الماتى اكىمى باۋىرجان بايبەك جاستارعا, ولاردىڭ يدەيالارى مەن ۇسىنىستارىنا قولداۋ كورسەتۋ ەل پرەزيدەنتى قاسىم-جومارت توكاەۆتىڭ باستى ماقساتتارىنىڭ ءبىرى ەكەنىن اتاپ ءوتتى. بۇرىندارى مۇنداي قالالىق كوۆوركينگ-ورتالىقتار الاتاۋ جانە ناۋرىزباي اۋداندارىندا اشىلىپ, جاستار ءۇشىن شەبەرلىك سىنىپتارى, ءتۇرلى ترەنينگتەر, سىرتتان كەلگەن جاستاردىڭ جۇمىسقا ورنالاسۋىنا قاتىستى كەڭەستەر تۇراقتى تۇردە وتكىزىلىپ كەلەدى. بۇدان وزگە, جامبىل اتىنداعى جاسوسپىرىمدەر كىتاپحاناسى جاستاردىڭ زياتكەرلىك ورتالىق بولىپ قايتا قۇرىلدى. بۇرىنعى ترامۆاي دەپوسىنىڭ بازاسىندا جاس الماتىلىقتار ءۇشىن لوفت-ورتالىقتىڭ ەكىنشى كەزەڭى «Depo Evolution Park» اشۋ جوسپارلانعان.
ەلباسىنىڭ بەس الەۋمەتتىك باستاماسى بويىنشا قالادا 20 مىڭ ورىندى 38 جاتاقحانا سالۋ جوسپارلانعان. قازىردىڭ وزىندە ءتورت جاتاقحانا ىسكە قوسىلدى, جاقىن ارادا بەسەۋى اشىلادى. ەكى جىل ىشىندە 200 جاس وتباسى «الماتى جاستارى» قالالىق باعدارلاماسى بويىنشا پاتەر الدى. كاسىبي جانە تەحنيكالىق بىلىمگە ەرەكشە نازار اۋدارىلۋدا. بۇگىنگى كۇنى 30 مىڭنان استام جاستار جۇمىسشى جانە سەرۆيستىك ماماندىقتاردى تەگىن الۋدا.
بۇگىن جاڭا كوۆوركينگ-ورتالىقتا «Nur Otan» پارتياسى قالالىق فيليالىنىڭ توراعاسى باۋىرجان بايبەك بىرلەستىكتىڭ جاڭا مۇشەلەرىنە جاڭا پارتيا بيلەتتەرىن تاپسىردى. ولاردىڭ اراسىندا قازاق ءتىلى كلۋبىنىڭ باسشىسى مارينا فالەەۆا, قازاقستان مەن پاراليمپيا ويىندارىنىڭ بىرنەشە دۇركىن چەمپيونى ازامات ورازبەك, جاس كومپوزيتور عالامات بەيسەقوجا, سينگاپۋرداعى «مەديتسينا سالاسىنداعى 100 ستارتاپ-جوبا» جۇلدەگەرى الينا اچيلوۆا, «L-Generation» جەتەكشىسى ەدۋارد لي, تەلەجۇرگىزۋشى ديانا سكاتوۆا, «ارلان» تەاترىنىڭ اكتەرى جانە پانكراتيون بويىنشا ەل چەمپيونى شالقار قۋدايبەرگەن بار
الماتى
