24 ساعات
سارسەنبى, 24 ءساۋىر 2013 2:47
بەلورۋسسيادا رەسەيدىڭ ءاسكەري اۆيابازاسى قۇرىلاتىن بولادى. بۇل تۋرالى بەلورۋسسيا پرەزيدەنتى الەكساندر لۋكاشەنكومەن كەزدەسۋى كەزىندە رەسەي قورعانىس ءمينيسترى سەرگەي شويگۋ مالىمدەدى.
سارسەنبى, 24 ءساۋىر 2013 2:47
بەلورۋسسيادا رەسەيدىڭ ءاسكەري اۆيابازاسى قۇرىلاتىن بولادى. بۇل تۋرالى بەلورۋسسيا پرەزيدەنتى الەكساندر لۋكاشەنكومەن كەزدەسۋى كەزىندە رەسەي قورعانىس ءمينيسترى سەرگەي شويگۋ مالىمدەدى.
وڭتۇستىك كورەيانىڭ قورعانىس ءمينيسترى كيم كۆان چجيننىڭ اتىنا كەلگەن حاتتان اق ۇنتاق تابىلعان بولاتىن. ساراپشىلار ونىڭ بيداي ۇنى ەكەنىن انىقتادى. ەلدىڭ قۇقىق قورعاۋ ورگاندارى بۇل ءىس بويىنشا تەكسەرۋدى جالعاستىرىپ جاتىر.
اقش-تىڭ بوستون قالاسىنداعى ءداستۇرلى مارافون كەزىندە لاڭكەستىك ۇيىمداستىردى دەپ تۇتقىندالعان اعايىندىلاردىڭ ءبىرى دجوحار تسارناەۆ لاڭكەستىككە يدەيالىق جاعىنان رۋح بەرۋشى قازا تاپقان اعاسى ەكەنىن ايتىپتى.
پرەزيدەنتتىك سايلاۋدا نيكولاس مادۋرودان جەڭىلگەن ۆەنەسۋەلانىڭ بىرلەسكەن وپپوزيتسياسىنىڭ سەركەسى ەنريكە كاپريلەس ەلدە جاڭا سايلاۋ وتكىزۋدى تالاپ ەتىپ وتىر.
ەۋرووداق كەڭەسى ماليگە اسكەري تەحنيكا بەرۋ تۋرالى ۇسىنىستى قولدادى. بۇگىندە ماليدە فرانتسيادان, سونداي-اق باتىس افريكا ەلدەرى ەكونوميكالىق قوعامداستىعى مەملەكەتتەرىنەن 4 مىڭ شاماسىندا اسكەريلەر شوعىرلاندىرىلعان.
يران پرەزيدەنتى ماحمۇد احمادينەجاد ىقپالدى ادامداردان الداعى ماۋسىم ايىندا وتەتىن پرەزيدەنتتىك سايلاۋ قارساڭىندا ەلدەگى ساياسي جاعدايدى ۋشىقتىرماۋعا شاقىرعان ەسكەرتۋ العانىن حابارلادى. ول پرەزيدەنت ورىنتاعىندا ەكى مەرزىم وتىرعاندىقتان, ۇشىنشىسىنە قاتىسا المايتىنى بەلگىلى.
قارۋلى ب ۇلىكشىلەر سيريانىڭ سولتۇستىگىندەگى الەپپو پروۆينتسياسىندا گۋمانيتارلىق ميسسيا وتكىزۋ كەزىندە جەرگىلىكتى ەكى ارحيەپيسكوپتى ۇرلاپ كەتكەن.
اۋعانستاندا ءبىر اي ىشىندە 467 سودىر ءولتىرىلىپتى. بۇل تۋرالى اۋعانستان قورعانىس مينيسترلىگىنىڭ ءباسپاسوز حاتشىسى زاحير ازيمي حابارلادى. اۋعان اسكەرلەرى سوڭعى ءبىر اي بەدەرىندە ەلدىڭ ءار تۇكپىرىندە 2 مىڭ 209 تازالاۋ جانە 622 اسكەري وپەراتسياسىن جۇرگىزسە كەرەك.
ءۇندىستان سىرتقى ىستەر مينيسترلىگى كەشە مالىمدەمە تاراتىپ, وندا گيمالايداعى تالاس تۋدىرىپ وتىرعان ايماقتا قىتاي ارمياسىنىڭ پوستىن ورنالاستىرۋىنا بايلانىستى نارازىلىق ءبىلدىردى.
يراكتا ۇكىمەت كۇشتەرى مەن ءسۇننيت كوتەرىلىسشىلەرىنىڭ اراسىنداعى قاقتىعىس سالدارىنان 27 ادام قازا تاپسا, تاعى 70-ءى جارالانعان. يراك اسكەريلەرى ەكى سولداتىنان ايىرىلعان. ال «ءال-ارابيا» ءتىلشىسى جۇزدەگەن ادام قازا تاپتى دەپ مالىمدەپ وتىر.
كانادا پوليتسياسى جولاۋشىلار پويىزىنداعى لاڭكەستىكتىڭ الدىن العان. كۇدىكتى دەپ تابىلعان ەكى ادام ۇستالعان.
نيدەرلاندى سىرتقى ىستەر مينيسترلىگىنىڭ بۇرىنعى قىزمەتكەرى رايموند پۋتەراي رەسەيدىڭ پايداسىنا جانسىزدىق جاسادى دەگەن ايىپپەن 12 جىلعا سوتتالدى.
اقپارات اگەنتتىكتەرى ماتەريالدارىنىڭ
نەگىزىندە ازىرلەندى.
