالعان ەم-دوم تۇرلەرىن قامتىماق», – دەدى ا. بەيسەنباەۆ.
بيىل تۇركىستان قالالىق ورتالىق اۋرۋحاناسى جوعارى تەحنولوگيالىق مەديتسينالىق كومەك كورسەتۋگە ساقاداي ساي.
ايتا كەتەيىك, 2020-2022 جىلدارعا ارنالعان بيۋدجەت جوباسىندا 2020 جىلى مەديتسينالىق كومەككە جۇمسالاتىن قارجى 1 ترلن 620 ملرد تەڭگە دەپ بەلگىلەنگەن. بۇل بيىلعى شىعىنداردان 67 پايىزعا كوپ. اتالعان قارجىنىڭ 967,7 ملرد. تەڭگەسى تەگىن مەديتسينالىق كومەككە, 652,8 ملرد. تەڭگەسى – ساقتاندىرۋ پاكەتى بويىنشا كورسەتىلەتىن قىزمەتتەرگە جۇمسالادى.
