Financial Times: «سۋديا تير «بتا بانك» ءالى دە ءوزىنىڭ بۇرىنعى توراعاسى مۇحتار ءابىلازوۆ پەن ونىڭ سىبايلاستارىنان 2 ملرد. دوللار وندىرە الادى دەپ شەشتى».
بەيسەنبى, 21 ناۋرىز 2013 0:20
بريتاندىق Financial Times گازەتى وسىلاي دەپ جازادى. وندا: «لوندوننىڭ جوعارعى سوتى قازاقستاندىق ««بتا بانك» ءوزىنىڭ بۇرىنعى توراعاسى مۇحتار ءابىلازوۆ پەن ونىڭ سىبايلاستارىنان 2 ملرد. دوللاردى اكتيۆ تۇرىندە وندىرە الادى» دەپ ايتىلعان. ءىس بويىنشا سوڭعى شەشىمدە سۋديا تير بتا-نىڭ پايداسىنا ءۇش تالاپ ارىز بويىنشا شەشىم شىعارعاندىعى بەلگىلى. بتا ابىلازوۆتەن ونىڭ ۇرلاپ الىپ كەتكەن ميللياردتاعان دوللارلارىن قايتارۋدى كوزدەيدى, سوندىقتان ولار الاياقتىڭ قىلمىسىن تولىق ايقىنداپ بەرىپ وتىر.
بەيسەنبى, 21 ناۋرىز 2013 0:20
بريتاندىق Financial Times گازەتى وسىلاي دەپ جازادى. وندا: «لوندوننىڭ جوعارعى سوتى قازاقستاندىق ««بتا بانك» ءوزىنىڭ بۇرىنعى توراعاسى مۇحتار ءابىلازوۆ پەن ونىڭ سىبايلاستارىنان 2 ملرد. دوللاردى اكتيۆ تۇرىندە وندىرە الادى» دەپ ايتىلعان. ءىس بويىنشا سوڭعى شەشىمدە سۋديا تير بتا-نىڭ پايداسىنا ءۇش تالاپ ارىز بويىنشا شەشىم شىعارعاندىعى بەلگىلى. بتا ابىلازوۆتەن ونىڭ ۇرلاپ الىپ كەتكەن ميللياردتاعان دوللارلارىن قايتارۋدى كوزدەيدى, سوندىقتان ولار الاياقتىڭ قىلمىسىن تولىق ايقىنداپ بەرىپ وتىر.
جالپى, بتا سوت قاراۋى بارىسىندا ءابىلازوۆ بانكتەن قاراجاتتاردى تولەمدى قامتاماسىز ەتۋ جولىمەن وزىنە باعىنىشتى جانە ءوزىنىڭ تىكەلەي باقىلاۋىنداعى وففشورلىق كومپانيالار ارقىلى شىعارعان دەيدى. بۇل وقيعالار قازاقستاندا ورىن العانىمەن, ءابىلازوۆ جانە ونىڭ ءبىر سىبايلاسى لوندوندا تۇراتىن بولعاندىقتان تالاپ ارىزدار جوعارى سوتقا وسىدان ءۇش جىل بۇرىن بەرىلگەن ەدى.
تاياۋداعى شەشىم سوتتىڭ بۇرىنعى 2 ميلليارد دوللارعا شىعارىلعان قاۋلىسىنا قوسىمشا بولدى. وندا سۋديا تير «بتا بانك» ديرەكتورلار كەڭەسىنىڭ بۇرىنعى توراعاسى مۇحتار ابىلازوۆكە قاتىستى 2 ملرد. دوللاردى پايىزدىق وسىممەن وندىرۋگە شەشىم شىعارعان بولاتىن. سونىمەن قاتار, بۇعان قوسا بانك باسقارماسىنىڭ بۇرىنعى توراعاسى رومان سولودچەنكودان 0,4 ملرد. دوللار ءوندىرۋ تۋرالى دا شەشىم شىعارىلدى.
ەستەرىڭىزگە سالا كەتەيىك, «بتا بانك» 2009 جىلى تامىز ايىندا بەنەفيتسيارى ءابىلازوۆ بولىپ تابىلاتىن كومپانيالار اكتيۆتەرىنە توقتام سالىنعاندىعى تۋرالى قاۋلى العان ەدى. بۇعان قوسا سوت كاسىپكەرگە ەشقايدا كەتپەۋ تۋرالى شەكتەۋ قويعان بولاتىن. الايدا, 2011 جىلى مامىر ايىندا «بتا بانك» ءابىلازوۆتىڭ سوتتىڭ شەشىمدەرىن ورىنداماي وتىرعاندىعىن ايتىپ, تالاپ ارىز ءتۇسىردى. سول سياقتى بۇرىنعى بانكيرگە ءوزىنىڭ اكتيۆتەرى تۋرالى جالعان مالىمەت بەردى دەگەن كىنا دە تاعىلدى. ءسويتىپ, تالاپ ارىز بەرۋشى ءابىلازوۆتىڭ لوندوننىڭ جوعارى سوتىن سىيلاماعاندىقتىڭ 30 جاعدايىن تىركەپ, كورسەتىپ بەردى.
ال مۇحتار ءابىلازوۆ بولسا, ءالى كۇنگە ءوزىنىڭ قۋدالانۋىن ساياسي استارمەن تۇسىندىرەدى. ول ءوزىن قازاقستاندىق بيلىك رەجىمنىڭ ساياسي وپپونەنتى رەتىندە كورسەتىپ باعۋدا. بۇل ەسكەرۋسىز دە قالماي تۇر, ويتكەنى, بريتاندىق بيلىك وعان ساياسي باسپانا بەرگەنى بەلگىلى.
