دەلەگاتسيا «كاماز» كومپانياسىنىڭ باس ديرەكتورى سەرگەي كوگوگينمەن بىرگە اۆتوموبيل زاۋىتىنىڭ قۇراستىرۋ كونۆەيەرلەرىنە, سونداي-اق «كاماز» كومپانياسىنىڭ عىلىمي-تەحنيكالىق ورتالىعىنداعى اۆتوموبيل تەحنيكاسىنىڭ كورمەسىنە باردى, كومپانيا باسشىلىعىمەن ەكىجاقتى كەلىسسوزدەر جۇرگىزدى.
وبلىس اكىمى ارحيمەد مۇحامبەتوۆ ەكاتەرينبۋرگ قالاسىندا وتكەن «يننوپروم» حالىقارالىق كورمەسىنە قاتىستى. بۇل كورمە – رەسەيدىڭ ەڭ ماڭىزدى يندۋستريالدىق, ساۋدا جانە ەكسپورتتىق الاڭى بولىپ تابىلادى. ول بيىل ونىنشى رەت وتكىزىلىپ وتىر. بۇل الاڭعا الەمنىڭ ءتۇرلى ەلدەرىنىڭ وكىلدەرى, وندىرىستە جاڭا ونىمدەر مەن تەحنولوگيالاردى ەنگىزۋ تۋرالى شەشىم قابىلدايتىن ونەركاسىپ كاسىپورىندارىنان ايتۋلى ماماندار.كەلەدى. وبلىس اكىمى ارحيمەد مۇحامبەتوۆ ءىس-شارا بارىسىندا قازاقستاننىڭ اتىنان جاساقتالعان ستەندتىڭ اشىلۋ راسىمىنە قاتىستى.
ساپار بارىسىندا وبلىس باسشىسى بىرقاتار كاسىپورىن باسشىلارىمەن كەزدەسۋلەر وتكىزدى, وندىرىستىك كاسىپورىنداردا, وفيستەردە جانە باسقا دا نىسانداردا بولدى, كوپشىلىكتى تاماقتاندىرۋدى ۇيىمداستىرۋ بويىنشا رەسەي كوشباسشىلارىنىڭ ءبىرى بولىپ تابىلاتىن «كەيتەرينبۋرگ» كومپانياسىندا بولعانىن اتاپ وتكەن ءجون.
سونىمەن قاتار, وبلىس باسشىلىعى سۆەردلوۆ وبلىسى گۋبەرناتورىنىڭ ورىنباسارى و.ل. چەمەزوۆپەن ەكىجاقتى كەزدەسۋلەر وتكىزدى, ونىڭ بارىسىندا ساۋدا-ەكونوميكالىق ىنتىماقتاستىق ماسەلەلەرى تالقىلاندى, ينۆەستيتسيالىق جوبالاردى ىسكە اسىرۋمەن قوسا, بىرلەسكەن جۇمىستىڭ بەلگىلى ءبىر قورىتىندىسى جاسالدى, بولاشاققا پەرسپەكتيۆالىق جوسپارلار بەلگىلەندى.
قوستاناي
