ۇرىعا كومەكتەسكەن كۇزەتشىنىڭ ءوزى ەكەن
جۇما, 15 اقپان 2013 7:09
وڭتۇستىك قازاقستان وبلىسى بويىنشا قارجى پوليتسياسى دەپارتامەنتىنىڭ قىزمەتكەرلەرى «قۇمكول-پاۆلودار-شىمكەنت» مۇناي قۇبىرلارى ارقىلى مۇنايدى ۇرلاعان قىلمىستىق توپتى قۇرىقتادى. ولار وڭتۇستىك قازاقستان جانە جامبىل وبلىستارىنىڭ ايماعىندا ۇرلانعان مۇنايدى تاسىمالداۋمەن اينالىسقان.
جۇما, 15 اقپان 2013 7:09
وڭتۇستىك قازاقستان وبلىسى بويىنشا قارجى پوليتسياسى دەپارتامەنتىنىڭ قىزمەتكەرلەرى «قۇمكول-پاۆلودار-شىمكەنت» مۇناي قۇبىرلارى ارقىلى مۇنايدى ۇرلاعان قىلمىستىق توپتى قۇرىقتادى. ولار وڭتۇستىك قازاقستان جانە جامبىل وبلىستارىنىڭ ايماعىندا ۇرلانعان مۇنايدى تاسىمالداۋمەن اينالىسقان. ۇرىنىڭ الىستان كەلمەيتىنى بەلگىلى. وبلىستىق قارجى پوليتسياسى دەپارتامەنتى ءباسپاسوز قىزمەتىنىڭ مالىمەتىنە قاراعاندا, «SEMSER Security», «كۇزەت اگەنتتىگى» جشس-نىڭ ديرەكتورى ن.مولتاەۆتىڭ قىزمەت وكىلەتتىگىن پايدالانىپ, بىرنەشە تۇلعالاردان تۇراتىن قىلمىستىق توپپەن بايلانىسىپ جانە ولاردىڭ ۇزاق ۋاقىت بويى «قۇمكول-پاۆلودار-شىمكەنت» قۇبىرلارىنان مۇناي ۇرلاۋىنا قامقورشى بولعان, قىزمەتى ءۇشىن ءىرى مولشەردە اقشالاي سىياقى الىپ وتىرعانى انىقتالدى.
ودان بولەك, 9 ادامنان تۇراتىن قىلمىستىق توپ جانە ونىڭ ۇيىمداستىرۋشىسى ب.ناقىلبەكوۆ ۇستالدى. ول دا شيكى مۇنايدى ۇرلاۋ ماقساتىمەن قىلمىستىق توپ قۇرىپ, مۇناي قۇبىرلارىنا زاڭسىز قوسىلۋ ارقىلى وڭتۇستىك قازاقستان جانە جامبىل وبلىستارىنىڭ ايماعىندا ۇرلانعان مۇنايدى تاسىمالداۋمەن اينالىسقان.
ولاردان ۇرلانعان مۇنايدى «باتىس ەۋروپا-باتىس قىتاي» اۆتودالىزىندە قۇرىلىس جۇرگىزەتىن اسفالتبەتون زاۋىتتارى ساتىپ الىپ وتىرىپتى. قىلمىستىق توپقا قامقورشىلىق كورسەتكەنى ءۇشىن ن.مولتاەۆقا جالپى سوماسى 900 مىڭ تەڭگە كولەمىندە اقشا بەرىلگەنى بىرنەشە رەت تىركەلىپ, ونىڭ تۇرعىن ۇيىنە تەكسەرۋ جۇمىستارىن ءجۇرگىزۋ بارىسىندا اتالعان سومانىڭ 300 مىڭ تەڭگەسى تابىلعان.
جالپى, قىلمىستىق توپپەن اسا ءىرى مولشەردە, ياعني 11,0 ملن. تەڭگەنى قۇرايتىن 400 توننا مۇناي ۇرلانعان. اتالعان دەرەك بويىنشا قك-ءنىڭ 175-بابى 4-بولىگىنىڭ «ب» تارماعىمەن (ۇرلىق) قىلمىستىق ءىس قوزعالدى. قازىرگى تاڭدا بارلىق ايىپتىلار سوت سانكتسياسىمەن قاماۋعا الىندى.
سونداي-اق, 26 قاڭتاردا «بەرەكە» جشس-نىڭ ءبولىم باستىعى, «شىمكەنتدورستروي» وك-ءنىڭ ديرەكتورى جانە «تۇلكىباس جولدارى» جشس-نىڭ اسفالت زاۋىتىنىڭ باستىعىنا قاتىستى مۇنايدىڭ جانە مۇناي ونىمدەرىنىڭ شىعارىلۋىنىڭ زاڭدىلىعىن راستايتىن قۇجاتتارسىز ولاردى تاسىمالداۋ, يەلەنۋ, وتكىزۋ, ساقتاۋ, سونداي-اق مۇنايدى وڭدەۋ جانە زاڭسىز جولمەن الىنعان اقشا قاراجاتىن نەمەسە وزگە م ۇلىكتى زاڭداستىرۋ دەرەكتەرى بويىنشا قىلمىستىق ىستەر قوزعالدى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
