شاراينا
سەنبى, 23 اقپان 2013 7:15
قالىڭ قار قۇرساۋىندا قالدى
قارلى بوران اقش-تىڭ بىرقاتار شتاتتارىن قالىڭ قارعا بوكتىرىپ, پروبلەمالار تۋىنداتتى. امەريكالىق باق-تاردىڭ اقپاراتتارىنا قاراعاندا, قالىڭ قار مەن مۇزدى جاۋىن كولورادو, يللينويس, ميسسۋري, كانزاس, اركانزاس, ايوۆا شتاتتارىن قۇرساۋعا العان.
سەنبى, 23 اقپان 2013 7:15
قالىڭ قار قۇرساۋىندا قالدى
قارلى بوران اقش-تىڭ بىرقاتار شتاتتارىن قالىڭ قارعا بوكتىرىپ, پروبلەمالار تۋىنداتتى. امەريكالىق باق-تاردىڭ اقپاراتتارىنا قاراعاندا, قالىڭ قار مەن مۇزدى جاۋىن كولورادو, يللينويس, ميسسۋري, كانزاس, اركانزاس, ايوۆا شتاتتارىن قۇرساۋعا العان.
وسى شتاتتاردىڭ بىرقاتارىندا قاردىڭ قالىڭدىعى 40 سانتيمەتردەن اسقان كورىنەدى. اۋا رايىنىڭ قيىندىعىنا بايلانىستى مەكتەپ وقۋشىلارى ساباقتان بوساتىلعان, ءبىراز شتاتتاردا مەملەكەتتىك مەكەمەلەر ۋاقىتشا جۇمىس ىستەمەي تۇر. اۆتوكولىك ماگيسترالدارىندا دا كولىك قوزعالىسىنا شەكتەۋ قويىلعان. جۇزدەگەن اۆيارەيستەردىڭ ۇشۋى كەيىنگە قالدىرىلدى. بىرنەشە ادام قازا تاپتى دەگەن دەرەكتەر بار.
بەيبىت تۇرعىندار قازا ءتاپتىۇندىستاننىڭ وڭتۇستىگىندەگى
حايداراباد قالاسىندا بولعان ەكى تەررورلىق ارەكەت سالدارىنان 20 ادام وپات بولىپ, 82 ادام جارالاندى. جەرگىلىكتى پوليتسيانىڭ مالىمەتتەرى بويىنشا, جارىلىستار باتىستىڭ ءىرى كومپانيالارىنىڭ وفيستەرى ورنالاسقان اكىمشىلىك ورتالىعىندا جاسالعان.
كۋاگەرلەردىڭ ايتۋىنشا, العاشقى جارىلىس كينو كورسەتىلىمى ءبىتىپ, كورەرمەندەر كينوتەاتر ەسىگىنەن شىعا باستاعاندا بولعان. ال جارىلعىش زات قويىلعان ەكىنشى قوندىرعى كينوتەاترعا جاقىن ماڭداعى اۆتوبۋس ايالداماسىندا ىسكە قوسىلىپتى. پوليتسەيلەردىڭ حابارلاۋىنشا, جارىلعىش قوندىرعىلارى كوشەدە قالدىرىلعان ۆەلوسيپەدتەرگە ورناتىلعان ەكەن. بيلىك وكىلدەرى مۇنى تەرروريستىك ارەكەت دەپ مالىمدەدى.
پارلامەنتكە كەلۋدەن نەگە باس تارتتى؟
اقش-تىڭ رەسەيدەگى ەلشىسى مايكل ماكفول ءوزىنىڭ ماكسيم كۋزميننىڭ ولىمىنە بايلانىستى جاعدايدى تالقىلاۋعا شاقىرعان مەملەكەتتىك دۋماعا كەلۋدەن باس تارتقانىن ءتۇسىندىردى.
ەلشى ءوزىنىڭ پاراقشاسىندا كەلۋدەن باس تارتۋ سەبەبىنە قاتىستى «اقش ەلشىسى الەمدە شەتەل پارلامەنتاريلەرى الدىندا ەشقاشان تۇسىنىك بەرمەيدى, ەگەر ول سول ءۇشىن پارلامەنتكە شاقىرتىلسا دا» دەپ جازعان. سونداي-اق ديپلومات ءوزىنىڭ جاعدايدى تالقىلاۋعا كەز كەلگەن اداممەن, ونىڭ ىشىندە مەمدۋما دەپۋتاتتارىمەن كەزدەسۋگە دايىن ەكەنىن مالىمدەگەن. اتاپ وتەيىك, م.ماكفولدى مەمدۋمانىڭ وتباسى ماسەلەلەرى جونىندەگى كوميتەتىنىڭ ءتورايىمى ە.ميزۋلينا شاقىرعان ەدى.
تۇسىنىك بەرۋدى تالاپ ەتتى
ازەربايجان پرەزيدەنتىنىڭ اكىمشىلىگى باسشىسىنىڭ ورىنباسارى نوۆرۋز مامەدوۆ ەكىنشى مەرزىمگە پرەزيدەنتتىككە سايلانعان ارمەنيا باسشىسى سەرج سارگسيانعا قۇتتىقتاۋ جولداعانى ءۇشىن تۇركيا پرەزيدەنتى ابدۋللا گۇل ءوزىنىڭ كوزقاراسىن ءبىلدىرۋى ءتيىس, دەپ مالىمدەدى. بۇل جونىندە ازەربايجاندىق اقپارات اگەنتتىكتەرى حابارلادى.
«ماعان باسپاسوزدەن بەلگىلى بولعانىنداي, تۇركيا پرەزيدەنتى ابدۋللا گۇل سەرج سارگسيانعا قۇتتىقتاۋ حات جولداعان, – دەپ اتاپ ءوتىپتى ول. – بۇل جونىندە مەندە ناقتى اقپارات جوق. مەنىڭ بىلۋىمشە, تۇركيا مەن ارمەنيا اراسىندا ديپلوماتيالىق قاتىناس ءالى ورناماعان». تۇركيا باسشىسى ارمەنيا پرەزيدەنتىنە 20 اقپاندا قۇتتىقتاۋ جولداعان كورىنەدى. تۇركيا ارمەنيانىڭ تاۋەلسىزدىگىن 1991 جىلى رەسمي تۇردە تانىعان. بىراق ەكى ەل اراسىندا ءالى كۇنگە دەيىن ديپلوماتيالىق قاتىناس ورناعان جوق. ونىڭ ۇستىنە 1993 جىلدان بەرى بۇل مەملەكەتتەردىڭ شەكارالارى جابىق تۇر.
ەگيپەتتە تاعى دا سايلاۋ وتەدى
ەگيپەت پرەزيدەنتى موحاممەد مۋرسي ەلدەگى پارلامەنتتىك سايلاۋ 27 ساۋىردە باستالاتىنىن جاريالادى. «رەيتەر» اگەنتتىگىنىڭ حابارلاۋىنشا, پارلامەنتتىڭ تومەنگى پالاتاسىنىڭ سايلاۋى ءتورت كەزەڭدە وتەدى. ءار كەزەڭدە ەل اۋماعىنداعى جەكەلەگەن ايماقتاردىڭ سايلاۋشىلارى داۋىس بەرەدى.
پارلامەنتتىك سايلاۋ ماۋسىم ايىندا اياقتالادى, ال پارلامەنتتىڭ جاڭا قۇرامىنىڭ وتىرىسى 6 شىلدەدە ءوتۋى ءتيىس. وسىنىڭ الدىنداعى پارلامەنتتىك سايلاۋ 2011 جىلدىڭ قاراشاسىنان 2012 جىلدىڭ قاڭتارىنا دەيىن سوزىلعان ەدى. پارلامەنتتىڭ جوعارعى پالاتاسى – كونسۋلتاتيۆتىك كەڭەس 21 اقپاندا سايلاۋ تۋرالى زاڭعا ەنگىزىلگەن وزگەرىستەردى ماقۇلدادى. ەندى ونى 25 اقپانعا دەيىن ەل پرەزيدەنتى بەكىتۋى قاجەت.
چاۆەستىڭ دەنساۋلىعى جاقسارماي تۇر
«رەيتەر» اقپارات اگەنتتىگىنىڭ حابارلاۋىنشا, وسىدان ەكى ايعا جۋىق بۇرىن كۋبادا وپەراتسيا جاساتقان ۆەنەسۋەلا پرەزيدەنتى ۋگو چاۆەستىڭ دەنساۋلىق جاعدايى ءالى دە جاقسى ەمەس. تىنىس الۋىندا پروبلەما بار.
«پرەزيدەنتتىڭ تىنىس الۋى قالىپتى ەمەس. بۇل وپەراتسيادان كەيىنگى اسقىنۋعا بايلانىستى. ءالى دە ەمدەلۋدى قاجەت ەتەدى», دەلىنگەن ۆەنەسۋەلا ۇكىمەتىنىڭ رەسمي مالىمدەمەسىندە. ۋگو چاۆەس 18 اقپاندا كۋبادان ءوز ەلىنە ورالعان بولاتىن. وپەراتسيا جاسار الدىندا ول ءوزىنىڭ مۇراگەرى رەتىندە ۆيتسە-پرەزيدەنت نيكولاس مادۋرونى اتاعان ەدى. ەكۆادور پرەزيدەنتى ر.كوررەا «ەگەر چاۆەس پرەزيدەنتتىك مىندەتتى قوياتىن بولسا, ەلدى باسقارۋعا ۆيتسە-پرەزيدەنتتىڭ شاماسى تولىق جەتەدى» دەگەن كورىنەدى.
قىسقا قايىرىپ ايتقاندا:
*قىتاي ۇكىمەتى سۋ ۇستىندە جۇرەتىن اتوم ەنەرگەتيكالىق قوندىرعىسى بار كەمە جاساۋ باعدارلاماسىن رەسمي تۇردە بەكىتتى. وندا يادرولىق رەاكتوردىڭ جاڭا ءتۇرى ورنالاستىرىلادى.
*كەشە تبيليسيدە بىرەۋلەر سپورت جانە جاستار ءىسى مينيسترلىگىنىڭ قىزمەتكەرى دەۆي سيرادزەنى اتىپ كەتكەن. وقيعا بۇرىنعى سپورت ءمينيسترىنىڭ پاتەرىندە بولعان.
*لوندون سوتى توعىز بريتاندىقتى تەررورلىق ارەكەت جاساۋعا دايىندالعان دەپ تانىدى. ولار 2011 جىلى قىركۇيەكتە ۇستالعان ەدى.
*كۋبانىڭ رەسەيگە جالپى كولەمى 30 ميلليارد دوللاردان اساتىن قارىزىن رەسەي بىرتىندەپ جوياتىن بولدى. بۇل جونىندە رەسەيدىڭ ساۋدا جانە ونەركاسىپ ءمينيسترى د.مانتۋروۆ مالىمدەدى.
ينتەرنەت ماتەريالدارى نەگىزىندە ازىرلەندى.
