ترانزيتتىك تاسىمال ءوڭىردى وركەندەتەدى
سارسەنبى, 9 قاڭتار 2013 7:36
ماڭعىستاۋدا ەلباسى ن.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىن تالقىلاۋ وبلىس اكىمدىگىنەن باستاۋ الدى.
«ەلىمىزدى دامىتۋدىڭ 2030 جىلعا دەيىنگى باعدارلاماسىن دەر كەزىندە قابىلداۋ ءبىزدىڭ ەلىمىز ءۇشىن ماڭىزدى وقيعا بولدى. ەلباسى مەملەكەتتىڭ, قوعامنىڭ جانە ەكونوميكانىڭ قازاقستاندىق ۇلگىسىن انىقتاپ بەردى. ءبىز بۇگىن اتالمىش ستراتەگيالىق باعدارلامانىڭ كوپ مەجەلەر بويىنشا مەزگىلىنەن بۇرىن ىسكە اسىرىلعاندىعىنا كۋا بولىپ وتىرمىز», دەگەن وبلىس اكىمى ب.مۇحامەتجانوۆ وبلىستىڭ ەكونوميكالىق-الەۋمەتتىك دامۋ احۋالىنا توقتالىپ, مەملەكەتىمىزدىڭ 2050 جىلعا دەيىنگى دامۋ باعىتىن باعامداپ, ەكونوميكاسى مەن جالپىعا ورتاق ەڭبەك مۇمكىندىكتەرى دامىعان زايىرلى قوعام قۇرۋدى ماقسات ەتكەن جاڭا باعدارلاما جايلى باياندادى.
سارسەنبى, 9 قاڭتار 2013 7:36
ماڭعىستاۋدا ەلباسى ن.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىن تالقىلاۋ وبلىس اكىمدىگىنەن باستاۋ الدى.
«ەلىمىزدى دامىتۋدىڭ 2030 جىلعا دەيىنگى باعدارلاماسىن دەر كەزىندە قابىلداۋ ءبىزدىڭ ەلىمىز ءۇشىن ماڭىزدى وقيعا بولدى. ەلباسى مەملەكەتتىڭ, قوعامنىڭ جانە ەكونوميكانىڭ قازاقستاندىق ۇلگىسىن انىقتاپ بەردى. ءبىز بۇگىن اتالمىش ستراتەگيالىق باعدارلامانىڭ كوپ مەجەلەر بويىنشا مەزگىلىنەن بۇرىن ىسكە اسىرىلعاندىعىنا كۋا بولىپ وتىرمىز», دەگەن وبلىس اكىمى ب.مۇحامەتجانوۆ وبلىستىڭ ەكونوميكالىق-الەۋمەتتىك دامۋ احۋالىنا توقتالىپ, مەملەكەتىمىزدىڭ 2050 جىلعا دەيىنگى دامۋ باعىتىن باعامداپ, ەكونوميكاسى مەن جالپىعا ورتاق ەڭبەك مۇمكىندىكتەرى دامىعان زايىرلى قوعام قۇرۋدى ماقسات ەتكەن جاڭا باعدارلاما جايلى باياندادى.
قازاقستان – ءبىر اعزا سەكىلدى ءبىرتۇتاس ەل بولعاندىقتان, ونىڭ ءار بۇرىشىنداعى احۋالدىڭ كۇللى ەل ءۇشىن ماڭىزى زور. سوندىقتان, جولداۋدا ايتىلعان ءاربىر تاپسىرما, مىندەت, ءتىپتى سىن-قاتەرگە دەيىن جۇرت بولىپ جۇمىلا جۇمىستاناتىن جايتتەر. ايتسە دە, 10 سىن-قاتەردىڭ ءبىرى – سۋ تاپشىلىعى ماڭعىستاۋ وبلىسىنداعى ەڭ وزەكتى ماسەلەنىڭ ءبىرى. ايماقتا بۇل باعىتتا جۇرگىزىلىپ جاتقان جۇمىستار جولداۋ اياسىندا ارناسىن كەڭەيتىپ, ءوز جالعاسىن تابا بەرمەك. شەتەلدەردەن قونىس اۋدارعان اعايىندار ەسەبىنەن تۇرعىندار سانى كۇرت ءوسىپ كەلە جاتقان وبلىستا, اسىرەسە, كولىك ينفراقۇرىلىمى دامۋدا. باعزىدان توعىز جولدىڭ تورابى رەتىندە تانىمال ءوڭىردە, بۇگىنگى زامان تالابىنا ساي, تاۋەلسىز قازاقستاننىڭ ەكونوميكاسىنا قىزمەت ەتەتىن قۇرلىق جانە تەڭىز جولدارى قاتىناستارى جولعا قويىلۋدا. «وزەن-تۇركىمەنستانمەن مەملەكەتتىك شەكارا» تەمىر جولى قۇرىلىسى اياقتالىپ, «جەزقازعان-بەينەۋ» تەمىر جول قۇرىلىسىنىڭ باستالۋى, «اتىراۋ-اقتاۋ» اۆتوموبيل جولى قايتا جاڭعىرتىلا باستاۋى, سونداي-اق قۇرىق تەڭىز پورتىن بالاما دامىتۋ جانە «كەندىرلى» تۋريستىك كۋرورتتى ايماعىن قۇرۋ, اقتاۋ حالىقارالىق تەڭىز-ساۋدا پورتى, باۋتين جانە سارتاس تەڭىز وپەراتسيالارىن قولداۋ بازاسى, قۇرىق پارومدىق كەشەنى جوبالارىنىڭ قولعا الىنۋى مۇنايلى ماڭعىستاۋ دالاسىنىڭ ينفراقۇرىلىمدىق جۇمىستار الاڭىنا اينالعاندىعىنىڭ ايعاعى.
وبلىس اكىمى ايماقتا جولداۋدان تۋىندايتىن جانە تاياۋ بولاشاقتا جۇزەگە اسىرىلاتىن 2013 جىلعى جۇمىس جوسپارلارىنىڭ وزەكتىلىگىن ارتتىرۋ, بيۋدجەتتىڭ باسىمدىلىعىن قايتا قاراۋ, ينفراقۇرىلىمدىق جوبالاردى جۇزەگە اسىرۋدى جەدەلدەتۋ, گەولوگيالىق بارلاۋ جۇمىستارىن جانداندىرۋ, بالاما ەنەرگيا تۇرلەرى ءوندىرىسىن دامىتۋ, ايماققا ينۆەستيتسيا تارتۋ, اگروونەركاسىپتى كەشەندى دامىتۋ, مەملەكەتتىك جانە سالالىق باعدارلامالاردىڭ ءتيىمدى جۇزەگە اسىرىلۋى سەكىلدى بىرقاتار مىندەتتەردى اتاپ كورسەتتى.
جولداۋدا «جاھاندىق ينفراقۇرىلىمدىق ينتەگراتسيا» جانە ترانزيتتىك الەۋەتتى دامىتۋ قاجەتتىگى ايتىلدى. بۇل – قارت كاسپي جاعاسىنداعى ايماقتاعى اتقارىلاتىن جۇمىستار ماڭىزدىلىعىن ارتتىرا ءتۇستى. ەلىمىزدە الماتى, اقتوبە, شىمكەنت, تاسقالا-وزينكي, قورعاس سىندى كولىك-لوگيستيكالىق ورتالىقتار قۇرۋ جوباسى جۇزەگە اسىرىلىپ جاتقانى بەلگىلى. قورعاس حالىقارالىق شەكارا ىنتىماقتاستىعى ورتالىعى, دوستىق شەكارا تەمىر جول ستانساسى جانە اقتاۋ حالىقارالىق تەڭىز-ساۋدا پورتى كىرەتىن كولىك حابىن قۇرۋ – اقتاۋ ارقىلى وڭتۇستىك-شىعىس ازيا مەن قىتايدان ترانزيتتىك تاسىمالداردى دامىتۋعا جول اشادى.
جيىندا ءسوز العان وبلىس اكىمى جانىنداعى ارداگەرلەر كەڭەسىنىڭ توراعاسى ءو.وزعانباەۆ, اقتاۋ حالىقارالىق تەڭىز-ساۋدا پورتى رمك ديرەكتورى ب.ۋاندىقوۆ جولداۋدىڭ ماڭعىستاۋدا جاسالىپ جاتقان جۇمىستارعا تىڭ سەرپىن بەرەتىندىگىن ايتتى.
جولداۋدى تالقىلاۋ جيىندارى اۋدان, قالالار مەن وقۋ ورىندارىندا جالعاسۋدا.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ.
