«ارىسقا ارنايى بارىپ, الەۋمەتتىك نىساندار مەن تۇرعىن ۇيلەردى قالپىنا كەلتىرۋ جۇمىستارىمەن تانىستىم. توتەنشە جاعدايدان ۇيلەرى زارداپ شەككەن وتباسىلارمەن كەزدەسىپ, ەشكىمنىڭ نازاردان تىس قالمايتىنىن, مەملەكەت تاراپىنان بارىنە بىردەي قولداۋ كورسەتىلەتىنىن ايتتىم», دەدى ب. بايبەك.
سونداي اق, ەلباسى مەن مەملەكەت باسشىسىنىڭ تاپسىرماسىنا سايكەس ناقتى شارالار جۇزەگە اساتىنىن جازدى.
«Nur Otan» پارتياسىنىڭ ءبىرىنشى ورىنباسارى پارتيا تاراپىنان قوعامدىق باقىلاۋ كۇشەيتىلەتىنىنە توقتالدى.
«اپاتتىڭ زارداپتارىن جويۋعا بۇكىل ەل بولىپ جۇمىلۋدا. قازىردىڭ وزىندە جۇزدەن استام قۇرىلىس كومپانيالارى مەن مىڭ جارىمنان استام مامان كەلىپ, جۇمىستى باستاپ كەتتى. قيراعان ۇيلەردىڭ بارلىعىن 1 تامىزعا دەيىن تاپسىرۋ جوسپارلانىپ وتىر. بۇل ىستە «Nur Otan» پارتياسى تاراپىنان قوعامدىق جانە پارتيالىق باقىلاۋ كۇشەيتىلەدى. اپتا سايىن قالپىنا كەلتىرۋ جۇمىستارىنىڭ بارىسى تۋرالى اقپاراتتار جاريالانىپ وتىرادى», دەپ جازدى ول.
سونىمەن قاتار جاسوتاندىقتارعا ەرەكشە العىسىن ءبىلدىردى.
«ولار ەرىكتىلەر رەتىندە العاشقىلاردىڭ ءبىرى بولىپ اپات بولعان جەرگە كەلىپ, ارىستاعى اعايىنعا ناقتى كومەك كورسەتۋدە. بۇل ناعىز وتانشىلدىق پەن ازاماتتىقتىڭ جارقىن كورىنىسى. ارىس, ءبىز بىرگەمىز!», دەپ جازدى ب. بايبەك.
