پرەزيدەنت • 11 ماۋسىم، 2019

قاسىم-جومارت توقاەۆ تەلەفون ارقىلى سويلەستى

160 رەت كورسەتىلدى

مەملەكەت باسشىسى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلادي­مير پۋتينمەن تەلەفون ارقىلى سويلەستى، دەپ حابارلادى قازاقستان رەسپۋبليكاسى پرە­زيدەنتىنىڭ ءباسپاسوز قىزمەتى.

اڭگىمەلەسۋ بارىسىندا ۆلاديمير پۋتين قاسىم-جو­مارت توقاەۆتى پرەزيدەنت سايلاۋىنداعى ايقىن جەڭى­سى­مەن قۇتتىقتاپ، جوعارى مەملەكەتتىك قىزمەتىنە تابىس تىلەدى.

قاسىم-جومارت توقاەۆ ۆلاديمير پۋتينگە قۇتتىق­تاعانى ءۇشىن ريزاشىلىق ءبىلدىرىپ، قازاقستاننىڭ رەسەيمەن جان-جاقتى ىنتىماقتاستىق جونىندەگى ۇستا­نى­مى جالعاسا بەرەتىنىن ايتتى.

قازاقستان پرەزيدەنتى رەسەي پرەزيدەنتىن الداعى رەسەي كۇنى مەملەكەتتىك مەرەكەسىمەن قۇتتىقتادى.


* * *

مەملەكەت باسشىسى قاسىم-جومارت توقاەۆتىڭ اتىنا قىتاي حالىق رەسپۋبليكاسىنىڭ توراعاسى سي ءتسزينپيننىڭ قۇتتىقتاۋ جەدەلحاتى كەلىپ ءتۇستى.

قازاقستان رەسپۋبليكاسىنىڭ پرەزيدەنتى لاۋازىمىنا سايلانۋىنا باي­لانىستى قاسىم-جومارت توقاەۆتىڭ اتىنا قىتاي حالىق رەسپۋب­لي­كا­سىنىڭ توراعاسى سي ءتسزينپيننىڭ قۇتتىقتاۋ جەدەلحاتى كەلىپ ءتۇستى.

«ءسىزدىڭ قازاقستان رەسپۋبليكاسىنىڭ پرەزيدەنتى لاۋازىمىنا سايلانۋىڭىزعا بايلانىستى ۇكىمەتتىڭ جانە قىتاي حالقىنىڭ، سونداي-اق جەكە ءوزىمنىڭ اتىمنان جۇرەكجاردى قۇتتىقتاۋىم مەن ىزگى تىلەگىمدى ءبىلدىرۋدى ابىروي سانايمىن.

قىتاي مەن قازاقستان تاتۋ كورشى ءارى ستراتەگيالىق ارىپتەس سانالادى. مەن قازاق-قىتاي قاتىناستارىن تەرەڭدەتۋگە باسا ءمان بەرەمىن. وسىعان دەيىنگى مەملەكەتتەر باسشىلارىنىڭ ەستافەتاسىن قابىلداي وتىرىپ، ەكى ەلدىڭ تۇراقتى ءارى ۇزاق مەرزىمدى دامۋى ءۇشىن جاڭا پاراقتى اشامىز جانە سىزبەن تىعىز بايلانىس ورناتامىز دەپ ۇمىتتەنەمىن»، دەلىنگەن جەدەلحاتتا. 


* * *

مەملەكەت باسشىسى قاسىم-جومارت توقاەۆ وزبەكستان رەس­پۋب­ليكاسىنىڭ پرەزيدەنتى شاۆكات ميرزيوەۆپەن تەلەفون ارقىلى سويلەستى.

وزبەكستان پرەزيدەنتى شاۆكات ميرزيوەۆ قاسىم-جو­مارت توقاەۆتى قازاقستان رەسپۋبليكاسىنىڭ پرە­زي­دەنتى سايلاۋىنداعى ايقىن جەڭىسىمەن قۇتتىقتادى.

قاسىم-جومارت توقاەۆ شاۆكات ميرزيوەۆكە قۇت­تىق­تاعانى ءۇشىن ريزاشىلىق ءبىلدىرىپ، باۋىرلاس ەلدەر اراسىنداعى ىنتىماقتاستىقتى جان-جاقتى ءارى قار­قىندى ىلگەرىلەتۋ جونىندەگى ەلباسى نۇرسۇلتان نازار­باەۆتىڭ ۇستانعان ساياساتىن جالعاستىراتىنىن اتاپ ءوتتى.

مەملەكەتتەر باسشىلارى قاسىم-جومارت توقاەۆ­تىڭ بيىلعى 14-15 ساۋىردە وزبەكستانعا جاساعان مەم­لە­كەتتىك ساپارىنىڭ ناتيجەسىندە قول جەتكىزىلگەن ۋاع­دالاس­تىق­تاردىڭ ءتيىمدى جۇزەگە اسىرىلۋى قازاق-وزبەك قارىم-قاتى­ناس­تارىنىڭ دامۋىنا تىڭ سەرپىن بەرەتىنىنە سەنىم ءبىلدىردى.

مەملەكەت باسشىسى قاسىم-جومارت توقاەۆ قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن تەلەفون ارقىلى سويلەستى.

قىرعىز رەسپۋبليكاسىنىڭ پرەزيدەنتى سوورونباي جەەن­­بەكوۆ قاسىم-جومارت توقاەۆتى قازاقستان رەس­پۋب­­­لي­كا­سىنىڭ پرەزيدەنتى سايلاۋىنداعى جەڭىسىمەن قۇتتىقتادى.

تاراپتار ەكى ەل حالىقتارىنىڭ تاتۋ كورشىلىك جانە دوستىق نەگىزدەگى قازاق-قىرعىز قاتىناستارىن ودان ءارى نىعايتۋعا نيەتتى ەكەنىن اتاپ ايتتى.

سونىمەن قاتار پرەزيدەنتتەر الداعى كەزدەسۋ­لەردىڭ كەستەسىن قاراستىردى.


* * *

مەملەكەت باسشىسى قاسىم-جومارت توقاەۆ ازەربايجان رەسپۋب­ليكاسىنىڭ پرەزيدەنتى يلحام اليەۆپەن تەلەفون ارقىلى سويلەستى.

ازەربايجان رەسپۋبليكاسىنىڭ پرەزيدەنتى يلحام اليەۆ قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى سايلاۋىنداعى ايقىن جەڭىسى­مەن قۇتتىقتاپ، جوعارى مەملەكەتتىك قىز­مەتىنە تابىس تىلەدى.

قاسىم-جومارت توقاەۆ يلحام اليەۆكە قۇتتىقتاعانى ءۇشىن ريزاشى­لىق ءبىلدىرىپ، ازەربايجانمەن جان-جاق­تى ىنتىماقتاستىقتى دامىتۋ جونىندەگى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ ساياساتىن جالعاستىراتىنىن اتاپ ءوتتى.


* * *

مەملەكەت باسشىسى قاسىم-جومارت توقاەۆ تاجىكستان رەسپۋب­لي­كاسىنىڭ پرەزيدەنتى ەمومالي راحمونمەن تەلەفون ارقىلى سويلەستى.

تاجىكستان پرەزيدەنتى ەمومالي راحمون قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى سايلاۋىنداعى جەڭىسىمەن قۇتتىقتادى.

مەملەكەتتەر باسشىلارى قازاقستان مەن تاجىك­ستان اراسىنداعى ستراتەگيالىق ارىپتەستىكتىڭ ودان ءارى قارقىندى داميتىنىنا سەنىم ءبىلدىردى.

تاراپتار الداعى كەزدەسۋلەردىڭ كەس­تەسىن تال­قىلادى.


* * *

مەملەكەت باسشىسى قاسىم-جومارت توقاەۆ ارمەنيا رەسپۋبليكاسىنىڭ پرەمەر-ءمينيسترى نيكول پاشينيانمەن تەلەفون ارقىلى سويلەستى.

ارمەنيا رەسپۋبليكاسىنىڭ پرەمەر-ءمينيسترى نيكول پاشينيان قاسىم-جومارت توقاەۆتى پرەزيدەنت سايلاۋىن­داعى ايقىن جەڭىسىمەن قۇتتىقتاپ، دوستاس قازاقستاننىڭ يگىلىگى جولىنداعى ەڭبەگىنە تابىس تىلەدى.

قاسىم-جومارت توقاەۆ ارمەنيا ۇكىمەتىنىڭ باسشىسىنا قۇت­تىقتاعانى ءۇشىن ريزاشىلىق ءبىلدىرىپ، قازاق-ارميان ىنتىماقتاستىعىن ەكىجاقتى فورماتتا دا، ەۋرازيالىق ەكونوميكالىق وداق اياسىندا دا دامىتۋدى جالعاستىرۋعا نيەتتى ەكەنىن ايتتى.

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار