«وبلىستىق ءبىلىم باسقارماسىنا قالا جانە اۋدان اكىمدەرىمەن بىرلەسە وتىرىپ, از قامتىلعان وتباسى بالالارىن تەگىن ىستىق تاماقپەن جانە قالاىشىلىك قوعامدىق كولىكتەردە تەگىن ءجۇرۋىن ۇيىمداستىرۋدى تاپسىرامىن. سونىمەن قاتار, مەكتەپتەگى اسحانالاردى تالاپقا سايكەستەندىرۋ, تاماقتانۋ ساپاسىن كوتەرۋ بويىنشا جۇمىستى جەدەلدەتۋ قاجەت», دەدى ول.
سونىمەن قاتار, وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا اۋداندار مەن قىزىلوردا قالاسىنىڭ اكىمدەرىمەن بىرلەسىپ, كوپبالالى جانە از قامتىلعان وتباسىلارعا قوسىمشا قولداۋ شارالارىن ۇسىنۋ ءۇشىن 2019-2021 جىلدارعا ارنالعان وڭىرلىك الەۋمەتتىك جول كارتاسىن جۇزەگە اسىرۋ قامتاماسىز ەتىلۋى مەن اتقارىلۋىنا پارتيالىق باقىلاۋ كۇشەيتىلەتىندىگىن ايتتى.
سونداي-اق, وبلىس اكىمى اتاۋلى الەۋمەتتىك كومەك تاعايىنداۋ كەزىندە زاڭسىز تولەنگەن قارجى انىقتالسا, بيۋدجەتكە قايتارۋ جونىندە شارالار قابىلداۋدى تاپسىردى.
