پرەزيدەنت • 19 ماۋسىم، 2019

مەملەكەت باسشىسى قاراعاندى وبلىسىنا جۇمىس ساپارىمەن كەلدى

204 رەتكورسەتىلدى

قازاقستان رەسپۋبليكاسىنىڭ پرەزيدەنتى - قارۋلى كۇشتەردىڭ جوعارعى باس قولباسشىسى قاسىم-جومارت توقاەۆ قاراعاندى وبلىسىنا جۇمىس ساپارىمەن كەلدى.

مەملەكەت باسشىسى وسىمەن بەسىنشى مارتە جالاۋ كوتەرگەن «ايبىن» رەسپۋبليكالىق اسكەري-پاتريوتتىق جاستار جيىنىنىڭ سالتاناتتى اشىلۋ راسىمىنە قاتىسىپ، ءسوز سويلەدى. شارادا، سونداي-اق ءقورعانىس مينيسترى گەنەرال-مايور نۇرلان ەرمەكباەۆ پەن قاراعاندى وبلىسىنىڭ اكىمى ەرلان قوشانوۆ بولدى.

«سپاسسك» وقۋ ورتالىعىنىڭ پوليگونىندا ەلىمىزدىڭ بارلىق وڭىرىنەن كەلەگەن اسكەري-پاتريوتتىق كلۋبتاردىڭ 600-دەن استام تاربيەلەنۋشىلەرى، «جاس سارباز» قوزعالىسىنىڭ مۇشەلەرى باس قوستى. اپتا بويى جاسوسپىرىمدەر دەنە شىنىقتىرۋ دايارلىقتارىن جەتىلدىرىپ، جارىستار مەن ويىنداردا اسكەري-قولدانبالى ماشىقتارىن كورسەتەدى. جيىنعا قاتىسۋشىلار قۇرداستارىمەن جاقىنىراق تانىسىپ، جاڭا دوستار تابۋ مۇمكىندىگىنە يە بولدى. جاس ۇلاندار ء ؛ۇشىن بايقاۋلار، سپورتتىق جارىستار جانە قىزىقتى ادامدارمەن كەزدەسۋلەر ۇيىمداستىرىلادى.

جاستار الدىندا ءسوز سويلەگەن پرەزيدەنت قاسىم-جومارت توقاەۆ بارلىق  ؛كۇش-قۋاتتى ومىردەگى باستى ماقساتتارعا جۇمساۋعا شاقىردى.

–  ؛وتانىمىزعا ادال، جاۋاپكەرشىلىگى جوعارى، قايراتتى جانە قايسار جاستارىمىزدىڭ باسىن قوسقان بۇل جيىننىڭ ءمان-ماڭىزى ەرەكشە. بىز تاۋەلسىز ەلىمىزدىڭ بۇگىنگى جاستارىنا ءارقاشان زور ءۇمىت ارتامىز، سەنەمىز. ءقازاقستاننىڭ اربىر جەتىستىگى وزدەرىڭىز سياقتى جاس ورەندەردىڭ الاڭسىز، جارقىن كەلەشەگى ءۇشىن جاسالعان قادام. بۇگىندە ەلىمىزگە بارشا الەم قاۋىمداستىعى قۇرمەتپەن قارايدى. مەملەكەتىمىز قارقىندى دامۋدا. مۇنىڭ بارلىعى تاريحي تۇرعىدان العاندا قىسقا مەرزىمدە اتقارىلعان تاباندى ەڭبەكتىڭ ناتيجەسى. ەلىمىزدىڭ ابىرويىن ارتتىرۋ سىزدەردىڭ وتان الدىنداعى قاستەرلى بورىشتارىڭىز. جاقسى داستۇرگە اينالعان «ايبىن» اسكەري-پاتريوتتىق جاستار جيىنى وتانشىل جاستاردى ادال قىزمەت ەتۋگە، ەل قورعانى بولۋعا تاربيەلەيتىن بىرەگەي الاڭ، – دەدى مەملەكەت باسشىسى.

سونىمەن قاتار، پرەزيدەنت ومىردە ەڭ باستىسى – ادامدىق پاراساتتىلىق، ءبىلىم، جوعارى كاسىپقويلىق جانە ءوز وتانىنا ادالدىق ەكەنىن اتاپ ءوتتى.

– ەلىمىزدە جاس قازاقستاندىقتار ءاراسىندا پاتريوتيزمدى قالىپتاستىرۋ مەن تاربيەلەۋگە ۇلكەن ءمان بەرىلەدى. وسى ماقساتتا «جاس سارباز» رەسپۋبليكالىق بالالار-جاسوسپىرىمدەر اسكەري-پاتريوتتىق قوزعالىسى قۇرىلدى. اسكەري-پاتريوتتىق كلۋبتار مەن سىنىپتار سانى 6 مىڭعا جەتتى، ولاردا 174 مىڭ بالا ءبىلىم الىپ ءجۇر، – دەپ اتاپ ءوتتى قاسىم-جومارت توقاەۆ.

«ايبىن» رەسپۋبليكالىق اسكەري-پاتريوتتىق جاستار جيىنىنىڭ اشىلۋ سالتاناتىندا تەاترلاندىرىلعان كورىنىس قويىلىپ، وندا باتىرلار  ؛ۇرپاقتارىنىڭ بايلانىسى ۇلىقتالدى. ال لاڭكەستەردى زالالسىزداندىرۋ بويىنشا شارتتى كورنەكى وپەراسيادا كورەرمەندەرگە زاماناۋي قارۋ-جاراق تۇرلەرىنىڭ  ؛مۇمكىندىكتەرىن كورسەتىلدى. بۇل شاراعا ارتيللەريا، تانكتەر جانە اۋە تەحنيكاسى – تىكۇشاقتار مەن جويعىش ۇشاقتار قاتىستىرىلدى.

قاسىم-جومارت توقاەۆ سونداي-اق دالا لاگەرىن ارالاپ، وقۋ ورتالىعىنىڭ جاعدايىمەن تانىستى.

سپاسسكىدە پرەزيدەنت پەن جاس پاتريوتتار 2050 جىلعى قازاقستاندىقتاردىڭ بولاشاق بۋىنىنا جولداۋ جازىلعان «ۋاقىت كاپسۋلاسىن» سالدى. بولاشاق وتان قورعاۋشىلار روبوت تەحنيكاسى بويىنشا بىلىمدەرىن پاش ەتىپ، ساپەر، بارلاۋشى جانە باسقا دا روبوتتاردىڭ ۇلگىلەرىن كورسەتتى. جيىن قاتىسۋشىلارىنا «گولوس. دەتي» بايقاۋىنىڭ جەڭىمپازى ەرجان ماكسيم، مەنتالدى اريفمەتيكا بويىنشا الەم چەمپيونى يليا توحتاحان، كەۋدە كوتەرۋ بويىنشا الەمدىك رەكوردشى ءامىر ماحمەت، شاحماتتان بەس دۇركىن الەم چەمپيونى ءبيبىسارا اساۋباەۆامەن اڭگىمەلەسۋ مۇمكىندىگى تۋدى.

«ايبىن» رەسپۋبليكالىق اسكەري-پاتريوتتىق جيىنى 22 ماۋسىمدا اياقتالىپ، سايىس قورىتىندىسىندا ۇزدىك كوماندالار مەن ەرەكشە كوزگە تۇسكەن ورەندەر انىقتالادى. ؛

قاراعاندى وبلىسى

سوڭعى جاڭالىقتار

اقىن جانە ونىڭ مۋزاسى

رۋحانيات • بۇگىن، 07:40

اقىن جانە ونىڭ مۋزاسى

رۋحانيات • بۇگىن، 07:40

اۋادان قارماعان ايىپپۇل

ايماقتار • بۇگىن، 07:34

شولوحوۆقا اق بوتا سىيلاعان

ايماقتار • بۇگىن، 07:30

ۇركىمباەۆ ۇيلەسىمى

ايماقتار • بۇگىن، 07:27

جوشىعا اپارار جول

قوعام • بۇگىن، 07:23

تۇرلەنىپ، تۇلەگەن تۇركىستان

ايماقتار • بۇگىن، 07:21

كاسىبي كادرلار جۇمىس ىستەۋى ءتيىس

ەكونوميكا • بۇگىن، 07:12

وڭالتۋ ورتالىقتارى سالىنادى

ايماقتار • بۇگىن، 07:03

تەلەفون ارقىلى سويلەستى

پرەزيدەنت • بۇگىن، 06:50

ەلوردا نەگە جارىقسىز قالدى؟

قوعام • بۇگىن، 06:42

مىرقىمباي

ادەبيەت • كەشە

قالامگەرمەن كەزدەستى

ادەبيەت • كەشە

قاراشاداعى قوڭىر ولەڭ

ايماقتار • كەشە

ۇقساس جاڭالىقتار