قوعام • 24 ماۋسىم، 2019

جاڭعىرعان جەتىسۋداعى جاڭا جوبالار

209 رەت كورسەتىلدى

وسىدان 2 جىلدان استام ۋاقىت بۇرىن ەلىمىزدىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى جاريالانعان بولاتىن. بۇل ماقالا وڭىرلەردىڭ رۋحانيات سالاسىنا جاڭا سەرپىلىس اكەلىپ، تىڭ جوبالاردىڭ تۋىنداۋىنا جول اشتى. وسى ورايدا رۋحاني تۇرعىدان جاڭعىرۋ جۇمىستارى جەتىسۋ وڭىرىندە دە قارقىندى ءجۇرىپ جاتىر. سونىڭ ءبىر پاراسىن وي ەلەگىنەن وتكىزۋدى ماقسات ەتىپ وتىرمىز.

ءسال ارىدەن باستاساق، وبلىس­تا «رۋحاني جاڭعىرۋ» باعدار­لاماسىن ءتيىستى دەڭگەيدە جۇزەگە اسىرۋ ءۇشىن 2017 جىلى 319 جوبا مەن ءىس-شارا ىسكە اسىرىلدى. سول جىلى ۇيىمداستىرىلعان 8584 ءىس-شارا 1 ملن شاماسىندا ادامدى قامتىدى. ال 2018 جىلى 323 جوبا ىسكە اسىرىلىپ، ۇيىم­داستىرىلعان 9285 ءىس-شا­راعا قا­تىسۋشىلار سانى 1 ملن 300 مىڭنان استى.

جالپى، ەلباسىنىڭ «رۋحاني جاڭعىرۋ» باعدارلاماسى شەڭبە­رىندەگى جوبالاردى ىسكە اسىرۋ بويىنشا ۇسىنىستاردى ازىرلەۋ، مونيتورينگ جۇرگىزۋ ما­ق­ساتىندا الماتى وبلىسى اكىمدىگىنىڭ جانىنان ساراپتا­مالىق كەڭەس قۇ­رىلعان بولاتىن. بۇگىندە كەڭەس قۇرامىندا بارلىعى 22 مۇشە بولسا، ولاردىڭ ىشىندە 11 جەتەكشى عالىم، ۇكىمەتتىك ەمەس ۇيىمداردىڭ جانە باسقا دا سالالاردىڭ وكىلدەرى بار.

بيىلدان باستاپ «رۋحاني جاڭعىرۋ» وڭىرلىك جوبالىق كەڭسەسى اشىلىپ، ورتالىقتا قىز­مەت ەتۋگە شتات سانى 20 ادام­دى قۇرايتىن جوبالىق مەنەدج­مەنتتى مەڭگەرگەن ماماندار، SMM-مەنەدجەرلەر، جاستاردىڭ ۇكىمەتتىك ەمەس ۇيىمدارىنىڭ كوشباسشىلارى، كرەاتيۆتى، بىلىكتى ماماندار جينالدى. بيىل ايماقتا ەلباسىنىڭ «رۋحاني جاڭعىرۋ» باعدارلاماسى مەن « ۇلى دالانىڭ جەتى قىرى» ماقا­لاسىندا ايتىلعان باعىتتار­دى ىسكە اسىرۋعا ارنال­عان جالپى سانى 585 جوبا مەن ءىس-شارا قولعا الى­نۋدا.

ونىڭ اراسىندا جەتىسۋ ءوڭى­­رىنىڭ ءتۋريزمىن ناسيحاتتاۋ ماق­ساتىندا تۇسىرىلگەن «I love Taldykorgan» ميۋزيكلىنىڭ تەگىن پرەمەرالىق كورسەتىلىمى وتكىزىلدى. ميۋزيكل نۇر-سۇلتان، الماتى قالالارىنىڭ كينوتەاتر­لارىندا كورسەتىلىپ، «YouTube» بەينەحوستينگىنە جۇك­تەلىپ، 24 مىڭنان استام كورەر­مەن تاماشالادى. «مۇقا­لي» تاريحي-تانىمدىق ەكسپەدي­تسياسى ۇيىمداستىرىلىپ، ارنايى ساپارمەن قىتاي ح­ا­لىق رەسپۋبليكاسىنىڭ تاري­حي ءوڭىر­لەرىن ارالاپ، سول ەكسپە­ديتسيانىڭ ماتەريالدارى نەگى­زىندە تارالىم سانى 1000 دانادا «مۇقالي» اتتى كىتاپ جارىق كوردى. وبلىستىق تىلدەردى دامىتۋ جونىندەگى باسقارماسىنىڭ باستاماسىمەن «جاڭا الىپبيدە جازىپ ۇيرەنەيىك» ونلاين-ساباق جوباسى جۇزەگە اسىرىلۋدا. باسقارمانىڭ سايتىنا جۇكتەلگەن 36 ونلاين-ساباققا بۇگىندە 2260 تىڭداۋشى قاتىسقان.

مادەنيەت جانە سپورت، اق­پارات جانە قوعامدىق دامۋ مي­نيستر­لىكتەرىنىڭ قولداۋىمەن، الماتى وبلىسى اكىمدىگى جانە «رۋحاني جاڭعىرۋ» ورتا­­­­­لىق جوبالىق كەڭسەسىنىڭ ۇيىمداس­تىرۋىمەن جاقىندا حالىقارالىق دەڭگەيدەگى اۋقىمدى ءىس-شارا­لاردىڭ ءبىرى - «جاھانداعى زاماناۋي قازاقستاندىق مادە­نيەتتى ىلگەرىلەتۋ» اتتى ءى حا­لىق­­­­­­ارالىق عىلىمي-ءتاجىري­بە­لىك كونفەرەنتسيا­سى ءوتتى. ءۇش كۇن­دىك كونفەرەنتسياعا فران­تسيا، گەرمانيا، ارمەنيا، پول­شا، بەلورۋسسيادان كەلگەن حا­لىق­­ارالىق ساراپشىلار مەن عا­لىمدار، مادەنيەتتانۋشىلار، ارت-مەنەدجەرلەر، ايماقتىق جانە رەسپۋبليكالىق كولەمدەگى جوبا­لىق كەڭسەلەردىڭ وكىلدەرى قاتىستى.

«رۋحاني جاڭعىرۋ» باعدار­لاماسى اياسىندا جارىققا شىق­قان كىتاپتار لەگى ءبىر توبە. ونىڭ ىشىندە «جەتىسۋ ءوڭىرىنىڭ حا­لىق جانە حالىق كومپوزيتورلارى اندەرىنىڭ انتولوگياسى» جيناعىنىڭ مارتەبەسى جوعارى. انتولوگيالىق جيناققا جالپى سانى 250-گە جۋىق ءان كىردى. كىتاپ قازاق حالقىنىڭ عۇرىپتىق اندەرى، حالىق اندەرى، حالىق كومپوزيتورلارىنىڭ اندەرى دەي­تىن 3 بولىمنەن تۇرادى. سون­داي-اق «جەتىسۋ كىتاپحاناسى» 100 تومدىعى سەرياسىنىڭ اياسىندا وتكەن جىلى 20 اۆتوردىڭ كىتابى جارىققا شىقسا، بيىل 40 كىتاپ باسىلادى دەپ جوسپارلانۋدا. ونىڭ ىشىندە 20 كىتاپ جاس اقىنداردىڭ تۇڭعىش جىر جيناعى بولماقشى.

وبلىس كولەمىندە «رۋحاني جاڭعىرۋ» باعدارلاماسى اياسىندا جۇرگىزىلگەن جۇمىستاردى اقپاراتتىق سۇيەمەلدەۋگە دە باسا كوڭىل ءبولىنىپ وتىر. ونىڭ ىشىندە Facebook، Instagram، VK الەۋمەتتىك جەلىلەرىندە جانە YouTube ۆيدەوحوستينگىندە «رۋ­حا­ني جاڭعىرۋ» وڭىرلىك جوبالىق كەڭسەسىنىڭ پاراقشالارى اشىلىپ، اقپاراتتىق سيپاتقا يە 27 جاريالانىم مەن 46 ۆيدەروليك جۇكتەلدى. ال «رۋحاني جاڭعىرۋ» باعدارلاماسى شەڭ­بەرىندە تۇسىرىلگەن بەينەروليكتەر وبلىستىق تەلەارنادا جانە LED-ەكرانداردا 4-5 رەتتەن كورسەتىلۋدە. « ۇلى NOMAD»، «ۇلت پەن رۋح»، «تاريح پاراقتارى» تەلەباعدارلامالارىندا تاقى­رىپ­تىق سۇحباتتار ۇيىم­داس­تىرىلۋدا. وتكەن جىلى ۆۆس تەلەراديوكورپوراتسياسىمەن بىرلەسە «جەتىسۋ» اتتى بەينەروليك تۇسىرىلگەن بولاتىن. ونى جەر شارىنىڭ 571 ميلليون كورەرمەنى تاماشالادى. سونداي-اق بەينەروليكتى «مير تۆ» تەلەارناسى روتاتسيالاپ، 150 ميلليون كورەرمەن تاعى تاماشالادى. قازىرگى ۋاقىتتا «جەتىسۋ» بەينەروليگى تمد ەلدەرىندە كەڭى­نەن تانىمال بولدى.

سونداي-اق « ۇلى دالانىڭ جەتى قىرى» ماقالاسى اياسىندا بىرقاتار جوبالاردى ىسكە اسىرۋدى جوسپارلاپ وتىرمىز. اتاپ ايتقاندا، «جەتىسۋ اربا بايگەسى» بايقاۋى، «ناعىز قازاق دومبىرا» اتتى كەشى، «التىن ساقا» اتتى اسىق ويىنى مەن «Sara - Birzhan» تاقىرىبىندا ايتىس ۇيىمداستىرۋ، ءىلياس جانسۇگىروۆ جايلى دەرەكتى فيلم تۇسىرۋگە كىرىستىك. مۇنان بولەك « ۇلى دالا­نىڭ ماڭگىلىك ميراسى – ماناس» تاقىرىبىندا قازاق-قىر­عىز زيالىلارىنىڭ III فورۋمى، «T-CON» يلليۋستراتور­لار مەن انيماتورلاردىڭ حالىق­ارالىق فەستيۆالى، «التىن ادام ىزىمەن»، «جەتىسۋ تۋرالى اراب، پارسى، تۇركى دەرەكتەرى»، «اتا-بابالاردىڭ باس­تاۋىنا» اتتى 3 حالىقارالىق ەكسپەديتسياسىن، «وربۇلاق شاي­قاسىنىڭ تاريحي قويىلىمى» جوباسىن، «كوشپەندىلەر تاريحي قولونەرى» فەستيۆالى، «شوگەن - 2019» رەس­پۋب­ليكالىق ءتۋرنيرى، «جەتىسۋ – جىبەك جولىنىڭ باس­تاۋى» اتتى جاستار ەكسپەديتسياسىن ۇيىم­داستىرۋ جانە «تامىرى تەرەڭ ءالىپبي» انتولوگيالىق جيناعىن شىعا­رۋ جوسپاردا بار.

 

دانا دۇيسەنوۆا،

الماتى وبلىسى بويىنشا «رۋحاني جاڭعىرۋ» جوبالىق كەڭسەسىنىڭ ديرەكتورى

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار