ارىستاعى جاعداي قازاقستاندىقتاردى بەي-جاي قالدىرعان جوق. اركىم قولدان كەلگەنشە كومەگىن كورسەتۋگە تىرىسۋدا. بۇل رەتتە شىعىس جۇرتشىلىعى دا بەلسەندىلىك تانىتۋدا. ماسەلەن, وسكەمەندەگى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ وقىتۋشىلارى مەن قىزمەتكەرلەرى ءبىر كۇندىك جالاقىلارىن اۋدارۋ جونىندە شەشىم قابىلدادى. «حالقىمىز اركەز ءوزىنىڭ قامقورلىعىمەن جانە ۇيىمشىلدىعىمەن دارالانعان. قيىن كۇندەردە, سىن ساعاتتاردا قول ۇشىن سوزباساق باسقا قاي ۋاقىتتا كومەكتەسەمىز؟! سول سەبەپتى ءبىزدىڭ ۋنيۆەرسيتەت يگى ىستەن قالىس قالماي, گۋمانيتارلىق كومەك جيناۋ بەكەتىن اشتى. سونىمەن قاتار وقۋ ورنىنىڭ ۇجىمىنىڭ كەلىسىمىمەن ارىس قالاسىنىڭ مەكتەپ تۇلەكتەرى ءۇشىن ۋنيۆەرسيتەتتە تەگىن وقۋ قۇقىعىن بەرەتىن 10 ءبىلىم گرانتىن ءبولىپ وتىرمىز» دەيدى ۋنيۆەرسيتەت رەكتورى مۇحتار تولەگەن.
وسكەمەن
