ەكولوگيالىق الاياقتار انىقتالۋدا
سارسەنبى, 9 قاڭتار 2013 7:22
جەر استىن بارلاۋ مەن بۇرعىلاۋ جۇمىستارىنىڭ قاراپايىم تۇرعىندار تۇسىنە دە, تۇيسىنە بەرمەيتىن تۇستارى جەتەرلىك. گەولوگيا مەن گەودەزيا تىلىندە بۇرعىلاۋ شلامى دەگەن ۇعىم بار. بۇل, بۇرعىلاۋ كەزىندە پايدا بولاتىن ۇساق, ۇنتاق ۋلى قالدىقتار دەگەن تۇسىنىكتى بەرەدى. ەگەر وسى وندىرىستىك قالدىقتار دەر ۋاقىتىندا جينالىپ الىنىپ, ارنايى جاساقتالعان ورىندارعا كومىلمەسە قورشاعان ورتاعا ايتارلىقتاي زيانىن تيگىزەدى.
سارسەنبى, 9 قاڭتار 2013 7:22
جەر استىن بارلاۋ مەن بۇرعىلاۋ جۇمىستارىنىڭ قاراپايىم تۇرعىندار تۇسىنە دە, تۇيسىنە بەرمەيتىن تۇستارى جەتەرلىك. گەولوگيا مەن گەودەزيا تىلىندە بۇرعىلاۋ شلامى دەگەن ۇعىم بار. بۇل, بۇرعىلاۋ كەزىندە پايدا بولاتىن ۇساق, ۇنتاق ۋلى قالدىقتار دەگەن تۇسىنىكتى بەرەدى. ەگەر وسى وندىرىستىك قالدىقتار دەر ۋاقىتىندا جينالىپ الىنىپ, ارنايى جاساقتالعان ورىندارعا كومىلمەسە قورشاعان ورتاعا ايتارلىقتاي زيانىن تيگىزەدى.
ورال وڭىرىندەگى پروكۋراتۋرا ورگاندارى ءتيىستى تەكسەرۋلەر مەن قاداعالاۋلار بارىسىندا بۇل باعىتتاعى ەكولوگيالىق تالاپتاردىڭ بەلدەن باسىلعانىن انىقتادى. اتاپ ايتقاندا, زەلەنوۆ اۋدانىنىڭ يانۆارتسەۆو اۋىلدىق وكرۋگى اۋماعىندا 816 تەكشە مەتر كولەمىندە ۋلى ونەركاسىپتىك قالدىقتار اشىق جەردە جينالماي قالعان. بۇل بەلگىلەنگەن ءتارتىپكە سايكەس جيناستىرىلماعان تابيعاتقا قاۋىپ توندىرەتىن ۇساق رۋدالار دەۋگە بولادى. وندىرىستىك قالدىقتار ارنايى كومەتىن جەرگە جەتكىزىلمەگەن. قىسقاسى, ەكولوگيالىق الاياقتار ويلارىنا نە كەلسە, سونى ىستەپ, قورشاعان ورتاعا ەداۋىر زيان كەلتىرگەن. ونىڭ مولشەرى 119,3 ميلليون تەڭگە قۇرايدى. باتىس قازاقستان وبلىستىق پروكۋراتۋراسىنىڭ تالابىنا سايكەس ەكولوگيا دەپارتامەنتى انىقتاعان زيان مولشەرى وسىنداي.
ءدال جوعارىداعىداي كورىنىستەر اتالعان اۋداننىڭ دارينسك جانە رۋبەجكا اۋىلدارى ماڭايىندا دا ورىن العانى بەلگىلى بولىپ وتىر. اشىق جەردە قالعان بۇرعىلاۋ شلامدارى مال مەن جانعا قوسا وسىمدىكتەر دۇنيەسىنە دە قاۋىپتى. ويتكەنى, ول بۋلانعان جاعدايدا تابيعي تەپە-تەڭدىك بۇزىلادى. زياندى زاتتار جەرگە ءسىڭىپ كەتسە تاعى دا قاتەر اكەلۋى ابدەن مۇمكىن. سوندىقتان دا, ۋلى قالدىق جەرگە سىڭبەي تۇرعاندا ارنايى قويما مەن بازاعا جەتكىزىلىپ, زالالسىزداندىرىلۋى كەرەك, دەيدى ەكولوگ ماماندار. وكىنىشكە قاراي, مۇنىڭ ءبىر دە ءبىرى ىستەلمەگەن. بۇل تۇرعىداعى ەكولوگيالىق تالاپتار ساقتالماعان.
باتىس قازاقستان وبلىستىق پروكۋراتۋراسى ەكولوگيالىق تالاپتاردى بۇزۋ دەرەگى بويىنشا, قىلمىستىق كودەكستىڭ 278-بابىنىڭ 2-بولىگى بويىنشا قىلمىستىق ءىس قوزعادى. بۇگىنگى كۇنى بۇعان تىكەلەي كىنالى ەكولوگيالىق الاياقتاردىڭ ەسىمدەرى انىقتالۋدا. وسىعان وراي, بۇرعىلاۋ قىزمەتى سالاسىنداعى سۋبەكتىلەردىڭ تەرىس ءىس-ارەكەتتەرى جان-جاقتى تەكسەرىلۋدە. بۇلاي بولاتىن سەبەبى, قازىرگى ۋاقىتتا وبلىس اۋماعىندا زاڭسىز ونەركاسىپتىك قالدىقتاردىڭ اشىق-شاشىق قالۋى جۇيەلى سيپات الىپ وتىر.
– بۇل جونىندە باسپاسوزگە جازۋدىڭ ءوزى دە ازدىق ەتەدى. مۇنداي ورەسكەل ەكولوگيالىق الاياقتىق كورىنىستەر جونىندە بار داۋىسپەن دابىل قاعۋ كەرەك, – دەدى گازەت تىلشىسىنە باتىس قازاقستان وبلىسىنىڭ پروكۋرورى سەرىك قارامانوۆ.
تەمىر قۇسايىن,
«ەگەمەن قازاقستان».
ورال.
