بەرليندەگى حالىقارالىق ناۋرىز مەيرامى
سەيسەنبى, 2 ءساۋىر 2013 0:28
بەرليننىڭ مەملەكەتتىك ەتنولوگيالىق مۇراجايىندا قازاقستان, ازەربايجان, اۋعانستان, يران, قىرعىزستان, پاكستان, تاجىكستان, تۇركىمەنستان, تۇركيا جانە وزبەكستان ەلشىلىكتەرى بىرگە ۇيىمداستىرعان ناۋرىز مەيرامى ءوتتى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
سەيسەنبى, 2 ءساۋىر 2013 0:28
بەرليننىڭ مەملەكەتتىك ەتنولوگيالىق مۇراجايىندا قازاقستان, ازەربايجان, اۋعانستان, يران, قىرعىزستان, پاكستان, تاجىكستان, تۇركىمەنستان, تۇركيا جانە وزبەكستان ەلشىلىكتەرى بىرگە ۇيىمداستىرعان ناۋرىز مەيرامى ءوتتى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
كوكتەمگى مەرەكەنى تويلاۋعا 1000-عا جۋىق قوناق قاتىستى, ولاردىڭ ىشىندە فەدەرالدىق ۇكىمەت پەن بۋندەستاگ وكىلدەرى, قوعامدىق-ساياسي جانە ىسكەرلىك قۇرىلىمدار قىزمەتكەرلەرى, ديپلوماتيالىق كورپۋس مۇشەلەرى, سونداي-اق, ساراپتامالىق جانە جۋرناليستىك توپتار بولدى.
ناۋرىز مەيرامىن مەرەكەلەۋ ەرەكشەلىكتەرى تۋرالى جارقىن اڭگىمەلەۋمەن قاتار, سالتانات اياسىندا قوناقتارعا حالقىمىزدىڭ قايتالانباس ونەرپازدىعى مەن باي مادەني مۇراسىن سىڭىرگەن بىرەگەي ۇلتتىق كيىمدەر مەن اشەكەيلەر, تۇرمىس زاتتارى مەن بۇيىمدار, ونەگەلى سالت-ءداستۇر پاش ەتىلدى.
شىعىس قوناقجايلىعى ءداستۇرلەرى ورىسىندە عالامات اسپازدىق ساۋىق ۇيىمداستىرىلىپ, ونىڭ بارىسىندا مەرەكە مەيماندارى ايگىلى حالىق تاعامدارى سىرلارىن زەردەلەۋگە مۇمكىندىك الدى, شەبەرلىكپەن ازىرلەنگەن ۇلتتىق تاماقتىڭ ءدامىن لايىقتى دەڭگەيدە باعالادى.
سالتاناتتى شارا شەڭبەرىندە ءداستۇرلى مەرەكەلى كونتسەرت ءوتكىزىلىپ, ونىڭ اياسىندا ون ەلدىڭ ورىنداۋشىلارى مەن فولكلورلىق-ەتنوگرافيالىق انسامبلدەرى تالعامپاز كورەرمەندەرگە ءوزدەرىنىڭ ونەرلەرىن ۇسىندى.
ۇلى اباي شىعارمالارى نەگىزىندەگى قازاق اۋەندەرى مەن ءاندەرىنىڭ جارقىن گامماسى, سونداي-اق, «جار-جار» ۇلتتىق ۇيلەنۋ سالتىنىڭ ساحنالاندىرىلعان قويىلىمى كوكتەم مەيرامىنىڭ وزىندىك شۋاقتى بەزەندىرىلۋىنە اينالدى.
قوناقتارعا قازاقستاننىڭ 2050 جىلعا دەيىنگى دامۋ ستراتەگياسىنا, استانادا ەكسپو-2017 حالىقارالىق كورمەنىڭ وتكىزىلۋىنە, سونداي-اق, ەلىمىزدىڭ تاۋەلسىزدىك جىلدارىنداعى جەتىستىكتەرىنە ارنالعان ماتەريالدار توپتاماسى تابىس ەتىلدى.
شارا 21 ناۋرىزدى حالىقارالىق ناۋرىز كۇنى دەپ بەلگىلەپ, بۇۇ باس اسسامبلەياسى 2010 جىلى قابىلداعان قاراردىڭ ىسكە اسىرىلۋىنا قوسىلعان ناقتى ۇلەس بولدى. اتالعان قاراردا بۇۇ-عا مۇشە مەملەكەتتەر حالىقتارى اراسىندا رۋحاني كەلىسىمدى, دوستىق پەن بەيبىتشىلىكتى نىعايتۋ ماقساتىندا وسى ەجەلگى مەرەكە تۋرالى ىلىمدەر تاراتۋعا كۇش سالۋ كەرەكتىگى ناقتىلانعان بولاتىن.
