ارسىزدار اشكەرەلەنە بەرمەك
سەنبى, 12 قاڭتار 2013 7:52
جەمقورلاردىڭ اراسىندا ۇستالىپ, قاقپانعا ءتۇسىپ جاتقاندارى دا بار. بىراق ولاردىڭ ناعىز وزبىرلارى «كوپ ۇرلاساڭ – قالقان, از ۇرلاساڭ – قاقپان» قاعيداسىن ۇستانادى. نەعۇرلىم كوپ اساعاندار جازاتايىم ۇستالىپ جاتسا, ۇرلاعان مول دۇنيەسىنىڭ جارتىسىن بولسا دا بەرىپ, قۇتىلاتىنى انىق. از ۇرلاعان ۇستالسا نە وزىنە, نە پاراعا جەتكىزە المايدى. ال ۇرلىقتىڭ اتى ۇرلىق, زاڭ بويىنشا ول دا قىلمىس.
سەنبى, 12 قاڭتار 2013 7:52
جەمقورلاردىڭ اراسىندا ۇستالىپ, قاقپانعا ءتۇسىپ جاتقاندارى دا بار. بىراق ولاردىڭ ناعىز وزبىرلارى «كوپ ۇرلاساڭ – قالقان, از ۇرلاساڭ – قاقپان» قاعيداسىن ۇستانادى. نەعۇرلىم كوپ اساعاندار جازاتايىم ۇستالىپ جاتسا, ۇرلاعان مول دۇنيەسىنىڭ جارتىسىن بولسا دا بەرىپ, قۇتىلاتىنى انىق. از ۇرلاعان ۇستالسا نە وزىنە, نە پاراعا جەتكىزە المايدى. ال ۇرلىقتىڭ اتى ۇرلىق, زاڭ بويىنشا ول دا قىلمىس. سوندىقتان ميلليونداپ قارجىنى قالتاسىنا باستى ما, الدە تىشقاق لاقتى الىپ قاشىپ ۇستالدى ما, زاڭ ءۇشىن ءبارىبىر. سوتتالادى دا كەتەدى. مىنە سوندىقتان دا ءبىزدىڭ جەمقورلار نەعۇرلىم كوپ اساۋعا ۇمتىلادى. ال بىرەۋلەر ولاردى سوگەدى: نەگە جەمساۋلارى سوگىلمەيدى دەپ. ەگەر بۇلار بولماسا ولارعا دەم بەرىپ جۇرگەندەر قايتىپ تىنىش جاتپاق. دۇرىسى سولاردى باپتاۋ ارقىلى قاداعالاپ جۇرگەندەر قالاي بايىماق؟ ماسەلەن, سولتۇستىك قازاقستان وبلىسىندا كاسىپكەرلىك جانە ءوندىرىس باسقارماسىنىڭ بۇرىنعى باستىعى, جوبالىق-سمەتالىق قۇجاتتامانى بەكىتۋ ءۇشىن ءبولىمنىڭ باستىعىنا بەرەمىن دەپ جشس ديرەكتورىنان 4 ملن.تەڭگە العان. ارينە, ول ۇستالدى, سوتتالدى. شىعىس قازاقستان وبلىسىندا كۋرچاتوۆ قالاسى ادىلەت باسقارماسىنىڭ بۇرىنعى باستىعى الاياقتىق جولمەن جشس وكىلىنەن جالپى قامقورلىق ءۇشىن جانە كۋرچاتوۆ قالاسىنىڭ تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى بولىمىمەن ەسكى ءۇيدى بۇزۋ كەلىسىم-شارتىنا وتىرۋعا كومەكتەسۋ ءۇشىن 20 مىڭ 500 اقش دوللارى مەن 254 مىڭ تەڭگە پارا العان.
وڭتۇستىك قازاقستان وبلىسىندا اۋداننىڭ بۇرىنعى اكىمى جانە اۋىلدىق وكرۋگىنىڭ اكىمى اۋىل شارۋاشىلىعىن دامىتۋدىڭ ايماقتىق باعدارلاماسى شەڭبەرىندە دۇكەن مەن جىلىجاي سالۋعا جەر تەلىمىن بەرگەندەرى ءۇشىن كاسىپكەردەن جالپى سومماسى 7 مىڭ اقش دوللارى كولەمىندە پارا العان. پاۆلودار وبلىسىندا ەكىباستۇز قالاسىنىڭ الەۋمەتتىك باعدارلامالار جانە حالىقتى جۇمىسپەن قامتۋ ءبولىمىنىڭ بۇرىنعى باستىعى مەن وسى ءبولىمنىڭ سەكتور مەڭگەرۋشىسى جشس-نە بيۋدجەت قاراجاتى ەسەبىنەن الەۋمەتتىك جۇمىس ورىندارىنا جۇمىسسىز ادامداردى جىبەرگەنى ءۇشىن اتالعان كاسىپورىن باسشىسىنان بوپسالاۋ جولىمەن بىرنەشە مىڭ تەڭگە پارا العان. الماتى قالاسىندا اسكەري ءبولىم كومانديرىنىڭ قۇقىقتىق جۇمىس بويىنشا كومەكشىسى اسكەري قىزمەتكەرلەرگە ارنالعان پاتەرلەردى تاپسىرۋدى كەشىكتىرگەنى ءۇشىن ايىپپۇل سالماۋ جانە فيرمانى تەرىس پيعىلدى مەردىگەرلەر تىزىمىنە قوسپاۋ ءۇشىن جشس ديرەكتورىنان 20 مىڭ اقش دوللارىن تالاپ ەتكەن. الماتى وبلىسى بويىنشا قارجىلىق باقىلاۋ ينسپەكتسياسىنىڭ بۇرىنعى باس مامانى جشس ديرەكتورىنان 8 مىڭ اقش دوللارى سوماسىندا پارا العان.
بۇلاردىڭ ءبارىن انىقتاپ جاتقان قارجى پوليتسياسى ەكەندىگى ءسوزسىز. ارينە, ولاردىڭ ىسىندە دە زاڭسىزدىق بار, جوق دەپ ايتۋ قيىن. دەگەنمەن, قارجى پوليتسياسى قىزمەتكەرلەرىنىڭ شاعىن جانە ورتا بيزنەس قىزمەتىنە نەگىزسىز ارالاسۋىنىڭ ءاربىر جاعدايى توتەنشە وقيعا رەتىندە قاراستىرىلاتىنى بەلگىلى. ءوتكەن جىلى قارجى پوليتسياسى ورگاندارىنىڭ ىشكى قاۋىپسىزدىك بولىمشەلەرىمەن قارجى پوليتسياسى قىزمەتكەرلەرىنىڭ كاسىپكەرلىككە زاڭسىز ارالاسۋدىڭ 18 دەرەگى انىقتالدى. قىزمەتتىك تەكسەرۋلەردىڭ قورىتىندىسىمەن اكىمشىلىك جاۋاپكەرشىلىككە 49 قىزمەتكەر تارتىلدى, ونىڭ ىشىندە 15 باسشىلىق لاۋازىمداعىلار, ولاردىڭ 5-ءۋى لاۋازىمدارىنان بوساتىلدى. وسىنداي جۇگەنسىزدىكتەر بويىنشا بىرنەشە قىلمىستىق ءىس قوزعالدى. مىسالى, باتىس قازاقستان وبلىسى بويىنشا دەپارتامەنتتىڭ تەرگەۋشىسى سوتتالدى. ول جشس-ءنىڭ بۇرىنعى قۇرىلتايشىسىنان وعان قاتىستى قىلمىستىق ءىستى قىسقارتۋ ءۇشىن كولەمدى پارا بوپسالاعان. مۇندايلار از ەمەس. ايتسەدە قارجى پوليتسياسىنىڭ قاتارى اتتەستاتتاۋ ارقىلى ءبىرشاما تازارىپ قالعانى بايقالادى. ويتكەنى, قارجى پوليتسياسى قىزمەتكەرى ءۇشىن ءمىنسىز بەدەل مەن جوعارى ادامگەرشىلىك نەگىزى وتە ماڭىزدى. سوندىقتان بۇل ۆەدومستۆونىڭ كادرلىق قۇرامى ايتارلىقتاي جاڭارتىلدى جانە قازىر قارجى پوليتسياسىنىڭ قاتارىندا ەلىمىزدىڭ ەكونوميكالىق مۇددەلەرىن قورعاۋ بويىنشا ءوز مىندەتتەرىن ادال ورىنداۋعا دايىن ماماندار قالدى دەپ سەنىممەن ايتا الاتىن بولساق, جوعارىداعى ايتىلعانداي, ءالى ميىعىنان مىسقىلداي ك ۇلىپ جۇرگەن سىبايلاسقان جەمقورلاردىڭ باتار كۇنى تاياپ قالدى دەپ تە ابدەن سەنىم ارتۋعا بولادى.
الەكساندر تاسبولاتوۆ,
«ەگەمەن قازاقستان».
