جەرلەردى سۋارۋ سالاسىنداعى جوبالاردى بىرلەسىپ ىسكە اسىرۋ بويىنشا ءوزارا تۇسىنىستىك تۋرالى مەموراندۋمعا قر اۋىل شارۋاشىلىعى ءمينيسترى س. وماروۆ پەن Valmont Industries پرەزيدەنتى, باس ديرەكتورى Cتيۆ كانەۆسكي قول قويدى.
جوبا سۋارۋ, سۋ رەسۋرستارىن ۇتىمدى پايدالانۋ, جەم-ءشوپ ءوندىرۋ, فەرمەرلەردى وقىتۋ مەن ترەنينگ وتكىزۋ, بىلىكتى كادرار دايارلاۋ سالاسىنداعى وزىق تەحنولوگيالار ترانسفەرتى بويىنشا فەرمالار جەلىسىن قۇرۋعا باعىتتالعان. زاماناۋي يرريگاتسيالىق قوندىرعىلار ۇسىنىلاتىن الاڭداردى اقمولا جانە تۇركىستان وبلىستارىندا قۇرۋ جوسپارلانعان.
ءوز كەزەگىندە, Valmont Industries, Global Beef (اقش) جانە Kusto Group (قر) اراسىندا قول قويىلعان كەلىسىمنىڭ ماقساتى - قازاقستاندا قۋاتتىلىعى جىلىنا كەمىندە 1000 جۇيە بولاتىن, ينۆەستيتسيالار كولەمى $50 ملن قۇرايتىن زاماناۋي يرريگاتسيالىق قوندىرعىلاردى شىعاراتىن زاۋىت سالۋ بويىنشا بىرلەسكەن كاسىپورىن قۇرۋ.
