«باتىس» وڭىرلىك قولباسشىلىعىنىڭ اسكەري بولىمدەرىندە ماماندىق بويىنشا دايىندىق بولىمشە كومانديرلەرى مەن سەرجانتتارىنىڭ باسشىلىق ەتۋىمەن جۇرگىزىلدى. ساباقتاردى ساپالى وتكىزۋ ءۇشىن ءاربىر اسكەري ماماندىق بويىنشا وقۋ توپتارى قۇرىلدى جانە جان-جاقتى دايىندالعان اسكەري قىزمەتشىلەر سانىنان نۇسقاۋشىلار انىقتالدى.
- ماماندىق بويىنشا دايارلىقتىڭ باستى ماقساتى – جەكە قۇرامعا ءوزىنىڭ لاۋازىمدىق مىندەتتەرىنە ءتيىستى ءبىلىمدى بەرۋ, شتاتتىق قارۋ-جاراعى مەن اسكەري تەحنيكاسىن وقۋ جانە اتىس قارۋىن قالىپتى ۇرىس جاعدايىنا كەلتىرۋدى ۇيرەنۋ بولىپ تابىلادى. بۇگىنگى كۇنى جالپى سانى 3000-عا جۋىق جاۋىنگەرلەر 160 وقۋ توپتارى بويىنشا, 400-دەن اسا تاجىربەلى سەرجانتتاردىڭ جەتەكشىلىگىمەن ءتالىم الدى, - دەيدى وڭىرلىك قولباسشىلىق اسكەرلەرىنىڭ قولباسشىسى, پولكوۆنيك نۇرلان الدياروۆ.
ساباقتار بارىسىندا جەكە قۇرامنىڭ قارۋ مەن جاۋىنگەرلىك تەحنيكانى ءىس جۇزىندە قولدانۋىنا, شتاتتىق بايلانىس قۇرالدارىندا جۇمىس جاساي بىلۋلەرى مەن العاشقى مەديتسينالىق كومەك كورسەتۋگە كوڭىل ءبولىندى.
ەندىگى كەزەكتە اسكەري قىزمەتشىلەر بولىمشەلەردىڭ دايارلىعىنا كىرىسىپ كەتتى.
