بۇل تۋرالى بۇگىن وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا وتكەن ءباسپاسوز كونفەرەنتسياسىندا وبلىستىق كاسىپكەرلىك جانە تۋريزم باسقارماسىنىڭ باسشىسى فەرداۋسي قوجابەرگەنوۆ ايتتى.
«بارلىعىمىزعا بەلگىلى, 2013 جىلدان باستاپ «بيزنەستىڭ جول كارتاسى 2020» مەملەكەتتىك باعدارلاماسى اياسىندا جاڭا بيزنەس-يدەيالاردى جانە بيزنەس-ينكۋباتسيالاۋ شەڭبەرىندە يندۋستريالىق-يننوۆاتسيالىق جوبالاردى ىسكە اسىرۋ ءۇشىن شاعىن كاسىپكەرلىك سۋبەكتىلەرىنە 3 ملن تەڭگەگە دەيىنگى قايتارىمسىز گرانتتار بەرۋ كونكۋرسى جۇزەگە اسىرىلۋدا. بۇل كونكۋرسقا شاعىن كاسىپكەرلىك سۋبەكتىلەرى, ونىڭ ىشىندە ءىسىن جاڭا باستاعان كاسىپكەرلەر, جاس كاسىپكەرلەر, ايەلدەر, مۇمكىندىگى شەكتەۋلى جانە 50 جاستان اسقان ازاماتتار وزدەرىنىڭ جاڭا بيزنەس-جوبالارىن ۇسىنۋ ارقىلى ۇمىتكەر بولا الادى», - دەدى ف. قوجابەرگەنوۆ.
قازىرگى كۇنى وبلىستا 5118 شاعىن جانە ورتا كاسىپكەرلىك سۋبەكتىلەرى تىركەلگەن بولسا, ونىڭ 85,6 پايىزى ياعني 43 788 بىرلىگى جۇمىس جاساپ, وندا 93 مىڭنان اسا ادام تۇراقتى جۇمىسپەن قامتىلعان.
قىزىلوردا وبلىسى
