شاراينا
سەيسەنبى, 28 مامىر 2013 2:19
ليۆان اۋماعىنان زىمىران جىبەرىلدى
«حەزبوللا» راديكالدى يسلاميستىك توبىنىڭ باقىلاۋىنداعى ليۆاننىڭ وڭتۇستىگىنەن يزرايل جاعىنا قاراي زىمىران اتىلدى. بۇل تۋرالى ليۆان تۇرعىنىنا جانە اسكەري توپتاردان شىققان اقپارات كوزدەرىنە سىلتەمە جاساي وتىرىپ, Jerusalem Post حابارلاعان.
سەيسەنبى, 28 مامىر 2013 2:19
ليۆان اۋماعىنان زىمىران جىبەرىلدى
«حەزبوللا» راديكالدى يسلاميستىك توبىنىڭ باقىلاۋىنداعى ليۆاننىڭ وڭتۇستىگىنەن يزرايل جاعىنا قاراي زىمىران اتىلدى. بۇل تۋرالى ليۆان تۇرعىنىنا جانە اسكەري توپتاردان شىققان اقپارات كوزدەرىنە سىلتەمە جاساي وتىرىپ, Jerusalem Post حابارلاعان.
زىمىران يزرايل شەكاراسىنا 10 شاقىرىم جەردە ورنالاسقان ليۆاننىڭ ماردجايۋن قالاسىنان ۇشىرىلعان. ونىڭ قاي جەرگە بارىپ تۇسكەنى ازىرگە بەلگىسىز. قيراندىلار تۋرالى مالىمەتتەر جوق. ءيزرايلدىڭ شەكاراعا جاقىن مەتۋلا قالاسىنىڭ تۇرعىندارى جارىلىس داۋسىن ەستىگەندەرىن ايتقان. پوليتسيا ۇشۋ اپپاراتىنىڭ قۇلاعان جەرىن ىزدەستىرۋدە. وكىمەت وكىلدەرىنىڭ ايتۋىنشا, قاجەت بولعان جاعدايدا يزرايل ليۆان جاعىنان جىبەرىلگەن زىمىراندى اتىپ تۇسىرۋگە دايىن.
ءبىرجىنىستى نەكەگە قارسى اكتسيا
اشۋلى كوڭىل-كۇيدەگى جاستار پاريجدە تارتىپسىزدىك ۇيىمداستىردى. ميتينگ اياقتالا كەلە ونىڭ سوڭى پوليتسيامەن قاقتىعىسقا ۇلاستى. بەتتەرىن ورامالدارمەن جانە مويىن شالمالارمەن قىمتاپ العان ءبىر توپ ادام پوليتسياعا بالاعات سوزدەر ايتىپ, ارناۋلى جاساق پەن جۋرناليستەرگە قاراي تاس جانە شولمەكتەر لاقتىرعان.
رەسمي مالىمەتتەرگە قاراعاندا, نارازىلىق اكتسياسىنا 150 مىڭ ادام, ال ۇيىمداستىرۋشىلاردىڭ ايتۋىنشا, ميلليوننان استام ادام قاتىسقان. ادامدار ءبىرجىنىستى نەكەگە وتىرۋعا جانە بالالاردى اسىراپ الۋعا جول بەرەتىن زاڭعا قارسى نارازىلىقتارىن بىلدىرگەن. ونداي قۇجاتقا وسى ايدا پرەزيدەنت فرانسۋا وللاند قول قويعان بولاتىن. ايتا كەتۋ كەرەك, فرانتسيا ءبىرجىنىستى نەكەنى زاڭداستىرعان الەمدەگى ون ءتورتىنشى ەل بولىپ وتىر.
يران ۇشىرۋ قوندىرعىلارىن ورنالاستىرۋدا
يران اسكەريلەرى ۇزاققا ۇشاتىن زىمىراندار ءۇشىن كوپتەگەن ۇشىرۋ قوندىرعىلارىن ورنالاستىردى, دەپ حابارلايدى اسسوشەيتەد پرەسس. دەگەنمەن, قوندىرعىلاردىڭ ناقتى سانى مەن زىمىران تۇرلەرى ايتىلماعان.
يران قورعانىس ءمينيسترى احماد ءۆاحيديدىڭ ايتۋىنشا, جاڭا ۇشىرۋ كەشەندەرى يسلام رەسپۋبليكاسىنىڭ «جاۋدى كۇيرەتۋىنە» مۇمكىندىك بەرەدى. سونىمەن بىرگە, مينيستر زىمىراندىق كەشەندەردى ورناتۋدىڭ قورعانىستىق سيپاتقا يە ەكەنىن, يراننىڭ ءوزىنىڭ ەشقاشان سوعىس باستامايتىنىن اتاپ كورسەتكەن. وسى ورايدا يراننىڭ اسادتى قولدايتىنى جونىندە بىرنەشە رەت مالىمدەگەنىن, سونداي-اق يران وكىمەتىنىڭ ءيزرايلدىڭ وسى وڭىردەگى ارەكەتىنە مەيلىنشە تەرىس قارايتىنىن دا ايتا كەتۋ قاجەت.
تەحاس شتاتىنداعى اتىس
امەريكانىڭ تەحاس شتاتىندا ءبىر قاسكۇنەم ءتۇرلى قالالاردى ارالاي ءجۇرىپ, ءوتىپ بارا جاتقان ماشينالارداعى ادامدارعا وق اتقان. رەيتەر اگەنتتىگىنىڭ حابارلاۋىنشا, سونىڭ سالدارىنان ءبىر ادام قازا تاۋىپ, وكرۋگ شەريفىن قوسا العاندا, بەس ادام جاراقاتتار العان.
قاسكۇنەم شەريفكە كومەككە كەلگەن جول-پاترۋل قىزمەتى جانە اڭشىلىق ينسپەكتسياسى قىزمەتكەرلەرىمەن ارادا بولعان اتىستا قازا تاپقان كورىنەدى. كەيىن بەلگىلى بولعانىنداي, وق اتقان 23 جاسار ەر ادام سولتۇستىك كارولينا شتاتىنىڭ تۇرعىنى بولىپ شىققان. كۇدىكتىنىڭ ماشيناسىنان ۆينتوۆكا, تاپانشا جانە جۇزدەگەن پاتروندار تابىلعان.
وڭتۇستىك سولتۇستىكتى قولدامادى
وڭتۇستىك كورەيا كحدر-ءدىڭ ەكى ەلدىڭ جاقىنداسۋىندا شەشۋشى كەزەڭ بولىپ تابىلعان بىرلەسكەن سولتۇستىك جانە وڭتۇستىك دەكلاراتسياسىنا قول قويىلۋىنىڭ 13 جىلدىعىن اتاپ ءوتۋ تۋرالى ۇسىنىسىن قولداماي تاستادى, دەپ حابارلايدى رەنحاپ اگەنتتىگى.
ءوزىنىڭ ليبەرالدىق كوزقاراستارىمەن ءمالىم بولعان ءوڭتۇستىككورەيالىق پرەزيدەنت كيم دە چجۋن 2000 جىلدىڭ 15 ماۋسىمىندا كحدر ليدەرى كيم چەن يرمەن كەلىسىم جاساسقان بولاتىن. سونىڭ ارقاسىندا كحدر اۋماعىنداعى كىمگانسان تاۋىنا تۋريستەردىڭ بارۋىنا جول اشىلىپ, بىرلەسكەن كەسون يندۋستريالىق ايماعى قۇرىلعان ەدى. 2008 جىلى وڭتۇستىككورەيالىق تۋريست قازا تاپقاننان كەيىن كىمگانسان تاۋىنا بارۋ تىيىلىپ, كەسون ايماعىنىڭ جۇمىسى تۇبەكتەگى جاعدايدىڭ شيەلەنىسۋىنە بايلانىستى ۇستىمىزدەگى جىلدىڭ ساۋىرىندە توقتاعان بولاتىن.
پالەستيناعا ينۆەستيتسيا سالىنباق
اقش-تىڭ مەملەكەتتىك حاتشىسى دجون كەرري يوردانياداعى بۇكىلالەمدىك ەكونوميكالىق فورۋمدا سويلەگەن سوزىندە پالەستينا اۆتونومياسى ەكونوميكاسىن جەدەل دامىتۋ جوسپارىن ۇسىندى.
ول ءتۋريزمدى, قۇرىلىستى, اۋىل شارۋاشىلىعىن, جەڭىل ونەركاسىپتى جانە اقپاراتتىق تەحنولوگيالاردى دامىتۋ ءۇشىن پالەستينا اۆتونومياسىنا 4 ملرد. دوللار جۇمىلدىرۋ جوسپارلانىپ وتىرعانىن مالىمدەدى. مۇنداي جوسپار جۇمىسسىزدىقتى 21 پايىزدان 8 پايىزعا دەيىن قىسقارتىپ, ورتاشا ەڭبەكاقىنى 40 پايىزعا ۇلعايتپاق. ال ءىجو ءوسىمى 3 جىل ىشىندە 50 پايىزدى قۇراۋى ءتيىس.
سولداتقا شابۋىل جاساعان كىم؟
ءپاريجدىڭ شەتكەرى ايماعىندا فرانتسۋز سولداتىنا جاسالعان شابۋىلدى تەرگەۋمەن پاريج پروكۋراتۋراسىنىڭ انتيتەررورلىق ءبولىمى اينالىساتىن بولادى, دەپ حابارلايدى Le Parisien.
ايتا كەتۋ كەرەك, لوندونداعى سياقتى مۇندا دا 23 جاسار قاتارداعى جاۋىنگەر سەدريك كوردە بەلگىسىز بىرەۋلەر شابۋىلىنىڭ قۇربانىنا اينالدى. وقيعا سولدات ءوزىنىڭ ەكى ارىپتەسىمەن پاترۋلدىك كوماندا قۇرامىندا ءپاريجدىڭ دەفانس اۋدانىنداعى مەترو ستانساسىنا جاقىن جەردە ءتارتىپ كۇزەتىندە جۇرگەن كەزىندە ورىن العان. قازىرگى ۋاقىتتا كوردە گوسپيتالدا جاتقان كورىنەدى. سولداتتىڭ دەنساۋلىعىن بىلۋگە فرانتسيانىڭ قورعانىس ءمينيسترى جان-يۆ لە درياننىڭ ءوزى كەلىپتى.
ينتەرنەت ماتەريالدارى نەگىزىندە ازىرلەندى.
