ادالدار ايقىندالماق
جۇما, 25 قاڭتار 2013 7:28
كەشە پارلامەنت ءماجىلىسىنىڭ ءبىر توپ دەپۋتاتتارى استانا قالالىق ىشكى ىستەر دەپارتامەنتىندە بولىپ, قۇقىق قورعاۋ سالاسى بويىنشا «قازاقستان رەسپۋبليكاسىنىڭ زاڭىنا ءوزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسىن ازىرلەۋ جونىندەگى جۇمىس توبىنىڭ كوشپەلى وتىرىسىنا قاتىستى. ولاردىڭ اراسىندا اتالعان جۇمىس توبىنىڭ جەتەكشىسى, زاڭناما جانە سوت-قۇقىقتىق رەفورما كوميتەتىنىڭ مۇشەسى رامازان سارپەكوۆ, حالىقارالىق ىستەر, قورعانىس جانە قاۋىپسىزدىك كوميتەتىنىڭ ءمۇشەسى قايىربەك سۇلەيمەنوۆ, ءىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆ,
جۇما, 25 قاڭتار 2013 7:28
كەشە پارلامەنت ءماجىلىسىنىڭ ءبىر توپ دەپۋتاتتارى استانا قالالىق ىشكى ىستەر دەپارتامەنتىندە بولىپ, قۇقىق قورعاۋ سالاسى بويىنشا «قازاقستان رەسپۋبليكاسىنىڭ زاڭىنا ءوزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسىن ازىرلەۋ جونىندەگى جۇمىس توبىنىڭ كوشپەلى وتىرىسىنا قاتىستى. ولاردىڭ اراسىندا اتالعان جۇمىس توبىنىڭ جەتەكشىسى, زاڭناما جانە سوت-قۇقىقتىق رەفورما كوميتەتىنىڭ مۇشەسى رامازان سارپەكوۆ, حالىقارالىق ىستەر, قورعانىس جانە قاۋىپسىزدىك كوميتەتىنىڭ ءمۇشەسى قايىربەك سۇلەيمەنوۆ, ءىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆ, توتەنشە جاعدايلار جانە ادىلەت مينيسترلىگى, باس پروكۋراتۋرا مەن پارلامەنت ءماجىلىسى اپپاراتىنىڭ قىزمەتكەرلەرى, سونىمەن قاتار, ءبىر توپ ماماندار بولدى.
وتىرىستا, نەگىزىنەن, پوليگرافتى قۇقىقتىق قولدانۋ ماسەلەسى تالقىلاندى. وسى تاقىرىپ بويىنشا قاتىسۋشىلاردىڭ كوبى اتالعان قۇرىلعىنى قولدانۋ بارىسىنداعى پىكىرلەرى مەن ۇسىنىستارىن ءبىلدىردى. ىشكى ىستەر مينيسترىنىڭ ءبىرىنشى ورىنباسارى, پوليتسيا گەنەرال-مايورى مارات دەمەۋوۆ كوشپەلى ءماجىلىسكە قاتىسۋشىلاردىڭ الدىندا ءسوز ءسويلەپ, مەملەكەت باسشىسى مەن قوعام قۇقىق قورعاۋ ورگاندارىنىڭ قىزمەتكەرلەرىنە قىلمىسپەن كۇرەستە, ازاماتتاردىڭ قۇقىقتارى مەن بوستاندىقتارىن قورعاۋ بويىنشا مىندەتتەردى ءجۇزەگە اسىرۋدا جوعارى تالاپتار قوياتىنىن اتاپ ءوتتى. ال ەلوردالىق پوليتسيا باسشىسى, گەنەرال-مايور امانتاي ءاۋباكىروۆ: «مەملەكەت باسشىسى نۇرسۇلتان نازارباەۆ ءىىم القا ءماجىلىسىنىڭ كەڭەيتىلگەن وتىرىسىندا اتاپ كورسەتكەندەي, ىشكى ىستەر ورگاندارىنا قىزمەتكەرلەردى جۇمىسقا قابىلداعان كەزدە پوليگرافتى بەلسەندى تۇردە قولدانۋ قاجەت», دەدى. وسىعان وراي, ءبۇگىندە استانا قالالىق ىشكى ءىستەر دەپارتامەنتى جۇمىسقا قابىلداناتىن ۇمىتكەرلەردى زەردەلەۋ ءۇشىن ءبىرىنشى بولىپ پوليگرافتى قولدانا باستادى. گەنەرال-مايور امانتاي اۋباكىروۆ قازىر زەردەلەۋ جۇرگىزۋدىڭ ناقتى تاكتيكاسى جاسالىپ, ونىڭ ۇمىتكەرلەردى ىشكى ىستەر ورگاندارىنا قابىلداۋ كەزىندە ءتيىمدى ناتيجە بەرىپ وتىرعانىن جەتكىزدى.
سونىمەن قاتار, پوليگرافولوگ-ماماندارىنىڭ جۇمىسى, پوليگرافتى قولدانۋ ماسەلەسى مەن بولاشاعى جونىندە «ەۆرازيسكايا اسسوتسياتسيا پوليگرافولوگوۆ» ۇيىمىنىڭ توراعاسى سەرگەي كوۆالەۆ كەڭىنەن ايتىپ بەردى. ال تالقىلاۋ اياقتالعاننان كەيىن استانا قالاسى ءىىد-ءنىڭ قىزمەتكەرلەرى بارلىق قاتىسۋشىلارعا ارناپ «ديانا-04» پسيحوفيزيولوگيالىق كەشەنىنىڭ (قۇرىلعى «اقيقات دەتەكتورى» رەتىندە تانىمال) جۇمىسىن كورسەتتى.
الەكساندر تاسبولاتوۆ,
«ەگەمەن قازاقستان».
