قازاقستان رەسپۋبليكاسىنىڭ پرەمەر-ءمينيسترىنىڭ وكىمىمەن احمەت سەرىك ءابجالى ۇلى قر پرەمەر-ءمينيسترى كەڭسەسى باسشىسىنىڭ ورىنباسارى بولىپ تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
سەرىك احمەت 1961 جىلى قاراعاندى وبلىسىندا تۋعان. قاراعاندى مەملەكەتتىك ۋنيۆەرسيتەتىن بىتىرگەن.
ەڭبەك جولىن 1978 جىلى باستاعان. ءتۇرلى جىلدارى تاريح جانە قوعامتانۋ پاندەرىنىڭ وقىتۋشىسى, قازاقستان لكجو قاراعاندى وبلىستىق كوميتەتىنىڭ حاتشىسى بولدى.
1995-1997 جىلدارى — قاراعاندى ق. كيروۆ اۋدانى اكىمىنىڭ ورىنباسارى.
1997-1998 جىلدارى — قاراعاندى وبلىسى اكىمى اپپاراتىنىڭ ىشكى ساياسات ءبولىمىنىڭ مەڭگەرۋشىسى.
1998-2004 جىلدارى كوممەرتسيالىق جۇمىستارمەن اينالىستى.
2004-2006 جىلدارى قر پارلامەنت سەناتى توراعاسىنىڭ كومەكشىسى بولدى.
2006 جىلى — قر مادەنيەت جانە اقپارات مينيسترلىگى اپپاراتىنىڭ باسشىسى.
2007-2008 جىلدارى «نۇر وتان» حدپ-ىندا ساراپتامالىق جانە جاستار ساياساتى دەپارتامەنتىنىڭ ديرەكتورىنىڭ ورىنباسارى, ورتالىق اپپارات حاتشىسى بولدى.
2008-2011 جىلدارى — ىشكى ساياسات ءبولىمىنىڭ ينسپەكتورى; ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا حاتشىلىعىنىڭ مەڭگەرۋشىسى – قر پرەزيدەنت اكىمشىلىگىنىڭ ىشكى ساياسات ءبولىمى سەكتورىنىڭ مەڭگەرۋشىسى بولىپ جۇمىس ىستەدى.
2011-2013 جىلدارى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى لاۋازىمىن اتقاردى.
2014 جىلدان 2019 جىل ارالىعىندا قر مەملەكەتتىك حاتشىسىنىڭ حاتشىلىعىنىڭ مەڭگەرۋشىسى بولدى.
