اكىم ى. دۇكەن ۇلى, ا. پانفيلوۆ, ش.ءۋاليحانوۆ كوشەلەرىنىڭ قيىلىسىنداعى قۇرىلىسى ءجۇرىپ جاتقان «گارانت» كتك نىسانىن ارالاپ شىقتى. جالپى اۋدانى 17,602,80 شارشى مەتر بولاتىن 330 پاتەرگە ەسەپتەلگەن پروبلەمالى نىساننىڭ قۇرىلىسى «ازبۋكا جيليا» كومپانياسىنىڭ توبىمەن 2011 جىلى باستالعان بولاتىن. قۇرىلىستى اياقتاۋ ءۇشىن 2016 جىلى نىسان «وردا ينجينيرينگ» جشس-عا وتكىزىلدى. ۇلەسكەرلەردىڭ جالپى سانى – 168 ادام. نىساندى 2020 جىلدىڭ ءساۋىر ايىندا پايدالانۋعا بەرۋ جوسپارلانىپ وتىر.
«ءار اپتا سايىن ءبىر-ەكى پروبلەمالى كوپپاتەرلى تۇرعىن ۇيلەردى ارالاپ تۇرامىن. جوسپارلى كەستە ءتۇزىلدى. قۇرىلىستىڭ اياقتالۋ پروتسەسىن جانە سوزىلىپ كەتكەن ۇلەسكەرلەر ماسەلەسىنىڭ تۇبەگەيلى شەشىمىن تابۋدى باقىلاۋدا ۇستايمىن», دەدi اكىم.
سونداي-اق, اكىم شۇبار تۇرعىن الابىنىڭ قالقامان جانە ناركەسكەن كوشەلەرىنىڭ قيىلىسىندا ورنالاسقان «كومفورت de Luxe» تك قۇرىلىس الاڭىنا باردى. جالپى اۋدانى 15 734,50 شارشى مەتر بولاتىن 216 پاتەرگە ارنالعان تۇرعىن ءۇي كەشەنىنىڭ قۇرىلىسى 2012 جىلى باستالعان. بۇل نىسان بويىنشا ۇلەسكەرلەردىڭ جالپى سانى – 227 ادام. قۇرىلىستى 2019 جىلدىڭ جەلتوقسانىندا اياقتاۋ جوسپارلانىپ وتىر.
