«ەڭ الدىمەن قازاقستان تاراپىن سايلاۋدى تابىستى وتكىزۋىمەن قۇتتىقايمىن. قۇرمەتتى قاسىم-جومارت كەمەل ۇلى, سايلاۋداعى ءسىزدىڭ جەڭىسىڭىز قازاق حالقىنىڭ ءوزىڭىز تاڭداپ العان ساياسي جانە الەۋمەتتىك-ەكونوميكالىق جولعا دەگەن زور سەنىمىن بىلدىرەدى. سىزگە زور دەنساۋلىق جانە مەملەكەتتىك قىزمەتىڭىزگە تابىستار, باۋىرلاس قازاقستان حالقىنا بەيبىتشىلىك پەن گۇلدەنۋ تىلەيمىن», - دەدى قىرعىز پرەزيدەنتى.
وتىرىسقا قىرعىز پرەزيدەنتى س.جەەنبەكوۆ توراعالىق ەتىپ وتىر. جيىنعا قازاقستان پرەزيدەنتى قاسىم-جومارت توقاەۆ, ءۇندىستان پرەمەر-ءمينيسترى نارەندرا مودي, قحر توراعاسى سي تسزينپين, رەسەي پرەزيدەنتى ۆ.پۋتين, پاكىستان پرەمەر-ءمينيسترى يمران حان, وزبەكستان پرەزيدەنتى ش. ميرزيوەۆ, تاجىكستان پرەزيدەنتى ە.راحمون قاتىسۋدا.
وعان قوسا اتالمىش شاراداعى بايقاۋشى ەلدەر قاتارىندا اۋعانستان پرەزيدەنتى ا.گاني, بەلارۋس پرەزيدەنتى ا.لۋكاشەنكو, يران پرەزيدەنتى ح.رۋحاني, موڭعوليا پرەزيدەنتى ح.باتتۋلگا بار.
جيىن سوڭىندا مەملەكەت باسشىلارى 14 قۇجاتقا, ونىڭ ىشىندە 13 شەشىم مەن شىۇ-عا مۇشە مەملەكەتتەر باسشىلارى كەڭەسىنىڭ بىشكەك دەلاراتسياسىنا قول قويماق.
ايتا كەتەيىك, 2019-2020 جىلدارى ۇيىمعا رەسەي توراعالىق ەتەتىن بولادى. سونىمەن قاتار شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ كەزەكتى وتىرىسى 2020 جىلعا جوسپارلانىپ وتىر.
