شاراينا
بەيسەنبى, 23 مامىر 2013 2:00
شىعىن – 3 ملرد. دوللار
اقش-تىڭ ۇلتتىڭ مەتەورولوگيا قىزمەتى مامىردىڭ 20-سى كۇنى وكلاحوما شتاتىندا ويران سالعان تورنادونىڭ كۇشىن حيروسيما مەن ناگاساكي قالالارىنا تاستالعان 6000 اتوم بومباسىنا تەڭەدى. عالىمداردىڭ سوزدەرىنە قاراعاندا, قۇيىن اينالىمىنىڭ جىلدامدىعى ساعاتىنا 322 شاقىرىمعا جەتكەن.
بەيسەنبى, 23 مامىر 2013 2:00
شىعىن – 3 ملرد. دوللار
اقش-تىڭ ۇلتتىڭ مەتەورولوگيا قىزمەتى مامىردىڭ 20-سى كۇنى وكلاحوما شتاتىندا ويران سالعان تورنادونىڭ كۇشىن حيروسيما مەن ناگاساكي قالالارىنا تاستالعان 6000 اتوم بومباسىنا تەڭەدى. عالىمداردىڭ سوزدەرىنە قاراعاندا, قۇيىن اينالىمىنىڭ جىلدامدىعى ساعاتىنا 322 شاقىرىمعا جەتكەن.
تاعى ءبىر اتاپ كورسەتكەن ءجايت – تورنادونىڭ ەنى 2 شاقىرىمدى قۇراعان. الاپات قۇيىن 40 مينۋت بويى توقتاماعان. ونىڭ مۋر قالاسىندا كوپتەگەن تۇرعىن ۇيلەردى قيراتىپ, ەكى مەكتەپتى جەرمەن-جەكسەن ەتكەنى بەلگىلى. شتات ساقتاندىرۋ كوميسسياسىنىڭ الدىن الا باعامداۋى بويىنشا ساقتاندىرۋ تولەمدەرى 1 ملرد. دوللاردان اسىپ جىعىلۋى ىقتيمال. ال جالپى شىعىن 3 ملرد. دوللار شاماسىندا دەلىنىپ وتىر. ۇيىندىلەر اراسىنان ءتىرى قالعان ادامداردى ىزدەستىرۋ جالعاستىرىلۋدا.
قىتايعا جەكە ەلشىسىن جىبەردى
سولتۇستىك كورەيا باسشىسى كيم چەن ىن جوعارى لاۋازىمدى اسكەري شەنەۋنىك چحۆە ەن حەنى ءوزىنىڭ جاڭا جەكە وكىلى رەتىندە پەكينگە جىبەردى. كورەيا حالىقتىق ارمياسىنىڭ ساياسي بيۋرو ديرەكتورى باستاعان دەلەگاتسيا قىتاي استاناسىنا قىتاي-اقش ءسامميتى قارساڭىندا قحر-مەن قارىم-قاتىناستى جاقسارتۋ ءۇشىن جىبەرىلىپ وتىر.
ەكى ەل اراسىنداعى جاعداي كحدر-ءدىڭ يادرولىق باعدارلاماسىن دامىتۋىنا جانە وسىعان وراي قىتايدىڭ ەسكەرتۋىن پحەنياننىڭ قۇلاعىنا ىلمەۋىنە بايلانىستى سوڭعى كەزدەرى ناشارلاپ كەتكەن ەدى. جاقىندا سولتۇستىك كورەيا شەكاراشىلارىنىڭ 16 ادامنان تۇراتىن قىتاي بالىقشىلارىن ۇستاپ, ەكى اپتا بويى بوساتپاي قويۋى وتقا ماي قۇيا تۇسكەن بولاتىن. كۇنى كەشە بالىقشىلار بوساتىلدى. بىراق وكپە قالعانى انىق. جالپى, قىتايلىقتار ەل بيلىگىنەن پحەنيانعا قاتىستى قاتاڭ ساياسات ۇستانۋدى تالاپ ەتىپ وتىر.
ديمون اتاعانعا «ەش قارسى ەمەس»
رەسەي پرەمەر-ءمينيسترى دميتري مەدۆەدەۆ «كومسومولسكايا پراۆدا» گازەتىنە بەرگەن سۇحباتىندا ءوزىن ينتەرنەتتە ديمون دەپ اتاعانعا قارسى ەمەس ەكەنىن, مۇنىڭ قالىپتى ءجايت بولىپ تابىلاتىنىن مالىمدەدى. «ەگەر, ءتىپتى اشىق ايتاتىن بولسام, بۇل مەنىڭ قىتىعىما ەش تيمەيدى. ارينە, ماعان ۇنامايتىن نارسەلەردىڭ بار ەكەنى دە تۇسىنىكتى», دەيدى ول.
ونىڭ سوزىنە قاراعاندا, ديمون دەگەن ات بالا كەزىندە بەرىلىپتى. بىراق, دەيدى د.مەدۆەدەۆ, شەنەۋنىكتەر اراسىندا ءبىر-ءبىرىن اتى جانە اكەسىنىڭ اتىمەن اتاۋ ءداستۇرى قالىپتاسقان. بۇل ادامنىڭ ءبىر-بىرىنە دەگەن قۇرمەتىن بىلدىرەدى. ال ناۋرىز ايىندا وتكەن ءباسپاسوز ءماسليحاتىندا پرەمەر-ءمينيستردىڭ ءباسپاسوز حاتشىسى ناتاليا تيماكوۆا ۇكىمەت باسشىسىن ينتەرنەتتە ديمون دەپ اتاعانى قاپالاندىرادى. ول سىزدەرگە ديمون ەمەس, پرەمەر-مينيستر دەگەن بولاتىن.
قىسقا قايىرىپ ايتقاندا:
رەسەيدەگى حرۋنيچەۆ اتىنداعى ورتالىقتا جەڭىل جانە اۋىر سىنىپتارداعى العاشقى «انگارا» زىمىران-ۇشىرعىشى جاساپ شىعارىلعان. ەندى ول «پلەسەتسك» عارىش ايلاعىنا جىبەرىلەتىن بولادى. ونىڭ العاشقى ۇشىرىلىمى 2014 جىلدىڭ باسىنا جوسپارلانىپ وتىر.
دجون روۋمينگتىڭ «گارري پوتتەر جانە پالساپالىق تاس» رومانىنىڭ العاشقى جاريالانىمى لوندونداعى اۋكتسيوندا 150 مىڭ فۋنت ستەرلينگكە (شامامەن 230 مىڭ دوللار) ساتىلعان. كىتاپتى ساۋداعا تەلەفون ارقىلى قاتىسقان بەلگىسىز بىرەۋ ساتىپ الىپتى. 1997 جىلى ول جىلدىڭ ەڭ ۇزدىك بالالار كىتابى اتانعان بولاتىن.
ۇلىبريتانيا پارلامەنتىنىڭ قاۋىمداستار پالاتاسى انگليا مەن ۋەلستە ءبىر جىنىستى نەكەنى زاڭداستىرۋ تۋرالى زاڭ جوباسىن ماقۇلدادى. قۇجاتتى قولداپ 366 دەپۋتات ءوز داۋىستارىن بەرسە, 161-ءى قارسىلىق تانىتقان. قولداماعان دەپۋتاتتاردىڭ باسىم بولىگىن, ياعني 133-ءىن كونسەرۆاتورلار قۇراعان.
بوكسشى مەن پرەزيدەنت يتجىعىسى
«ۋدار» وپپوزيتسيالىق پارتياسىنىڭ سەركەسى ۆيتالي كليچكونىڭ رەيتينگى ۋكراينانىڭ ءىس باسىنداعى پرەزيدەنتى ۆيكتور يانۋكوۆيچپەن تەڭەسكەن. مۇنى ءساۋىر ايىندا جۇرگىزىلگەن ساۋالدامانىڭ قورىتىندىلارى كورسەتىپ بەرگەن.
رەسپوندەنتتەرگە ەگەر پرەزيدەنتتىك سايلاۋ الداعى جەكسەنبى كۇنى وتەر بولسا, وندا ءسىز كىمگە داۋىس بەرگەن بولار ەدىڭىز دەگەن ساۋال قويىلىپتى. رەسپوندەنتتەردىڭ 16 پايىزى مەملەكەت باسىندا ۆ.كليچكونى كورگىلەرى كەلەتىنىن بىلدىرسە, وسىنشا پايىزى ۆ.يانۋكوۆيچتى كورگىلەرى كەلەتىنىن ايتقان. ال ەلدىڭ ەكس-پرەمەرى يۋليا تيموشەنكوعا سۇراۋ سالىنعانداردىڭ 9 پايىزى ءوز داۋىستارىن بەرۋگە دايىن ەكەن. ەگەر پرەزيدەنتتىك سايلاۋدىڭ ەكىنشى تۋرىنا كليچكو مەن يانۋكوۆيچ شىعار بولسا, ۋكراينالىقتاردىڭ 38 پايىزى ءوز داۋىستارىن بوكسشىعا, تەك 19 پايىزى عانا قازىرگى پرەزيدەنتكە بەرۋگە دايىن ەكەندىكتەرىن بىلدىرگەن.
جاڭا زىمىراندى سىناقتان وتكىزەدى
ۇستىمىزدەگى جىلدىڭ جازىندا اق تەڭىزدە جاڭا بالليستيكالىق زىمىراندى زاۋىتتىق سىناقتان وتكىزۋ جۇزەگە اسىرىلادى. «سكيف» دەپ اتالاتىن بۇل زىمىران تەڭىزدىڭ نەمەسە مۇحيتتىڭ تۇبىندە كۇتۋ رەجىمىندە «بۇيرىق كۇتىپ» جاتادى. بۇيرىق تۇسكەن كەزدە جەر بەتىندەگى نەمەسە سۋداعى نىسانالاردى جويىپ جىبەرەدى.
زاۋىتتىق سىناق تابىستى وتكىزىلگەن جاعدايدا «سكيف» مەملەكەتتىك سىناقتان وتكىزۋگە بەرىلەدى. ونىڭ ناتيجەلى قورىتىندىسى بويىنشا زىمىران رەسەي اسكەري-تەڭىز كۇشتەرىنىڭ قارۋ-جاراعى قاتارىن تولىقتىراتىن بولادى. ال قازىرگى كەزدە رەسەيدىڭ قارۋ-جاراق ارسەنالىندا «سينەما» زىمىراندارى تۇر. «لاينەر» دەپ اتالاتىن بالليستيكالىق زىمىران دا جاسالۋ ۇستىندە. «سكيف» پەن «لاينەردىڭ» كەڭەستىك كەزەڭدە شىعارىلعان «سينەمادان» قانداي ايىرماشىلىق, وزگەشىلىگى بار ەكەنى ناقتىلانبايدى.
ادام سەنبەس… قۇس قۇنى
قىتايلىق كاسىپكەر حۋ چجەن يۋي سيرەك كەزدەسەتىن بەلگيالىق كوگەرشىن ءۇشىن 400 مىڭ دوللارعا جۋىق اقشا تولەگەن. جۇمىرتقادان شىققانىنا ەندى عانا 1 جىل بولعان كەپتەر قۇنى الەمدىك رەكورد رەتىندە تىركەلىپ وتىر. مۇنداي كوگەرشىندەر نەگىزىنەن جارىستارعا قاتىستىرىلادى ەكەن.
بىراق قىتايلىق بيزنەسمەن ونى كوگەرشىننىڭ جاڭا ۇشقىر ءتۇرىن شىعارۋ ءۇشىن پايدالانۋدى جوسپارلاپ وتىرعان كورىنەدى. كوگەرشىننىڭ قىمبات بولۋى ونىڭ جاستىعىمەن بايلانىستىرىلادى. ساتىپ الۋشىنىڭ ەسەبىنشە, ودان كەم دەگەندە سەگىز جىل بويى تۇقىم الۋعا بولادى. ال كوگەرشىننىڭ بۇل ءتۇرىن كەپتەرتانۋشى لەو ەرەمان شىعارىپتى. 17-19 مامىر كۇندەرى وتكەن اۋكتسيوندا ول ءوزىنىڭ بارلىق 530 كوگەرشىنىن ساتسا, ولاردان تۇسكەن اقشا 5,5 ميلليون دوللاردى قۇراعان.
ينتەرنەت ماتەريالدارى نەگىزىندە ازىرلەندى.
