«دەمونسترانتتارعا كەلەتىن بولساق, ولار شىنىمەن نارازىلىقتارىن ءبىلدىرىپ, كوشەگە شىقتى. قازىرگى كەزدە ولاردىڭ تالاپ-تىلەكتەرىن انىقتاپ, ساراپتامادان وتكىزىپ جاتىرمىز. نەگىزىنەن نارازىلىقتار الەۋمەتتىك جاعدايعا بايلانىستى تۋىندادى, ولار ۇكىمەتتەن الەۋمەتتىك-ەكونوميكالىق جاعدايلارىن شەشۋدى تالاپ ەتىپ وتىر. مەن مۇنداي ماسەلەلەردى جوققا شىعارمايمىن, ولار بار. بيلىك ولاردىڭ ماسەلەسىن ەستىدى, ەندى شەشۋ ءۇشىن جۇمىس ىستەيمىز",-دەدى.
سونىمەن قاتار, ەل پرەزيدەنتى پوليتسيا قىزمەتكەرلەرى اراسىندا جازىقسىز ۇستالعاندار بار ەكەنىن ەستىگەنىن دە ايتتى. "مەنىڭ ەستۋىمشە, ۇستالعانداردىڭ اراسىندا جازىقسىزدار بار. ياعني, سول ماڭعا كەزدەيسوق تاپ بولىپ, قوعامدىق قاۋىپسىزدىككە ەشقانداي زيان كەلتىرمەگەن جاندار. ارينە مۇنداي كەلەڭسىزدىكتەر ءۇشىن كەشىرىم وتىنەمىز, وعان قوسا ولاردى جىلدام بوساتاتىن بولامىز. بۇل ماسەلە تەز ارادا شەشىمىن تاباتىن بولادى», دەدى ق. توقاەۆ.
سونداي-اق, قاسىم-جومارت توقاەۆ سايلاۋ ادىلەتسىز ءوتتى دەپ ەسەپتەگەن ادامداردىڭ دا بوساتىلاتىنىن ايتتى.
«ارينە, ولار بوساتىلادى. ويتكەنى, بۇل ولاردىڭ ويى, پىكىرى. دەگەنمەن مەن سايلاۋ ءادىل ءوتتى دەگەن ويدامىن», دەدى مەملەكەت باسشىسى.
