مىڭ اسقانعا – ءبىر توسقان
سەيسەنبى, 11 ماۋسىم 2013 2:31
مالتا سوتى راحات اليەۆتىڭ جىلجىمايتىن م ۇلىكتەرىنە تىيىم سالدى
وسى ۋاقىتقا دەيىن وتقا سالسا كۇيمەي, سۋعا سالسا باتپاي كەلگەن ايگىلى راحات اليەۆتى شىرىلداپ تۋعانىندا العان اتا-تەگىن كۇرت وزگەرتىپ جىبەرىپ, ايەلىنىڭ فاميلياسىنا كوشىپ (و, توبا!) اياق استىنان شوراز بولىپ شىعا كەلگەنىنە, اۆستريادان قاشىپ, مالتاعا بارىپ پانالاعانىنا قاراماستان, تيەسىلى جازاسى قۋالاپ ءجۇرىپ تاۋىپ الدى.
Forbes.kz باسىلىمىنىڭ دەرەگىنە قاراعاندا, ارال-مەملەكەتتىڭ قىلمىستىق سوتىنىڭ سۋدياسى, دوكتور مايكل ماليا 6 ماۋسىمدا شەشىم شىعارىپ, ونى 7-سىندە جاريالاعان.
سەيسەنبى, 11 ماۋسىم 2013 2:31
مالتا سوتى راحات اليەۆتىڭ جىلجىمايتىن م ۇلىكتەرىنە تىيىم سالدى
وسى ۋاقىتقا دەيىن وتقا سالسا كۇيمەي, سۋعا سالسا باتپاي كەلگەن ايگىلى راحات اليەۆتى شىرىلداپ تۋعانىندا العان اتا-تەگىن كۇرت وزگەرتىپ جىبەرىپ, ايەلىنىڭ فاميلياسىنا كوشىپ (و, توبا!) اياق استىنان شوراز بولىپ شىعا كەلگەنىنە, اۆستريادان قاشىپ, مالتاعا بارىپ پانالاعانىنا قاراماستان, تيەسىلى جازاسى قۋالاپ ءجۇرىپ تاۋىپ الدى.
Forbes.kz باسىلىمىنىڭ دەرەگىنە قاراعاندا, ارال-مەملەكەتتىڭ قىلمىستىق سوتىنىڭ سۋدياسى, دوكتور مايكل ماليا 6 ماۋسىمدا شەشىم شىعارىپ, ونى 7-سىندە جاريالاعان. شەشىمگە ساي راحات اليەۆتەن (ىستە ول شوراز رەتىندە كورىنەدى) سىرتقا كەتىپ قالماۋ تۋرالى قولحات الىنىپ, ءوزى مەن ايەلى ەلنارا شورازوۆانىڭ جانە قىزى انجەليكا دجۋليانا شورازدىڭ مالتا جەرىندەگى بارلىق م ۇلىكتەرىنە, سونداي-اق ەكى كومپانيا مەن ءبىر باسقارۋشىداعى شوتتارىنا تىيىم سالىنعان. بۇعان قىلمىستىق جولمەن الىنعان قارجىلاردى قولما-قول اقشاعا اينالدىرۋ جونىندەگى كۇدىك سەبەپ بولعان. وسىعان سايكەس ەكى بانككە ولاردىڭ شوتتارىن اشىپ بەرۋ جانە توقتاتىپ قويۋ جونىندە ۇيعارىم تاپسىرىلعان. سۋديانىڭ شەشىمىندە بانكتەردىڭ اتتارى اتاپ كورسەتىلگەن. بۇل اقپار راحات ءاليەۆتىڭ ارەكەتتەرىنەن زارداپ شەككەن كىسىلەردىڭ مۇددەلەرىن قورعاۋدى جۇزەگە اسىرىپ جۇرگەن بەرليندەگى DSRB (Danckert Spiller Richter Bärlein) ادۆوكاتتار كەڭسەسىنە جاقىن دەرەككوزدەر ارقىلى بەلگىلى بولىپ وتىر.
سوت سونداي-اق ارال-مەملەكەتتەگى كولىك اكىمگەرشىلىگىنە سوتتىڭ قاۋلىسىندا اتاپ كورسەتىلگەن ادامداردىڭ مەنشىكتەرىندەگى اۆتوموبيل, ياحتا, ۇشاق سەكىلدى جىلجىمالى قۇرالداردى باقىلاۋعا الىپ, ولاردىڭ مالتا جەرىنەن كەتىپ قالۋىنا جول بەرمەۋ تاپسىرىلدى. بۇلاردىڭ ءبارىن ەلدەن شىعارۋعا تىيىم سالىندى. ەگەر قازىر ەلدە بولماي قالسا, ولارعا ىزدەۋ جاريالاۋ باس پروكۋراتۋراعا جۇكتەلەدى.
سونىمەن بىرگە, بۇل وتباسىندا قانداي كولىكتەردىڭ بار ەكەنى دە بەلگىلى. ايتالىق, بۇرىن «الەسساندرا» اتالعان ياحتا قازىر بۇل جۇپتىڭ 2010 جىلعى 24 شىلدەدە تۋعان قىزى انجەليكا دجۋليانا شورازدىڭ قۇرمەتىنە «دجۋليانا» دەپ اتالادى.
سوتتىڭ قاۋلىسىندا اتاپ كورسەتىلگەن ەكى كومپانيا ياحتانىڭ يەلەرى بولىپ تابىلادى. سۋ كولىگىن دە سولار پايدالانادى. ال كومپانيالاردىڭ وزدەرىنىڭ يەلەرى رەتىندە قولدان بەلگىلەنىپ قويىلعان جالعان بىرەۋلەر كورسەتىلگەن. ولاردىڭ ارتتارىندا كىمنىڭ تۇرعانىن ەندى سوت انىقتايتىن بولادى. مالتا زاڭىنا سايكەس, سوتتىڭ قاۋلىسىندا اتاپ كورسەتىلگەن ادامداردىڭ بارلىعى 24 ساعاتتىڭ ىشىندە وزدەرىنىڭ اكتيۆتەرىن (مەنشىكتەرىندەگى م ۇلىكتەرىن) تولىق اشىپ بەرۋگە ءتيىس.
راحات اليەۆ باستاعان توپتىڭ زاڭسىز الىنعان قاراجاتتى قولما-قول اقشاعا اينالدىرۋ وپەراتسياسىمەن اينالىسقان كۇدىكتى ەكەنى تۋرالى شاعىمدى مالتا باس پروكۋراتۋراسىنا نەمىستىڭ DSRB (Danckert Spiller Richter Bärlein) ادۆوكاتتار كەڭسەسى 2013 جىلدىڭ باسىندا ءتۇسىردى. دوكتور دانكەرت پەن ونىڭ ارىپتەستەرى بۇل شاعىمدى گفر-دە قىلمىستىق سىزبا ارقىلى قارجىنى قولما-قول اقشاعا اينالدىرعان راحات اليەۆتىڭ, ەلنارا شورازوۆانىڭ جانە كەلىنشەكتىڭ قازىر ءابۋ ۇلى دەگەن اتتى جامىلىپ جۇرگەن اكەسىنىڭ مالتادا تۇرىپ جاتقاندارى بەلگىلى بولعاننان كەيىن جازعان.
نەمىس ادۆوكاتتارى بۇگىندە قازاقستان بيلىگىنىڭ مانداتى بويىنشا جۇمىس جاساپ جاتىر. وسى ورايدا گفر-دە توپ قۇرىپ, اقشانى «ايداپ شىعۋدىڭ» وشاعى بولعان كرەفەلدتەگى (سولتۇستىك رەين-ۆەستفاليا جەرى) مەتالل ءوڭدەۋشى «Metalwerke Bender Reinland GmbH» كومپانياسىنا تەرگەۋشىلەردىڭ نازارىن اۋداردى.
ادۆوكاتتار بۇل كومپانياعا جاساندى فيرمالاردان ميلليونداعان دوللار اقشا ءتۇسىپ تۇرعان, ولاردىڭ ءبارى سوسىن اليەۆ پەن شورازوۆانىڭ شوتتارىنا اۋدارىلعان دەپ ەسەپتەيدى. بۇل اقشالارعا ولار مالتادا جىلجىمايتىن م ۇلىكتەر, ياحتا ساتىپ الىپ, ارالداعى ىقپالدى كاسىپكەرلەرمەن تەڭ دارەجەلى ارىپتەستەر رەتىندە جەرگىلىكتى بيزنەسكە اقشا قۇيىلىمىن جاساي باستاعان.
الايدا, قازىر بەلگىلى بولعانداي, بۇل شالقۋ مەن شارىقتاۋدىڭ ادىمى تىم قىسقا بولدى. قازاقستانداعى مۇددەلى ادامداردىڭ داۋىن داۋلاپ ءجۇرگەن نەمىس ادۆوكاتتارىنىڭ تاباندىلىقتارى ارقاسىندا ءاليەۆ-شورازدىڭ قيتۇرقى ارەكەتتەرىنىڭ ءبارى اشىلىپ قالدى. وسىعان كوز جەتكىزگەن مالتا قىلمىستىق سوتى دا ەندى بۇل ىستەن ءبىر ادىم دا كەيىن شەگىنگىسى كەلىپ وتىرعان جوق.
قازاقتىڭ «مىڭ اسقانعا – ءبىر توسقان» ءسوزىنىڭ سالماعى ەندى شىندىق جۇزىندە كورىنە باستادى.
قۇرىش نۇرىمبەت.
