قازاقستاننىڭ باتىس وبلىستارىنان باسقا وڭىرلەردە توقتاۋسىز جاۋعان جاۋىن, بيىكتىكتەگى باريكالىق جىرامەن بايلانىستى, سول ارقىلى بارەنتس تەڭىزى مەن سولتۇستىك ورالدان تروپوسفەرالىق سالقىن جانە ىلعال اۋا كەلۋدە. الداعى ءۇش تاۋلىكتە رەسپۋبليكاعا سالقىن جانە ىلعال اۋانىڭ كەزەكتى كەلۋىمەن وزگەرىستەر كۇتىلمەيدى. بۇرىنعىداي ءوڭىرىمىزدىڭ باسىم بولىگىندە تۇراقسىز اۋا رايى, نايزاعايمەن وتكىنشى جاڭبىر, رەسپۋبليكانىڭ تاۋلى ايماقتارى مەن تاۋ بوكتەرلەرىندە قاتتى جاڭبىر كۇتىلەدى. اۋا تەمپەراتۋراسى ورتاشا كوپجىلدىق ماننەن 3…5°س تومەن ساقتالادى. تەك باتىس جانە وڭتۇستىك-باتىستا جوعارعى اتموسفەرالىق قىسىمنىڭ اسەرىنەن جاۋىن-شاشىنسىز جانە ىستىق اۋا رايى كۇتىلەدى, كۇندىز اۋا تەمپەراتۋراسى 30…38°س دەيىن جوعارىلايدى.
