ءسىم باسشىسىنىڭ ساپارى قازاقستاننىڭ ديپلوماتيالىق قىزمەتى كۇنى مەن اقش-تىڭ تاۋەلسىزدىك كۇنى قارساڭىندا اقش مەملەكەتتىك حاتشىسى مايك پومپەونىڭ جەكە شاقىرۋى بويىنشا وتۋدە.
ايتا كەتەرلىك جايت, بۇل ب. اتامقۇلوۆتىڭ اقش-قا قر سىرتقى ساياسي ۆەدومستۆوسىنىڭ باسشىسى رەتىندە جانە قاسىم-جومارت توقاەۆتىڭ قازاقستان پرەزيدەنتى لاۋازىمىنا سايلانعاننان بەرى العاشقى ساپارى. ساپار تۇجىرىمداماسىنىڭ نەگىزىنە مەملەكەت باسشىسى قاسىم-جومارت توقاەۆتىڭ «قازاقستاننىڭ سىندارلى, تەڭدەستىرىلگەن جانە كوپۆەكتورلى سىرتقى ساياسي باعىتىن جالعاستىرۋ تۋرالى» يناۋگۋراتسيالىق ءسوزى بارىسىندا ايتىلعان پايىمداۋى بولدى.
ءوزىنىڭ ەكى كۇندىك ساپارى اياسىندا ب. اتامقۇلوۆ اقش پرەزيدەنتى اكىمشىلىگى, مەملەكەتتىك دەپارتامەنت باسشىلىعىمەن, سونداي-اق ىسكەر جانە ساراپشىلار توپتارىنىڭ وكىلدەرىمەن ەكىجاقتى كەزدەسۋلەر وتكىزەدى دەپ كۇتىلۋدە. الداعى كەلىسسوزدەر بارىسىندا قازاقستان-امەريكاندىق كەڭەيتىلگەن ستراتەگيالىق ارىپتەستىكتىڭ وزەكتى ماسەلەلەرى تالقىلانادى.
قر سىرتقى ساياسي كۇن تارتىبىندەگى ەكونوميكالىق ديپلوماتيانىڭ ەرەكشە ءرولىن ەسكەرە وتىرىپ, اتالعان ساپار ەكى ەل اراسىنداعى ىسكەرلىك بايلانىستاردى ودان ءارى دامىتۋعا باعىتتالعان. سوڭعى جىلدارى قازاقستانعا اقش-تان تىكەلەي ينۆەستيتسيالار اعىنىنىڭ جوعارى سەرپىنى بايقالۋدا. 2017 جىلمەن سالىستىرعاندا (3,6 ملرد اقش دوللارى) 2018 جىلى ولاردىڭ كولەمى 44,7%-عا ءوسىپ, 5,3 ملرد. اقش دوللارىن قۇرادى (3,6 ملرد اقش دوللار).
اقش قازاقستاننىڭ نەگىزگى ساۋدا-ەكونوميكالىق سەرىكتەستەرىنىڭ ءبىرى. اقش-تىڭ يننوۆاتسيالار مەن وزىق تەحنولوگيالار سالاسىنداعى كوشباسشىلىعىن ەسكەرە وتىرىپ, قازاقستان ۇزدىك الەمدىك تاجىريبە مەن ءبىلىمدى تارتۋعا باعىتتالۋدا. وسى جانە باسقا دا ناقتى ماسەلەلەر ءىرى امەريكالىق كومپانيالاردىڭ وكىلدەرىمەن الداعى كەلىسسوزدەر بارىسىندا تالقىلاناتىن بولادى.
اقش قازاقستاننىڭ تاۋەلسىزدىگىن مويىنداعان جانە ءبىزدىڭ ەلدە ءوزىنىڭ ديپلوماتيالىق وكىلدىگىن اشقان العاشقى مەملەكەتتەردىڭ ءبىرى. تاۋەلسىزدىك جىلدارى قازاقستان مەن اقش اراسىنداعى ەكىجاقتى ىنتىماقتاستىق تولىق سەنىم مەن ءوزارا تۇسىنىستىك رۋحىندا دامىپ كەلەدى.
تۇڭعىش پرەزيدەنت – ەلباسىنىڭ 2018 جىلعى قاڭتارداعى ۆاشينگتونعا رەسمي ساپارىنىڭ قورىتىندىسى بويىنشا نۇر-سۇلتان مەن ۆاشينگتون كەڭەيتىلگەن ستراتەگيالىق ارىپتەستىك دەڭگەيىنە قول جەتكىزە الدى. بۇل ەكى مەملەكەت باسشىلارىنىڭ بىرلەسكەن مالىمدەمەسىندە بەكىتىلگەن.
