جارىسقا وليمپيادالىق چەمپيون, Astana Pro Team كومانداسىنىڭ باس مەنەدجەرى الەكساندر ۆينوكۋروۆ, وليمپيادا ويىندارىنىڭ قاتىسۋشىسى, ترياتلونشى ەكاتەرينا شاتنايا, «الماتى مارافونى» ۇيىمداستىرۋشىسى سالتانات قازىباەۆا جانە ت.ب. اتاقتى قازاقستاندىقتار قاتىسقانىن راستادى.
ءىس-شارانى ءتيىمدى ۇيىمداستىرۋ ماقساتىندا شەتەلدىك قوناقتارمەن ءوزارا ءىس-قيمىل جاساۋ تاجىريبەسى مول QVolunteers 700 ەرىكتىلەرى تارتىلاتىن بولادى.
IRONMAN 70.3 Astana اياسىندا 12-14 شىلدە ارالىعىندا ۇزدىك الەمدىك برەندتەردىڭ سپورتتىق جارمەڭكەسى جۇمىس ىستەيتىن بولادى.
سونىمەن قاتار, 13 شىلدەدە ترياتلون پاركىندە جاس اتلەتتەرگە ارنالعان IRONKIDS وتەدى. جىل سايىن ول ءاربىر IRONMAN جارىسى اياسىندا بۇكىل وتباسى ءۇشىن ويىن-ساۋىق رەتىندە وتكىزىلەدى. بالالار جارىسى كەڭ تانىمال جانە وسكەلەڭ ۇرپاققا سالاۋاتتى ءومىر سالتىن قالىپتاستىرۋعا, جارىس الدىندا سپورتشىلاردى قولداۋعا, سونداي-اق وتباسىمەن ۋاقىتتى كوڭىلدى وتكىزۋگە باعىتتالعان.
ءىس-شارا نۇر-سۇلتان قالاسى اكىمدىگىنىڭ جانە قازاقستان ترياتلون فەدەراتسياسىنىڭ قولداۋىمەن وتكىزىلەدى.
