ءابىلازوۆتىڭ اشكەرە ارەكەتتەرى
سارسەنبى, 27 اقپان 2013 7:31
ۇلىبريتانيانىڭ جوعارعى سوتى ءابىلازوۆتىڭ سوڭعى اپەللياتسيالىق شاعىمىن قابىلدامادى
بۇل بتا بانكتىڭ اكتيۆتەرىن قايتارۋدى تەزدەتە تۇسەدى. «بتا بانكى» اق حابارلاعانداي, ۇلىبريتانيانىڭ جوعارعى سوتى بانكتىڭ بۇرىنعى ديرەكتورلار كەڭەسىنىڭ توراعاسى ءابىلازوۆتىڭ سۋديا نايدجەل ءتيردىڭ شەشىمىنە بۇرىن بەرىلگەن ارىزىن اپەللياتسيالىق سوتتا قاراۋدان باس تارتتى. سۋديا تير ءوز شەشىمىمەن ءابىلازوۆتىڭ سوتقا قۇرمەتسىزدىك تانىتۋىنا جانە تۇرمەدەگى مەرزىمىن وتەۋ ءۇشىن بيلىكتىڭ ءتيىستى ورگاندارىنا بەرىلمەۋىنە بايلانىستى قورعانۋ قۇقىعىنان ايىرعان ەدى.
سارسەنبى, 27 اقپان 2013 7:31
ۇلىبريتانيانىڭ جوعارعى سوتى ءابىلازوۆتىڭ سوڭعى اپەللياتسيالىق شاعىمىن قابىلدامادى
بۇل بتا بانكتىڭ اكتيۆتەرىن قايتارۋدى تەزدەتە تۇسەدى. «بتا بانكى» اق حابارلاعانداي, ۇلىبريتانيانىڭ جوعارعى سوتى بانكتىڭ بۇرىنعى ديرەكتورلار كەڭەسىنىڭ توراعاسى ءابىلازوۆتىڭ سۋديا نايدجەل ءتيردىڭ شەشىمىنە بۇرىن بەرىلگەن ارىزىن اپەللياتسيالىق سوتتا قاراۋدان باس تارتتى. سۋديا تير ءوز شەشىمىمەن ءابىلازوۆتىڭ سوتقا قۇرمەتسىزدىك تانىتۋىنا جانە تۇرمەدەگى مەرزىمىن وتەۋ ءۇشىن بيلىكتىڭ ءتيىستى ورگاندارىنا بەرىلمەۋىنە بايلانىستى قورعانۋ قۇقىعىنان ايىرعان ەدى. ەندى ۇلىبريتانيانىڭ جوعارعى سوتى ءابىلازوۆتىڭ اپەللياتسيالىق شاعىمىنان باس تارتا وتىرىپ, ونىڭ اپەللياتسيالىق سوتقا بەرگەن شاعىمىندا قوعامدىق مۇددەنى كوزدەيتىن زاڭدى نەگىزدىڭ جوقتىعىن ايتادى.
قازىرگى تاڭدا بانك ەكى تالاپ ارىز بويىنشا ءابىلازوۆتان 2 ملرد. اقش دوللارىن ءوندىرۋ جونىندەگى سوت شەشىمىن الىپتى. بۇدان باسقا بانك تاعى دا 1,5 ملرد. اقش دوللارىن الاتىن سوت پروتسەسىنە قاتىسۋدا كورىنەدى. جانە بانك مۇنىمەن شەكتەلىپ قالۋدى مىسە تۇتپايدى, مۇمكىندىگىنشە تاعى دا سوت شەشىمدەرىن الۋدى جوسپارلاپ وتىر. «بۇگىنگى جوعارعى سوتتىڭ شەشىمى ءابىلازوۆتىڭ زاڭدى «تۇلكى بۇلاڭىنا» تۇساۋ سالاتىن جانە بانكتىڭ پايداسىنا شىعارىلعان سوت شەشىمىنىڭ تەزدەتىپ ورىندالۋىن جىلدامداتاتىن پروتسەسس بولدى», دەپ حابارلادى بانك باسقارماسىنىڭ مۇشەسى – باسقارۋشى ديرەكتور پ.پروسيانكين.
مىنە, ەلدى توناپ, ەلدەن قاشقان الاياقتىڭ كۇنى وسىلاي اياقتالادى. الدىڭعى ماقالامىزدا ايىپتىلىعىنا بايلانىستى قۇقىق قورعاۋشىلاردان قاشقان مۇحتار ءابىلازوۆ شۆەيتسارياعا بارىپ, جاسىرىنعان دەگەن باق مالىمەتتەرىنە سۇيەنىپ, ونىڭ ءوز ەلىندە جاساپ كەتكەن بىرقاتار قىلمىستىق ارەكەتتەرىنە توقتالعانبىز. ەندى, مىنە, م.ابىلازوۆكە «بتا بانك» اق-تىڭ ديرەكتورلار كەڭەسىنىڭ توراعاسى كەزىندە اتالعان بانكتەن وراسان كوپ اقش دوللارىن ۇرلاعانى, سوتتى سىيلاماعانى جانە جازادان جالتارعانى ءۇشىن دە كەشىرىلمەس ايىپ تاعىلىپ وتىر. ارينە, ول كەزىندە تەرگەۋ ورىندارىنان قاشىپ, شەتەلگە جاسىرىندى. ول تەك ءبىزدىڭ ەلدەن عانا ەمەس, ودان كەيىن دە باسقا ەلدەن تالاي ميلليونداردى ۇرلاعانى بەلگىلى. ونىڭ سول اقشانى ۇرلاعانداعى ءبىر ماقساتى ءوز ەلىندە كەيىن ب ۇلىك شىعارۋ بولعان ەكەن. ءسويتىپ, ول تەككە كەتپەي ەكسترەميستىك ۇيىمداسقان قىلمىستىق توپ قۇرىپ ۇلگەرگەن كورىنەدى. ونى قارجىلاي قامتاماسىز ەتىپ, قىلمىستىق ءرولدەردى ءوزى تاڭداعان مۇشەلەرىنە ءبولىپ بەرگەن. مىنە, وسى توپتىڭ قازاقستانداعى باسشىسى بولىپ 2010 جىلى ۆ. كوزلوۆ تاعايىندالىپتى. ول وسى قىلمىستىق توپقا بىرنەشە ادامدى تارتقان.
ال كەزىندە ۆ. كوزلوۆ پەن ونىڭ جاقتاستارى مۇنايشىلاردى قولداعانداي بەتپەردە جامىلىپ, شىن مانىندە وزدەرىنىڭ ساياسي مۇددەلەرىن كوزدەگەندىگى ناقتى دالەلدەندى. وتكەن جىلدىڭ 19 قاراشاسىندا ماڭعىستاۋ وبلىستىق سوتى كوزلوۆ پەن ونىڭ قورعاۋشىلارىنىڭ اقتاۋ قالالىق سوتىنىڭ ۇكىمىنە بەرگەن اپەللياتسيالىق ارىزىن قارادى. قىلمىستىق ءىس پەن ايىپتالۋشىلاردىڭ, ولاردىڭ قورعاۋشىلارىنىڭ ۋاجدەرىن تولىق قاراپ, تانىسىپ شىققان سوڭ ءبىرىنشى ساتىداعى سوتتىڭ ۇكىمى وزگەرىسسىز قالدىرىلدى. ال اپەللياتسيالىق ارىزدى قاناعاتتاندىرعان جوق. وسىلايشا ۇكىم كۇشىنە ەندى.
سوتتا بارلىق جاعداي جان-جاقتى سارالانعانى اقيقات شىندىق. ءاربىر ايعاق زات, ءار ءسوز, ءار دالەل ساراپتامادان ءوتتى. ءسويتىپ, ساياساتتانۋشى-ساراپشى, ساراپشى-پسيحولوگ, ساراپشى-فيلولوگ, لينگۆو-ساراپتاماشىلاردىڭ تىكەلەي وزدەرى قاتىسقان كەشەندى سوت-ساراپتاما قورىتىندىسىندا ناقتى اقيقات اشىلدى دەي الامىز. ماسەلەن, ساياساتتانۋشى-ساراپشى زەرتتەۋگە بەرىلگەن نىسانداردى تەكسەرۋ بارىسىندا تىركەلمەگەن «العا» پارتياسىنىڭ جەتەكشىسى كوزلوۆتىڭ مەملەكەت قاۋىپسىزدىگىنە نۇقسان كەلتىرۋ تۋرالى الدىن-الا جوسپارلارى بولعانىن ايتادى. بۇل ءىس-شارالاردى ولار ءوز مۇددەلەرىنە پايدالانۋ ءۇشىن جاساعان كورىنەدى. تەلەفون ارقىلى سويلەسۋلەر, ەلەكتروندى حات الماسۋ ماتىندەرى, اۋديوجازبالار جانە باسقا دا ماتەريالدار الەۋمەتتىك الاۋىزدىقتى تۋدىرۋعا باعىتتالعان ءىس-شارالار بولعان. ال الەۋمەتتىك الاۋىزدىقتى تۋدىرۋ, جۇرتتىڭ ءبارى بىلەتىندەي, بيلىكتى قۇلاتۋدىڭ ءبىر بولىگى بولىپ سانالادى. ەندەشە, كوزلوۆقا جالتاراتىن جول قالمادى.
ءيا, ۆ.كوزلوۆتىڭ ءىس-ارەكەتىنىڭ قانداي سيپاتتا وربىگەنىن بۇگىندە كوپتەگەن ادامدار اشىق ايتىپ وتىر. ولاردىڭ سوزدەرىنە سەنبەسكە امال جوق. ويتكەنى, ول ادامداردىڭ ءبارى ۆ.كوزلوۆتىڭ ارباۋىنا ءتۇسىپ قالعان, سودان ونىڭ قيتۇرقى سوزدەرىن ءوز قۇلاقتارىمەن ەستىگەن. ماسەلەن, سونىڭ ءبىرى ن.اجيگاليەۆا ۆ.كوزلوۆتىڭ 2011 جىلى جاڭاوزەنگە كەلگەندە ءوزىن ءابىلازوۆتىڭ وكىلى دەپ تانىستىرعانىن ايتادى. سوندا ول ەرەۋىلشىلەردىڭ ارەكەتتەرىن قولدايتىنىن, ولارعا كومەك بەرۋگە ۋادە ەتكەن. سول سياقتى بۇدان بۇرىن دا بۇقارالىق اقپارات قۇرالدارىندا جازىلعانداي, ت.ساقتاعانوۆ ءوزىنىڭ دە, مۇنايشىلاردىڭ دا ۆ.كوزلوۆ باستاعان قىلمىستىق توپتىڭ ايتقاندارىنا الدانىپ قالعانىن جەتكىزەدى. ول قولىمەن ىستەگەنىن موينىمەن كوتەرۋى ءتيىس. مۇنداي ارانداتۋشىلىقتان ءابىلازوۆتىڭ دە تاسادا قالماعانى انىق. ول ءوزىنىڭ ماقالالارىندا اشىق تۇردە بيلىكتى كۇشپەن باسىپ الۋعا, كونستيتۋتسيالىق قۇرىلىستى كۇشپەن وزگەرتۋگە, ءسويتىپ, ەلدىڭ اۋماقتىق تۇتاستىعىن بۇزۋعا باعىتتالعان ءسوزدەردى كەلتىرەدى. مۇنداعى نەگىزگى ءتۇيىن: ءابىلازوۆ مەملەكەتتىك بيلىكتى كۇشپەن باسىپ الىپ, قىرعىزستانداعى «ءتۇرلى-ءتۇستى» رەۆوليۋتسيانى قايتالاۋعا ۇندەيدى.
ال وسىنداي نيەتى تەرىس ادامنان قايتىپ قايىر كۇتە الاسىز؟ ول جوعارىداعى ويىن ناقتى ءجۇزەگە اسىرۋ ماقساتىندا «العا» حالىقتىق پارتياسىنىڭ ايماقتىق بولىمشەلەرى جەتەكشىلەرىنىڭ قاتىسۋىمەن وتكىزىلگەن سكايپ-كونفەرەنتسيادا تەزدەتىپ قالىڭ قولدى ءبىر جەرگە توپتاستىرۋ ارقىلى 2011 جىلدىڭ اياعىنا دەيىن مەملەكەتتىك بيلىكتى قۇلاتۋعا نۇسقاۋ بەرەدى. بۇل سوزدەردىڭ ءبارى اتالعان كونفەرەنتسيا جازبالارىندا ساقتالىپ تۇر ەكەن. سوندا كوزلوۆتىڭ ءابىلازوۆتىڭ بۇل تاپسىرماسىن ورىنداۋعا دايار ەكەنىن سەندىرە سويلەگەن سوزدەرى دە جازىلىپتى.
اقىر اياعىندا ءابىلازوۆ-كوزلوۆتىڭ بارلىق قىلمىستىق ارەكەتتەرى اشكەرەلەنىپ, دالەلدەندى. قاشقىن ءابىلازوۆ ىزدەستىرىلۋدە, ال كوزلوۆ قازاقستان رەسپۋبليكاسى قىلمىستىق كودەكسىنىڭ 235-بابىنىڭ 1-بولىگىندە, 164-بابىنىڭ 3-بولىگىندە, 170-بابىنىڭ 2-ءبولىگىندە كوزدەلگەن قىلمىستىق ارەكەتتەردى جاساعانى ءۇشىن كىنالى دەپ تانىلىپ, سوتتىڭ ۇكىمىمەن 7 جىل 6 ايعا باس بوستاندىعىنان ايىرىلدى. مۇنىڭ ءبارى كوپتەگەن تەرگەۋشىلەردىڭ, ساراپتاماشىلاردىڭ, اقىر اياعىندا قىلمىستىق ءىستىڭ باس-اياعىن تولىق قاراپ, شىنايى تالقىلاۋ مەن ادىلدىك تارازىسىنان وتكىزگەن سوتتىڭ ناقتى شەشىمى. سوندىقتان شىندىقتان ەشكىم دە بۇلتارا المايدى, ال سوت شەشىمىنەن ەشكىم دە قاشىپ قۇتىلا المايدى. ءتۇپتىڭ تۇبىندە قىلمىسكەر ءبارىبىر جازاسىن الادى. ءبىزدىڭ ەلدىڭ زاڭى سولاي, تەك ادىلدىك قانا سالتانات قۇرادى. ال زاڭدى بۇزعاندار جاۋاپقا تارتىلادى.
الماس بولاتوۆ.
