قارجى مينيسترلىگىنىڭ دەرەكتەرىنە سايكەس, 5 ايدىڭ قورىتىندىسى بويىنشا بيۋدجەتتىڭ بارلىق دەڭگەيلەرىندە كىرىستەردىڭ ءوسۋى بايقالادى: مەملەكەتتىك بيۋدجەتتە — 115%, رەسپۋبليكالىق بيۋدجەتتە — 119% جانە جەرگىلىكتى بيۋدجەتتە — 106%.
ەسەپتى كەزەڭدە مەملەكەتتىك بيۋدجەتكە 3,8 ترلن تەڭگە سوماسىندا تابىس ءتۇستى, بۇل جوسپاردىڭ 105,4% قۇرادى. وتكەن جىلدىڭ وسىنداي كەزەڭىمەن سالىستىرعاندا, بيۋدجەت تابىستارى 510 ملرد تەڭگەگە ارتتى. جوسپار 2,7%-عا نەمەسە 73 ملرد تەڭگەگە اسىرا ورىندالدى.
«اسىرا ورىنداۋ نەگىزىنەن سالىقتار ەسەبىنەن قامتاماسىز ەتىلدى. بۇعان كەلەسى باستى فاكتورلار ىقپال ەتتى: ەكسپورتتىق كەدەن سالىعىنىڭ مولشەرلەمەسىنىڭ ءوسۋى جانە بىرقاتار سالالاردا تاۋارلار مەن قىزمەتتەر ءوندىرىسىنىڭ ارتۋى», — دەدى ءا. سمايىلوۆ.
تابىستاردى اكىمشىلەندىرۋدە نەگىزگى نازار بۇزۋشىلىقتاردىڭ جوعارعى تاۋەكەلىنە ۇشىرايتىن سالىق تولەۋشىلەرگە اۋدارىلدى. بۇل جۇمىس تاۋەكەلدەردى باسقارۋ جۇيەسىندە كامەرالىق باقىلاۋ اياسىندا جۇرگىزىلدى. كامەرالىق باقىلاۋ ناتيجەلەرى بويىنشا حابارلامالار سانى 2 ەسەگە ارتتى. سونىڭ ناتيجەسىندە وتەۋدىڭ ۇلەس سالماعى 86%-عا جەتتى نەمەسە ونىڭ ۇلەسى 7%-عا ارتتى. بيۋدجەتكە قوسىمشا 31 ملرد تەڭگە ءتۇستى.
جەرگىلىكتى بيۋدجەتتەر تابىستارى بويىنشا جوسپار 120 ملرد تەڭگەگە اسىرا ورىندالىپ, 1,2 ترلن تەڭگەنى نەمەسە 113,4% قۇرادى.
2018 جىلدىڭ بەس ايىمەن سالىستىرعاندا شىعىستاردى ورىنداۋ جاقساردى. رەسپۋبليكالىق بيۋدجەت شىعىستارى 4,9 ترلن تەڭگەگە يگەرىلدى. وتكەن جىلدىڭ 5 ايىمەن سالىستىرعاندا شىعىستار 1,2 ترلن تەڭگەگە ارتىق جۇرگىزىلدى.
قر پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى ءاليحان سمايىلوۆ ورتالىق جانە جەرگىلىكتى ورگاندار تاراپىنان مەملەكەتتىك ساتىپ الۋلار راسىمدەرىن ۋاقىتىلى اياقتاۋدىڭ ماڭىزدىلىعىن اتاپ ءوتتى.
سونداي-اق, ءا. سمايىلوۆ مەملەكەتتىك اۋديت جانە كامەرالىق باقىلاۋ بويىنشا جۇرگىزىلىپ جاتقان جۇمىستار تۋرالى باياندادى. 5 ايدا 1 462 اۋديتورلىق ءىس-شارا وتكىزىلدى. اۋديتپەن 292 ملرد تەڭگە بيۋدجەت قاراجاتى قامتىلدى. 48 ملرد تەڭگە سوماسىنا قارجىلىق بۇزۋشىلىقتار انىقتالدى. تاۋارلاردى جەتكىزۋ, قىزمەت كورسەتۋ جانە جۇمىستاردى ورىنداۋ ارقىلى جالپى 39 ملرد تەڭگە سوماسىنا قاراجاتتار وتەلدى. اۋديت وبەكتىلەرىنە قىزمەتتى جەتىلدىرۋ جانە تيىمدىلىكتى ارتتىرۋ بويىنشا 1 170 ۇسىنىم بەرىلدى. ولاردىڭ 669-ى ورىندالدى. قالعانى بويىنشا جۇمىستار جۇرگىزىلىپ جاتىر.
4,5 ترلن تەڭگە سوماسىنا كامەرالىق باقىلاۋمەن 676 مىڭ مەملەكەتتىك ساتىپ الۋلار قامتىلدى. تەكسەرۋلەردىڭ ناتيجەسىندە 261 ملرد تەڭگە سوماسىنا 13 593 ءراسىم بويىنشا مەملەكەتتىك ساتىپ الۋ تۋرالى زاڭنامانى بۇزۋشىلىقتار انىقتالعان. اۋديت وبەكتىلەرىنە بۇزۋشىلىقتاردى جويۋ تۋرالى 13 478 حابارلاما جىبەرىلدى. سونىڭ ناتيجەسىندە, 215 ملرد تەڭگە سوماسىنا بۇزۋشىلىقتارعا جول بەرىلمەدى. ولار كونكۋرستاردىڭ قورىتىندىلارىنىڭ شەشىمدەرىن بولدىرماۋ جانە كونكۋرس قۇجاتتاماسىنا وزگەرىستەر ەنگىزۋ ارقىلى شەشىلدى.
