ەل تىلەۋى – تىنىشتىق
جۇما, 1 اقپان 2013 7:57
ەلباسى نۇرسۇلتان نازارباەۆ قۇقىق قورعاۋ ورگاندارىنىڭ ءوتكەن جىلعى جۇمىسىن قورىتىندىلاعان جانە «قازاقستان-2050» ستراتەگياسىن جۇزەگە اسىرۋ مىندەتتەرىنە ارنالعان كەڭەس وتكىزگەنى تۋرالى ەل گازەتى «ەگەمەن قازاقستان» باسىلىمىنان «مىندەت ۇدەسىنەن شىعۋ ءۇشىن تاپسىرمانى ورىنداۋ ماڭىزدى» دەگەن تاقىرىپتا جاريالانعان ەسەپتى مۇقيات وقىپ شىقتىم. كوڭىلىمدەگى كوپ ويدى ءدوپ باستى.
جۇما, 1 اقپان 2013 7:57
ەلباسى نۇرسۇلتان نازارباەۆ قۇقىق قورعاۋ ورگاندارىنىڭ ءوتكەن جىلعى جۇمىسىن قورىتىندىلاعان جانە «قازاقستان-2050» ستراتەگياسىن جۇزەگە اسىرۋ مىندەتتەرىنە ارنالعان كەڭەس وتكىزگەنى تۋرالى ەل گازەتى «ەگەمەن قازاقستان» باسىلىمىنان «مىندەت ۇدەسىنەن شىعۋ ءۇشىن تاپسىرمانى ورىنداۋ ماڭىزدى» دەگەن تاقىرىپتا جاريالانعان ەسەپتى مۇقيات وقىپ شىقتىم. كوڭىلىمدەگى كوپ ويدى ءدوپ باستى. قاراپايىم حالىقتىڭ ءبىرى ءارى ەلىمىزدەگى باس باسىلىمنىڭ تۇراقتى وقىرمانى رەتىندە ايتارىم, گازەتتەگى ەسەپتە سوت جۇيەسى مەن قۇقىق قورعاۋ ورگاندارىنىڭ سالالىق قىزمەتتەرىندەگى ءتول مىندەتىن نىق بەلگىلەپ, بولاشاق باسپالداقتارى ايقىندالعان. ەلباسى «تەرروريزمگە قارسى كۇرەستىڭ تيىمدىلىگىنىڭ باستى ولشەمى – تەررورلىق وقيعانىڭ مۇلدە بولماۋى», دەپ باسا ايتتى. بۇل بولاشاقتى بولجاي بىلۋمەن بىرگە بەيقامدىق پەن تىنىشتىققا قالىپتاسقان ەلدىڭ تىنىشتىعىن ودان ءارى بەكىتە ءتۇسۋ ءۇشىن قۇقىق قورعاۋ ورگاندارى قىزمەتكەرلەرىنىڭ ساقتىقتى ساقتاۋ, مىندەتتەرىن ءمىنسىز اتقارۋ ارقىلى ەلدىڭ, جەردىڭ الدىنداعى پارىزدارىن وتەيتىندىكتەرىن اڭعارتادى. قۇدايعا تاۋبە, ايرانداي ۇيىپ, مول مۇمكىندىكتى ۇتىمدى پايدالانۋعا ۇمتىلىپ جۇرگەن حالىقتىڭ تىلەرى سول تىنىشتىق. جەر جانناتى جەتىسۋدىڭ قۇيقالى ءبىر بولىگى, ءبىزدىڭ اتامەكەنىمىز, جازيرالى جاركەنت ءوڭىرى دەپ اتالادى. شەكارالىق اۋدان. نەگىزىنەن قازاقتار مەن ۇيعىرلار قونىستانىپ, ادال ەڭبەكتىڭ ارقاسىندا تاتۋ-ءتاتتى ءومىر ءسۇرىپ, جىلجىعان جىلدارمەن بىتە قايناسىپ كەتكەن.
ەلباسى جەمقورلىققا قارسى زاڭداردى جەتىلدىرۋ كەرەكتىگىن دە اتالعان كەڭەستە اشىق ايتتى. بۇل ماسەلە دە ەل كوڭىلىنەن شىقتى. ولاي دەيتىنىم, قۇقىقتىق مەملەكەت قۇرۋ جولىندا كەلە جاتقان قازاقستاننىڭ ءار ازاماتى قۇقىقتىق ساۋاتتى بولعاندىقتان بار زاڭنامالاردى جاقسى بىلەدى. سوندىقتان ءار ادام اۋەلگى اڭگىمەنى وزىنەن باستاۋى كەرەك. سوندا ۇرپاق الدىندا ۇيالماي, جارقىن جۇرەرى حاق.
توقتارباي كەرىمقۇلوۆ.
الماتى وبلىسى.
