قازاق كۇرەسىنىڭ ەۋروپاداعى شەرۋى

قازاق كۇرەسىنەن بيىلعى كارى قۇرلىق دوداسى قازاق كۇرەسىنىڭ حالىقارالىق فەدەراتسياسىنىڭ باستاماسىمەن، ۆروتسلاۆ قالا­سى پرەزيدەنتى مەن قازاق­ستاننىڭ پولشاداعى ەلشى­لىگىنىڭ قول­داۋىمەن ماۋسىم ايىنىڭ 7-8 كۇندەرى وتكىزىلدى.

جىل سايىن قازاق كۇرەسىنە قىزىعۋشىلاردىڭ سانى ارتا تۇسكەندىگى انىق بايقالادى. سا­لىستىرمالى تۇردە الار بولساق، وتكەن جىلعى باتۋميدەگى ەۋ­روپا بىرىنشىلىگىنە 21 ەلدەن 80-نەن استام بالۋان قاتىسقان بولسا، ۆروتسلاۆتا 25 ەلدەن 110-نان استام سپورتشىلار قا­­تى­س­تى. ونىڭ ۇستىنە، بىرىنشىلىكتىڭ ەۋروپانىڭ ورتا­لىعىندا ور­نالاسقان پولياك جەرىندە باي­راعىن كوتەرۋى ەۋرو­پالىق سپورت­شىلاردىڭ كەلۋىن ەداۋىر جەڭىلدەتكەن.

جارىس قازاقستاننىڭ پول­شاداعى ەلشىسى مارعۇلان باي­مۇحان جانە قازاق كۇرەسىنىڭ ەۋروپالىق فەدەراتسياسىنىڭ پرەزي­دەنتى كارەن ارۋتيۋنيان مىر­زالاردىڭ قۇتتىقتاۋ سوزدە­رىمەن اشىلدى.

ەلشى ءوز سوزىندە بىرىنشىلىكتىڭ ۆروتسلاۆتىقتار مەن قالا قو­ناق­تارىنا جاقسى كوڭىل كۇي سىي­لايتىندىعىنا ءۇمىت ارتا وتىرا، داڭقتى بالۋانىمىز قاجىمۇقان مۇڭايتپاس ۇلىنىڭ وسىدان ءبىر عاسىر بۇرىن پولياك جەرىندەگى جارىستارعا ۇدايى قاتىسىپ، فرانتسۋز كۇرەسىنەن پولياكتىڭ تانىمال بالۋاندارى فرانتسيشەك بەنتكوۆسكي جانە ستانيسلاۆ تسىگانەۆيچپەن بەلدەسكەندىگىن اتاپ ءوتتى.

ءوز كەزەگىندە ءسوز العان كارەن ارۋتيۋنيان مىرزا جىل وتكەن سايىن قازاق كۇرەسىن ەۋروپا جۇرتشىلىعى تانىپ-بىلە باس­تاعاندىعىن ءسوز ەتىپ، جوعارى دەڭگەيدەگى ۇيىمداستىرۋشىلىق جۇمىستارى ءۇشىن پولياك تاراپىنا العىسىن ءبىلدىرىپ، با­لۋان­دارعا ساتتىلىك تىلەدى.

ەكى كۇنگە ۇلاسقان جارىس سەگىز سالماق دارەجەسى جانە قو­رى­تىندى تۇيە بالۋاندى انىق­تاۋ بويىنشا وتكىزىلدى.

قالالىقتار مەن تۋريس­تەر ءبى­رىنشىلىكتى ەركىن تاماشالاۋى ءۇشىن شاھاردىڭ تاريحي بولىگىندەگى «Płac Wolności» («بوستاندىق الا­ڭى») ارنايى تاڭداپ الىندى. ۇيىم­داس­تىرۋشىلاردىڭ سوزىنشە، ون­دا­عى ماقسات حالىقتىڭ قازاق­تىڭ ۇلتتىق سپورتىن ەركىن ءجا­نە تىكەلەي تاماشالاۋىنا، تيىسىنشە، مادەنيەتىمىز بەن ءداس­تۇرىمىزدەن حاباردار بولۋى­نا مۇمكىندىك جاساۋ بولاتىن.

قاتىسۋشى مەملەكەتتەردىڭ باسىم كوپشىلىگىندە قازاق كۇرە­سىنەن ەل بىرىنشىلىكتەرى وتكىزىلىپ، جەڭىسكە جەتكەن تاجىريبەلى بالۋاندارى جىبەرىلگەندىكتەن، جارىس وتە تارتىستى جاعدايدا ءوتتى. اسىرەسە سەگىز سالماق دارە­جەسى بويىنشا فينالعا وتكەن بالۋاندار جارىستىڭ كورىگىن قىزدىرا ءتۇستى.

فينالعا كاسىبي مامان­دار­دىڭ ۇلكەن توبى تورە­شىلىك ەتتى. جارىس جۇمىسىنا «قا­زاقستان بارىستارى» ۇلان رىس­قۇل مەن بەيبىت ىستىباەۆتىڭ قا­­تىسۋى دودانىڭ ۇلتتىق كولو­ري­تىن قا­نىق ەتە تۇسكەندىگى ءسوزسىز.

بىرىنشىلىك بارىسىندا با­لۋانداردىڭ انا تىلىمىزدەگى كۇرەسكە قاتىستى «باستا»، «توق­تا»، «ەسكەرتۋ» سىندى سوزدەرىن قاتى­سۋشىلاردىڭ بىردەن ءتۇسى­نىپ، قولما-قول ورىنداپ جاتقان­دىعىنا كۋا بولدىق. وسى ورايدا سپورتشىلاردىڭ قازاق كۇرە­سىنىڭ ەرەجەلەرىن جاقسى مەڭگەرگەنىن دە اڭعاردىق.

وتە تارتىستى وتكەن فينالدا سىندا سەگىز سالماق دارە­جە­سى بو­يىنشا كەلەسىدەي جەڭىم­پاز­دار انىقتالدى:

55 كيلو – گاسپار حايراپەتيان (ارمەنيا);

60 كيلو – يراكلي كۋپاتادزە (گرۋزيا);

66 كيلو – تورنيكە ناگلياش­ۆيلي (گرۋزيا);

74 كيلو – روبەرت گابرەليان (ارمەنيا);

82 كيلو – ارام گريگوريان (رەسەي);

90 كيلو – يۋري چيكالوۆ (رەسەي);

100 كيلو – يگور دجەجانوۆ­سكي (پولشا);

+100 كيلو – مەچايۋس يگناس (ليتۆا).

«تۇيە بالۋان» اتاعى ءۇشىن بولعان بەلدەسۋلەر ەرەكشە قى­زىق­تى ءوربىپ، كوپشىلىكتىڭ شى­نايى ىقىلاسىنا بولەندى. جا­سى قىرىقتى القىمداعان ازەربايجاندىق تانىمال بالۋان ەلحان رادجابلي ءوزىنىڭ بارلىق جاس قارسىلاستارىن جەڭىپ، في­نالعا جولداما الدى. الاي­دا ەلحاننىڭ جەڭىستى جولىن في­نالدا سالماعى وزىنەن الدە­قايدا اۋىر جاس گرۋزين الىبى – گەورگي زاكاريادزە توق­تاتىپ، «تۇيە بالۋان» اتاندى.

جارىس قورىتىندىسى بو­يىنشا ءانۇراندارى كوپ ورىن­دالعان ەلدەر قاتارىنان گرۋ­زيا، رەسەي جانە ارمەنيا تابىلدى. جەڭىمپازدارعا اقشالاي سەرتيفيكاتتار مەن باعالى سىي­لىقتار تابىستالدى.

ماراپاتتاۋ راسىمىنەن كە­يىن بىرقاتار جەڭىمپازدارمەن سۇحباتتاسىپ، العان اسەرلەرىمەن بولىسكەن بولاتىنبىز.

يگور دجەجانوۆسكي، قا­زاق كۇرەسىنەن ەۋروپا چەمپيونى:

– بويىمدى قۋانىش كەرنەپ تۇر. قازاق كۇرەسى ادىسپەن قا­تار دەنە كۇشىن دە قاجەت ەتەتىن سپورت ءتۇرى. بۇل تۇرعىدا مەن با­­بىمدا بولدىم دەپ ايتا الا­مىن. جالپى، جارىستىڭ ۇيىم­داستىرىلۋ بارىسى ماعان وتە ۇنادى. الداعى ۋاقىتتا قا­زاق كۇ­رەسىنەن بۇدان دا بيىك دەڭ­گەي­لەردەن كورىنۋگە كۇش سالامىن.

گەورگي زاكاريادزە، قازاق كۇرەسىنەن ەۋروپا چەمپيونى:

– بۇگىنگى قول جەتكىزگەن جەڭى­سىمە ەرەكشە قۋانىشتىمىن. ما­عان قازاق كۇرەسىنەن بەلدەسۋلەر وتە ۇنادى. كۇرەس بارىسىندا قول­داعان پولياك كورەرمەندەرىنە ۇلكەن العىسىمدى بىلدىرەمىن. بۇگىنگى جارىستى وسىنداي جو­عارى دەڭگەيدە وتكىزگەن ۇيىم­داستىرۋشىلارعا راحمەت!

بارتولومەي زامەنسكي، قا­زاق كۇرەسىنەن پولشا قۇ­را­­ماسىنىڭ باپكەرى:

– قازاق كۇرەسىنەن ەكىنشى ەۋروپا بىرىنشىلىگىنىڭ ءبىز­دىڭ ۆروتسلاۆ قالاسىندا وتكىزىلگەن­دىگىنە وتە قۋانىشتى­مىز. وسى جارىستا ءبىر التىن، ءۇش قو­لا مەدالدى ەنشىلەدىك. ءاري­نە بىزدەگى قازاق كۇرەسىنىڭ دامۋ بارىسىن قازاقستانمەن سالىستىرۋعا كەلمەيدى. قا­زاقستاندا قازاق كۇرەسى ۇلت­تىق سپورت ءتۇرى بولسا، بىزدە ول ەن­دى قولعا الىنۋدا. جۋىردا ۆروتس­لاۆ قالاسىندا قازاق كۇرەسى بويىنشا سپورت كلۋبىن اشپاقپىز. بۇل ورايدا قازاق تاراپىنىڭ قولداۋىنا يەمىز. ال كەلەشەكتە وسىنداي كلۋبتاردى پولشانىڭ بارلىق ءىرى قالالارىندا اشۋ ويىمىزدا بار.

جاندوس اۋەلبەك ۇلى،

ارنايى «Egemen Qazaqstan»

ءۇشىن

پولشا رەسپۋبليكاسى،

ۆروتسلاۆ قالاسى