جوبانىڭ ماقساتى – قازاقستاننىڭ بارلىق وڭىرلەرىندە ناقتى قىزمەت ەتەتىن, تۇراقتى الەۋمەتتىك باعىتتالعان بيزنەس-جوبالاردى ىسكە قوسۋ.
گ. ابدىقالىقوۆا ءوزىنىڭ قۇتتىقتاۋ سوزىندە ەلباسى ن.ءا. نازارباەۆتىڭ «جاستار-ءبىزدىڭ بولاشاعىمىز. ءبىزدىڭ مىندەتىمىز - ولاردى قازىرگى الەمدە ءومىر سۇرۋگە ۇيرەتۋ» دەگەن سوزىنە باستى نازار اۋداردى.
ۆيتسە-پرەمەر قازىرگى تاڭدا قازاقستاندا جاستاردىڭ زياتكەرلىك الەۋەتىن اشۋ ءۇشىن بارلىق جاعدايلار جاسالعانىن اتاپ ءوتتى.
جاستار جىلىن وتكىزۋ جونىندەگى جول كارتاسىنا سايكەس ەلىمىزدىڭ تىنىس-تىرشىلىگىنىڭ بارلىق سالالارىندا 89 ءىس-شارا جۇزەگە اسىرىلۋدا. باستى نازار جاستارعا ناقتى قولداۋ كورسەتۋگە باعىتتالىپ وتىر.
نۇر-سۇلتان, الماتى, شىمكەنت قالالارىندا جۇمىس ىستەيتىن جاستار ءۇشىن ءۇش جىل ىشىندە 9 مىڭ جالعا بەرىلەتىن پاتەر ءبولۋ ماسەلەسى شەشىلۋدە.
«جاس مامان» جوباسى شەڭبەرىندە 180 كوللەدج بەن 20 ۋنيۆەرسيتەتتىڭ ماتەريالدىق-تەحنيكالىق بازاسىن جەتىلدىرۋ قاراستىرىلعان. جاستار كاسىپكەرلىگىن دامىتۋ «جاس كاسىپكەر» جوباسى ارقىلى جۇزەگە اسىرىلۋدا, ونىڭ شەڭبەرىندە جاستاردىڭ ستارتاپ-جوبالارىن گرانتتىق قولداۋ 505 مىڭ تەڭگەگە دەيىن كوزدەلگەن.
شارا سوڭىندا گۇلشارا ابدىقالىقوۆا جەڭىمپازدارعا اۋىل شارۋاشىلىعى, ونەركاسىپ جانە تسيفرلاندىرۋ سالاسىنداعى ۇزدىك جوبالار ءۇشىن سىيلىقتار تابىس ەتتى. جوبانىڭ جالپى جۇلدە قورى 15 ميلليون تەڭگەنى قۇرايدى.
جالپى, «زەرەن-2019» جوباسى 2019 جىلدىڭ 3 جانە 30 شىلدە ارالىعىندا 9 كۇننەن بولىنگەن 3 ماۋسىمدا وتەدى. وعان بارلىعى 600-دەن استام جاس جىگىتتەر مەن قىزدار قاتىسۋدا.
