«قر قىلمىستىق كودەكسىنىڭ 53-بابىنا سايكەس, ايىپتالۋشى شىن نيەتپەن وكىنىپ, كىناسىن مويىنداسا قىلمىستىق جازا جەڭىلدەيدى. تاراپتار قر قىلمىستىق كودەكسىنىڭ 55-بابى, 3-بولىگىن قولدانۋ ارقىلى جازا تاعايىنداۋدا كەلىسەدى. ە. سۋحانبەرديەۆاعا قاتىستى 361-باپتىڭ 3-بولىگى بويىنشا 2500 اەك كولەمىندە ايىپپۇل مەن مۇلكىن تاركىلەۋ, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءومىر بويىنا ايىرا وتىرىپ, 364-باپتىڭ 3-بولىگى بويىنشا بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ, 2000 اەك ايىپپۇل سالۋ قاجەت», - دەدى مەملەكەتتىك ايىپتاۋشى نۇرلان بەكماعامبەتوۆ سوت بارىسىندا.
ونىڭ ايتۋىنشا, قالىپتاسقان جاعدايدى ەسكەرە وتىرىپ, مەملەكەتتىك ايىپتاۋ بۇرىنعى ۆيتسە-مينيسترگە جەڭىلدەتىلگەن جازا قولدانۋدى سۇرايدى.
«قر قىلمىستىق كودەكسىنىڭ 58-بابى, 2-بولىگىن قولدانىپ, سۋحانبەرديەۆاعا 2500 اەك كولەمىندە ايىپپۇل تولەۋ شاراسى بەلگىلەنسىن. سونىمەن بىرگە, 2019 جىلدىڭ 3 ماۋسىمىندا «ورتالىق» ەكونوميكالىق مەكتەبى جشس ديرەكتورىنىڭ قىزمەتتىك كابينەتىنەن الىنعان ايىپتالۋشىنىڭ مۇلكى مەن اقشالاي قاراجاتى تاركىلەنىپ, مەملەكەتتىك قىزمەتتە, سوتتا, ۇلتتىق بانكتە, جەرگىلىكتى ءوزىن-ءوزى باسقارۋ ورگاندارىندا جانە مەملەكەت ۇلەسى 50% اساتىن وزگە دە مەملەكەتتىك ورگانداردا - ۇلتتىق حولدينگتەر, ۇلتتىق دامۋ ينستيتۋتتارىندا جۇمىس ىستەۋ قۇقىعىنان ايىرىلسىن», - دەپ تۇيىندەدى ن. بەكماعامبەتوۆ.
ايتا كەتەيىك, ەلميرا سۋحانبەرديەۆا سىبايلاس جەمقورلىق كۇدىگىمەن ۇستالدى جانە 2 ايعا قاماۋعا الىندى. قر سىبايلاس جەمقورلىققا قارسى ءىس-قيمىل ۇلتتىق بيۋروسى ەلميرا سۋحانبەرديەۆاعا قاتىستى سوتقا دەيىنگى تەرگەۋ امالدارىن باستادى.
