ۋاقىتقا, زامانعا ساي الەۋمەتتىك جەلىلەردىڭ دە تانىمالدىعى ارتىپ, ءبىرىنىڭ ورنىن ءبىرى باسىپ كەلەدى. TNW پلاتفورماسى وسىعان وراي الەۋمەتتىك مەديا الەمىندەگى وزگەرىستەردى جۇيەلەپ, كەلەسىدەي ۆيدەو جاساپتى. ۆيدەودا سوڭعى 16 جىلداعى ءار پلاتفورما قولدانۋشىلارىنىڭ ءبىر ايداعى كورسەتكىشى ەسكەرىلگەن.
باسقاشا ايتقاندا, ءار جىلدىڭ ەڭ تانىمال الەۋمەتتىك جەلىسىن انىقتاعان.
ۆيدەو اۆتورلارىنىڭ ايتۋىنشا, اقپاراتتى ناتيجەلەرىن اشىق جاريالاعان كومپانيالاردان الىپ, ناقتى كورىنىس ءۇشىن قوسىمشا جۇمىستار اتقارىپتى. نەگىزىندە, بۇل تەك بولجام. ويتكەنى اقپارات ماڭىزدى شەشىم شىعاراتىنداي شىنايى, تولىق ەمەس ەدى.
https://thenextweb.com/tech/2019/06/11/most-popular-social-media-networks-year-animated/?jwsource=cl
ۆيدەودان LinkedIn جەلىسىنىڭ ايتارلىقتاي ەسكى پلاتفورما ەكەنىن بىلە الامىز. ونىڭ تاريحى الەۋمەتتىك مەديانىڭ سوناۋ ەرتە كەزەڭىنەن باستالعان ەكەن. ونىمەن قوسا MySpace, Friendster سىندى الەۋمەتتىك جەلىلەردىڭ قولدانىستان شىعىپ قالعانىنا دا كۋا بولا الامىز.
ءتىپتى Google Buzz-دىڭ ءبىر-ەكى جىل قاتارىنان ەڭ تانىمال الەۋمەتتىك جەلىلەر تىزىمىندە بولعانىن دا كورەمىز.
ءسىز بەن بىزگە جاقسى تانىس YouTube جەلى قولدانۋىشلارىنىڭ نازارىنا تەك 2005 جىلى عانا ىلىگەدى. ول كەزگە دەيىن MySpace, Hi5, Orkut, Flickr, Friendster جەلىلەرى تانىمال بولعان. ال Twitter قولدانىسقا 2009 جىلى ىلىكسە دە, تۇتىنۋشىلاردى تەك 2011 جىلى قىزىقتىرا العان. دەگەنمەن, 2015 جىلى Instagram, WeChat, Facebook, Youtube قىسقا ويلارعا نەگىزدەلگەن جەلىنى ىعىستىرىپ تاستايدى.
ال بۇل تالداۋ قازاقستاندا جاسالاتىن بولسا, تانىمال الەۋمەتتىك جەلىلەردىڭ قاتارىندا موي مير مەن ۆكونتاكتە پلاتفورمالارىن كورەتىن ەدىك. بۇگىندە موي مير تانىمالدىعىن جوعالتسا دا, ۆكونتاكتە جەلىسى قولدانىستان شىعار ەمەس.
اۆتورلار مۇنى ناقتى ءارى تۇبەگەيلى زەرتتەۋگە جاتقىزبايدى. ءبىر ايتارى, 16 جىلداعى الەۋمەتتىك جەلىلەردىڭ وزگەرىسىن باقىلاۋ بارىسىندا ەشبىر جەلىنىڭ ەلەۋسىز قالماعانى. ءار جەلى مىندەتتى تۇردە ءوز قولدانۋشىلارىن تاۋىپ وتىرعان.
