-قازىرگى زامانعى مەديتسينا كوز اۋرۋلارىن بىرنەشە مينۋت ىشىندە ارنايى جابدىقتىڭ كومەگىمەن قاراپ, تەكسەرىپ بەرە الادى.بىراق, كوز دارىگەرىنە سەزىمتالدىق پەن جاناشىرلىق, كوزى اۋىرعان ادامعا كوڭىل ءبولۋ, جان جىلۋى قاجەت,-دەيدى قاسىمحان.
بولىمشە دارىگەرلەرى زاماناۋي جابدىقتارمەن-وفتالمولوگيالىق كواگۋلياتسيالاۋشى لازەردە, كوگەرەنتتى توموگرافتا, ۋلترادىبىستىق وپەراتسيالىق جۇيە ارقىلى ەمدەۋ شارالارىن جۇرگىزەدى.
قاسىمحان ابىلايحان ۇلىنىڭ ايتۋىنشا, INFINITI VISION وفتالمولوگيالىق جۇيەسىن ەنگىزۋ جوعارى مامانداندىرىلعان مەديتسينالىق ترابەكۋلوەكتوميا, كوز الماسىنىڭ ەنۋكلەاتسياسىنا كومەك كورسەتۋگە مۇمكىندىك بەردى, ستاتسيوناردا ەمدەلۋ ۋاقىتىن قىسقارتادى, كوزدىڭ تەز جازىلۋىنا اسەر ەتەدى.
ورتالىققا كۇنىنە 100 گە جۋىق ادام كەلەدى. جىلىنا 4000-نان استام وتا جاسالادى. ورتالىقتا كورۋ قاباتىن لازەر ارقىلى ەمدەيتىن مۇمكىندىك تە بار. جاڭا لازەرلى اپپاراتتاردى قولدانعاننان بەرى وفتالمولوگيالىق بولىمشەسىنە ەمگە تۇرعان ناۋقاستاردىڭ كەزەگى ازايدى
-كوز قىسىمىن تەكسەرءىپ, حيرۋرگيالىق وتالار جاساپ, كوز تامىرلارىن قالپىنا كەلتىرەمىز. اعزا اۋرلارىن كوز ارىقىلى انىقتاۋعا بولادى.كوزگە كۇردەلى وپەراتسيالار دا جاسالادى. وتا تۇرلەرى جوعارى تەحنولوگيالى قۇرىلعىلاردىڭ ارقاسىندا دەنە جاراقاتىنسىز جاسالادى, - دەيدى قاسىمحان.
وفتالمولوگيالىق بولىمشەسىنىڭ دارىگەرلەرى ليزينگ بويىنشا الىنعان ەڭ زاماناۋي قۇرالداردا جۇمىس جاسايدى – وفتالمولوگيالىق كواگۋليارلى لازەردە, كوگەرەنتتىك توموگرافتا, INFINITI, STELLARIS ۋلترادىبىستىق وتالىق جۇيەسى.
قازىر ورتالىققا كەلگەن پاتسيەنتتەر كەزەك كۇتىپ تۇرمايدى. بۇرىندارى تىركەۋگە تۇرعاننان كەيىن جاۋاپ الۋ ءۇشىن جارتى جىل كۇتەتىن.
ال, قازىر قالاعان دارىگەرىنەن 2-3 اپتانىڭ ىشىندە جاۋاپ الا الادى. كەپىلدەندىرىلگەن تەگىن مەديتسينالىق كومەك اياسىندا ەمحانالاردىڭ انىقتاماسىەن كەلگەن ناۋقاستارعا تەگىن وتا جاسالادى.
سونىمەن قاتار, مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا وفتالمولوگيالىق قىزمەت تۇرلەرى ەندى ساقتاندىرىلعان ادامدارعا قولجەتىمدى بولماق.
سكرينينگتىك تەكسەرۋلەرگە كەلەتىن بولساق, وفتولمولوگ دارىگەرلەر 40 جاستان اسقاندارعا كوز قىسىمىن تەكسەرتۋگە كەڭەس بەرەدى
قاسىمحان تىلەۋباەۆ وبلىستىق اۋرۋحانادا 20 جىلعا تاياۋ ۋاقىت قىزمەت ەتىپ كەلەدى.
ورتالىق كوز حيرۋرگياسىنا يمپلانتاتسيالىق جولمەن وتا جاساۋدى قولعا الۋدا. گلاۋكوماعا قارسى لازەرلىك وپەراتسيا جاسالادى. وپتيكالىق كوز توموگرافىن ساتىپ الىندى. لازەرلى اپپارات, ميكروسكوپ, تىگىسسىز وتا جاسايتىن ماشينالار بار. وبلىس تۇرعىندارى ءوز قالامىزدا ەمدەلەدى.
وفتالمولوگ دارىگەرلەر كوزدى ەش ۋاقىتتا قولمەن ۋقالاۋعا, سۇرتۋگە بولمايدى, تەك تازا, جۇمساق شۇبەرەكپەن ءسۇرتۋ كەرەك. جاز ايلارىندا تىكەلەي تۇسەتىن كۇن ساۋلەسىنەن جانە شاڭ توزاڭنان قورعانىپ كوزىلدىرىك كيگەن دە دۇرىس.
ەلىمىزدەگى مەديتسينالىق قىزمەتكەرلەر كۇنىن مەرەكەلەۋ قارساڭىندا وفتالمولوگ دارىگەر قاسىمحان تىلەۋباەۆتى, بولىمشە دارىگەرلەرىن قۇتتىقتاپ, جوعارى كاسىبي ەڭبەكتەرىنە ساتتىلىك تىلەيمىز.
پاۆلودار
