كىتاپتا شەتەل زەرتتەۋشىلەرىنىڭ قازاقتار تۋرالى جازعان ەڭبەكتەرىنە ساراپتاما جاسالعان. قازاقتاردىڭ تاريحى مەن مادەنيەتىنە قاتىستى باتىس عالىمدارىنىڭ كوزقاراسىن وسى ەڭبەكتەن تابۋعا بولادى.
تۇساۋى كەسىلگەن كەلەسى كىتاپ XVIII-XIX عاسىرداعى ۇلى دالا بيلەۋشىلەرىنىڭ ديپلوماتيالىق قىزمەتىنە ارنالعان. بۇل – تاريح عىلىمدارىنىڭ دوكتورى كلارا حافيزوۆانىڭ 50 جىلدىق ەڭبەگىنىڭ جەمىسى. جيناقتا كوشپەندىلەردىڭ ساياسي-نارىقتىق ءومىرى مەن ءوركەنيەتى كەڭىنەن سيپاتتالعان. عالىم قىتاي جانە ورىس دەرەكتەرىنە ۇڭىلە وتىرىپ, قازاق دالاسىنداعى سۇلتانداردىڭ كەڭ-بايتاق جەردى ساقتاپ قالۋداعى ديپلوماتيالىق ءىس-ارەكەتتەرى مەن ەڭبەكتەرىن زەرتتەگەن. اۆتوردىڭ پىكىرىنشە, كوشپەلى حالىقتىڭ ديپلوماتياسى ءتيىمدى بولعان. ەل بيلەۋشىلەرى قوس ءىرى كورشىنىڭ, مۇسىلمان الەمىنىڭ جانە قوقان حاندىعىنىڭ اراسىندا بولا تۇرا, ءوزىمىزدىڭ ءداستۇرىمىزدى, جەرىمىزدى ساقتاپ قالعان. ك.حافيزوۆا ءوز ەڭبەگى ارقىلى وقىرمانعا وسى ويدى جەتكىزگىسى كەلگەن.
