قازاقستان • 20 ماۋسىم، 2019

«ايبىن» اسكەري-پاتريوتتىق جاستار جيىنى. لەبىزدەر مەن پىكىرلەر

206 رەتكورسەتىلدى

مەملەكەتتىك ماڭىزدى جيىن

جاستار مەن جاسوسپىرىمدەردىڭ اسكەري ومىرگە قىزىعۋشىلىعى جىل­دان-جىلعا ارتىپ كەلەدى. وسى ورايدا، «ايبىن» اسكەري-پاتريوتتىق جيىنى وسكەلەڭ ۇرپاقتى وتانسۇيگىشتىككە تاربيەلەۋگە، ولاردىڭ بولاشاقتا وتان قورعاۋعا ازىرلىكتەرىن پىسىقتاۋعا، جالپى، اسكەري سالانىڭ ءتارتىبى مەن جيناقىلىعىنا بەيىمدەۋگە زور ىق­پالىن تيگىزەدى.

ەلىمىزدىڭ ەگەمەندىگى، ىشكى تۇراقتى­لىعى بولاشاقتا وسى ورىمدەي جاستارعا سەنىپ تاپسىرىلادى. وتان قورعاۋ – ناعىز ەردىڭ ءىسى. 

مەن بۇل ىستە مەكتەپتەردە وقىتى­لاتىن العاشقى اسكەري دايىندىق پاندەرىنىڭ ساپاسىن ارتتىرۋ كەرەك دەپ ەسەپتەيمىن. ويتكەنى قولدا بار دەرەكتەرگە قاراعاندا، وقۋ ورىندارىندا بۇل ءپان قازىر سالدىر-سالاق ءجۇر­­گىزىلۋدە. سوندىقتان العاشقى ءاس­كەري دايىندىقتىڭ الىپپەسىن قىز­مەت­تىك، ومىرلىك تاجىريبەسى مول، كەزىندە جوعا­رى دايارلىقتان وتكەن ەڭبەك دەما­لى­سىنداعى گەنەرالدان باستالاتىن وفيتسەرلەرگە تاپسىرۋ قاجەت دەپ ويلايمىن. ارداگەرلەردىڭ الەۋەتىن پايدالانۋدان بارلىق تاراپتار دا ۇتىلمايدى. 


مۇحتار التىنباەۆ،

حالىق قاھارمانى، ارميا گەنەرالى، «قارۋلى كۇشتەردىڭ ارداگەرلەرى» رقب ورتالىق كەڭەسىنىڭ توراعاسى



كۇن تارتىبىنەن تۇسپەيتىن ماسەلە

«ايبىن» اسكەري-پاتريوتتىق جيى­نى ءبىزدىڭ جاس ۇلاندارعا مەيلىنشە قاجەت جانە ولاردىڭ رۋحىن كوتەرەتىن ءىس-شارا دەپ ەسەپتەيمىن. بۇل جيىن جىلدان-جىلعا جوعارى دەڭگەيدە وتۋدە. بيىل مەملەكەت باسشىسى، قازاق­ستان قارۋلى كۇشتەرىنىڭ جوعارعى باس قول­باس­شىسى قاسىم-جومارت توقاەۆ­تىڭ ارنايى قاتىسۋى اتالعان شارانىڭ ماڭىزىن ارتتىرا ءتۇستى. بۇگىن ساپتا تۇرعان جاس ساربازدار – ەرتەڭگى وتان قورعاۋشىلار. سوندىقتان دا مەملەكەت باسشىسىنىڭ ايتقان سوزدەرىن جاستار قۇلاقتارىنا قۇيىپ ءوسىپ، ەرتەڭگى كۇنى ناعىز ەرجۇرەك جاۋىنگەرلەرگە اينالارىنا كامىل سەنەمىن.

جالپى، بيىلعى «ايبىن» ەلباسى جاريا­لاعان جاستار جىلىنىڭ ەڭ ما­ڭىزدى شارالارىنىڭ ءبىرى دەپ ەسەپتەيمىن. حالقىمىزدىڭ جادىنداعى «ەرىم دەيتىن ەل بول­ماسا، ەلىم دەيتىن ەر قايدان بولسىن» دەگەن قاناتتى ءسوز وسىندايدان تۋسا كەرەك.

اسكەري قاتال ءتارتىپتى، ادالدىقتى، جولداس­تىق سەزىمدى وسىنداي ءىس-شارا­لار­دان بويىنا ءسىڭىرىپ وسكەن ۇرپاق ومىرلىك جولىندا قانداي دا بولسىن قيىندىقتاردى وڭاي ەڭسەرەدى. سوندىق­تان دا، «ايبىن» – ۇلتتىڭ قامى، بولا­شاقتىڭ باياندى بولۋىنىڭ كەپىلى.


باقتيار ماكەن،

ءماجىلىس دەپۋتاتى، «بولاشاق» قاۋىمداستىعى كەڭەسىنىڭ توراعاسى


ەرتەڭىمىز – جاستارمەن

ۇل تاربيەلەي وتىرىپ، جەر يەسىن تاربيەلەيمىز. قىز تاربيەلەي وتىرىپ، ۇلتتى تاربيەلەيتىنىمىز انىق. جاستاردى رۋحاني كەمەلدەندىرۋ، فيزيكالىق تۇرعىدا، پاتريوتتىق رۋحتا تاربيەلەۋ – ۇلتتىق قۇندىلىقتاردىڭ، ۇلت ساۋلىعىنىڭ، كەمەل كەلەشەكتىڭ كەپىلى بولماق.

ال جاقسى داستۇرگە اينالعان «ايبىن» اسكەري-پاتريوتتىق جيىنىنا قاراعاندى پوليتەحنيكالىق كول­لەدجىنىڭ «بۇركىت» اسكەري-پاتريوت­تىق كلۋبىنان 15 ۇلان قاتىسىپ جاتىر. بۇل كلۋبتىڭ تاربيەلەنۋشىلەرىنە ۇلتتىق ۇلاننىڭ «ورتالىق» وڭىرلىك قولباسشىلىعى قامقورلىق كورسەتەدى.

ورايى كەلگەندە ايتا كەتەلىك، ەل قور­عانى بولۋعا قابىلەتتى ۇرپاق قا­لىپ­تاستىرۋ ماقساتىندا 2002 جىلى اسكەر باسشىلىعىنىڭ قولداۋىمەن ورتا مەكتەپتەردە «جاس بۇركىت» كادەت قوزعالىسى قۇرىلعان ەدى. دارىندى دا وزات وقۋشىلاردان جاساقتالعان كادەت سىنىپتارىندا، مىنە، 17 جىلدان بەرى اسكەري-پاتريوتتىق تاربيە جۇمىسى جەمىستى جۇرگىزىلىپ كەلەدى. جالپى، ەلى­نىڭ تاعدىرىنا بەيجاي قارامايتىن ءىز­باسارلار، جەر قورعانى بولار جاۋىنگەرلەر دايىنداۋدا ۇلتتىق ۇلان وسكەلەڭ ۇرپاققا ءاردايىم قولداۋ كورسەتەدى.


قانات بەلياكوۆ،

پولكوۆنيك، ۇلتتىق ۇلان «ورتالىق» وڭىرلىك قولباسشىلىعى قولباسشىسىنىڭ ورىنباسارى


تاربيەنىڭ بىرەگەي الاڭى

داستۇرگە اينالعان «ايبىن» ءاس­كەري-پات­ريوتتىق جيىنىنىڭ اشىلۋى­نا پرەزيدەنتتىڭ قاتىسۋى قاراعاندى جۇرت­شىلىعىن قۋانتتى. بۇل – جاستاردى وتانىمىزدىڭ قورعاۋشىسى بولۋعا شاقىراتىن بىرەگەي الاڭ. سول سەبەپتى، وسىنداي ءىس-شاراعا نازار اۋدارۋ جاس­تارىمىزدى جىگەرلەندىرىپ، ولارعا كۇش بەرەدى. مەملەكەت باسشىسى ءوزى ايتىپ كەتكەندەي، ءبىزدىڭ ەرتەڭىمىز – جاستاردىڭ قولىندا.

بۇگىنگى جاستار وتە العىر، جالىندى. ولار قوعامنىڭ دامۋىنا ءجا­نە جاڭ­عىرۋىنا سەپتىگىن تيگىزۋدە. سول سەبەپ­تى جاستاردىڭ بويىندا وتان­شىل­دىق رۋحتى قالىپتاستىرىپ، ءتار­بيە­لەۋگە اي­رىقشا كوڭىل بولىنگەنى بار­لىعىمىز ءۇشىن قۋاناتىن جايت. بۇگىندە جاستار مەم­ل­ەكەت باسقارۋ ىسىنە دە ارالاسىپ جا­تىر. ق.توقاەۆ انت بەرۋ راسىمىندە ايتىپ كەتكەندەي، پرەزيدەنتتىك كادرلىق رەزەرۆ­تىڭ قۇرىلۋى ولاردىڭ كوڭىلىنە مەدەت بەرىپ، كەلەشەككە سەنىمدى قادام باسۋعا يتەرمەلەيدى.

ال وسىنداي ءىس-شارالار  ارقىلى جاس­تار­عا وتانشىلدىقتى، پاتريوتتىقتى ۇيرەتەمىز. وتانىمىز – باستى بايلىعى­مىز. ونى قورعاۋ – ءار ازاماتتىڭ مىندەتى. سوندىقتان بۇل قۇندىلىقتى جاستاردىڭ بويىنا ەرتە باستان ءسىڭىرۋ كەرەك.


قاديشا وسپانوۆا،

«نۇر وتان» پارتياسى قاراعاندى وبلىسى فيليالى توراعاسىنىڭ ءبىرىنشى ورىنباسارى


اسكەردىڭ ءبىز ءۇشىن ءمانى جوعارى


شىنىندا دا، جەلكىلدەپ ءوسىپ كەلە جاتقان جاستارسىز ەل بولاشا­عىن كوز الدىڭا ەلەستەتۋ ءتىپتى دە ءمۇم­كىن ەمەس. قاسىم-جومارت توقاەۆ تۇڭعىش پرە­­زي­دەنتىمىز جاريالاعان جاستار جىلى باستاماسىن باياندى ەتۋدىڭ بار­لىق جولدارىن قاراستىرىپ، ءوزىنىڭ باع­دار­لاماسىندا ايتىلعان «ساباقتاستىق» ۇستانىمىنا ايرىقشا ماڭىز بەرىپ وتىر.
ءيا، بۇگىنگى جاستىڭ سەنىمىنە باس­تار جولدى ىزگى نيەت، قامقور پەيىلمەن جاسالعان ۇلى ىستەر عانا تابادى. ياعني، مەملەكەت جاس ۇرپاقتىڭ ماسەلەسىنە شىنايى تۇردە مويىن بۇرمايىنشا، كۇنى ەرتەڭگى مىزعىماستىق تۋرالى شال­قىپ سويلەۋ ۇلكەن ابەستىك بولار ەدى. سون­دىقتان مەملەكەت باسشىسىنىڭ «قازاق­ستاندى بولاشاققا باستايتىن – جاستار»، دەۋى ەرتەڭگىنى اداسپاي بولجاعان ەستى ءسوز.
كۇنى كەشە قاراعاندى وبلىسىنا جۇمىس ساپارىمەن كەلىپ، «ايبىن» رەسپۋبليكالىق اسكەري-پاتريوتتىق جاستار جيىنىنا قاتىسقان قاسىم-جومارت توقاەۆ «ءبىز تاۋەلسىز ەلىمىزدىڭ بۇگىنگى جاستارىنا ارقاشان زور ءۇمىت ارتامىز، سەنەمىز»، دەدى. ال وزىنە ءۇل­كەن ءۇمىت ارتىلىپ، سەنىم بىلدىرىلگە­نىن سەزىن­گەن العاداي جاستارىمىزدىڭ ۇياتقا قال­دىرماسى ايدان انىق.
 


دۋمان ءابدىرامانوۆ،

«كازتسينك» جشس اشىق تاۋ-كەن جۇمىستارى بويىنشا باس كەنشى، قاراعاندى وبلىستىق ءماسليحاتىنىڭ دەپۋتاتى

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار