احمادينەجادقا شابۋىل جاساماق بولدى
بەيسەنبى, 7 اقپان 2013 7:39
يران پرەزيدەنتى ماحمۋد احمادينەجادقا وتكەن سەيسەنبى كۇنى كايردە شابۋىل جاساماققا تالپىنىس بولعان. بۇل تۋرالى يتار-تاسس حابارلادى.
ەگيپەتتىڭ قاۋىپسىزدىك كۇشتەرى سيريانىڭ ازاماتى بولىپ تابىلاتىن جاس جىگىتتى ول ەگيپەت استاناسىنداعى ءال-حۋسەين مەشىتىنەن شىعا بەرگەن يران ليدەرىنە شابۋىل جاساماق بولعان جەرىندە قولعا تۇسىرگەن. وسىلايشا شابۋىل جاساۋشى قاماۋعا الىندى. يران پرەزيدەنتى ارادا وتىز ءتورت جىل وتكەندە العاش رەت ەگيپەتكە كەلگەن بولاتىن. يسلام رەسپۋبليكاسىنىڭ باسشىسى يراندا توڭكەرىس بولىپ, كاير يەرۋساليممەن بەيبىت كەلىسىمگە قول قويعاننان كەيىن ەلدەر اراسىنداعى ديپلوماتيالىق قارىم-قاتىناستار توقتاعان.
بەيسەنبى, 7 اقپان 2013 7:39
يران پرەزيدەنتى ماحمۋد احمادينەجادقا وتكەن سەيسەنبى كۇنى كايردە شابۋىل جاساماققا تالپىنىس بولعان. بۇل تۋرالى يتار-تاسس حابارلادى.
ەگيپەتتىڭ قاۋىپسىزدىك كۇشتەرى سيريانىڭ ازاماتى بولىپ تابىلاتىن جاس جىگىتتى ول ەگيپەت استاناسىنداعى ءال-حۋسەين مەشىتىنەن شىعا بەرگەن يران ليدەرىنە شابۋىل جاساماق بولعان جەرىندە قولعا تۇسىرگەن. وسىلايشا شابۋىل جاساۋشى قاماۋعا الىندى. يران پرەزيدەنتى ارادا وتىز ءتورت جىل وتكەندە العاش رەت ەگيپەتكە كەلگەن بولاتىن. يسلام رەسپۋبليكاسىنىڭ باسشىسى يراندا توڭكەرىس بولىپ, كاير يەرۋساليممەن بەيبىت كەلىسىمگە قول قويعاننان كەيىن ەلدەر اراسىنداعى ديپلوماتيالىق قارىم-قاتىناستار توقتاعان.
كۇيرەتە سوققى جاسايتىنىن مالىمدەدى
پحەنيان ۆاشينگتون مەن سەۋلدىڭ ۋشىقتىرۋ ارەكەتتەرىنە «كۇيرەتۋشى جانە ولار كۇتپەگەن سوققىمەن جاۋاپ بەرەدى, يمپەرياليستەرگە ەشقانداي كەشىرىم جاسالمايدى». بۇل تۋرالى تستاك اقپارات اگەنتتىگى مالىمدەگەن.
كحدر ءوزىنىڭ اسكەري الەۋەتىن, ونىڭ ىشىندە يادرولىق الەۋەتىن دە كۇشەيتە تۇسپەك نيەتتە. رەسمي پحەنياننىڭ پىكىرىنشە, بۇۇ قاۋىپسىزدىك كەڭەسىنىڭ سولتۇستىك كورەياعا قاتىستى سانكتسيالار پاكەتىن ۇلعايتقان سوڭعى قارارى ەلدىڭ عارىش كەڭىستىگىن زەرتتەۋ قۇقىعىنا نۇقسان كەلتىرەدى. ال كحدر-داعى جاڭا يادرولىق سىناقتار تۋرالى جاڭالىق كورەيا رەسپۋبليكاسىنىڭ پرەزيدەنتى پاك كەن حەنىڭ شىنايى الاڭداۋشىلىعىن تۋعىزىپ وتىر.
تۋريستىك اۆتوبۋستى جارىپ جىبەرگەندەر كىمدەر؟
بولگاريادا يزرايلدىك تۋريستەر وتىرعان اۆتوبۋستى جارىپ جىبەرۋگە قاتىسقان تەررورشىلاردىڭ قاتارىندا كانادا مەن اۆستراليا ازاماتتارى بولعان كورىنەدى.
جارىلىسقا كانادالىق ازاماتتىڭ قاتىستىلىعى تۋرالى اقپاراتتى وسى ەل وكىمەتى رەسمي تۇردە راستادى. كانادانىڭ سىرتقى ىستەر ءمينيسترى دجون بەرد بولگاريانىڭ بۋرگاس قالاسىنداعى اۋەجايدا تۋريستىك اۆتوبۋستى جارىپ جىبەرۋگە كانادانىڭ جانە ليۆاننىڭ قوس بىردەي ازاماتتىعىن العان تەررورشىنىڭ قاتىسى بار ەكەنىن مالىمدەدى. ونىڭ ايتۋىنشا, ازىرگە قىلمىسكەردى ۇستاۋدىڭ ءساتى تۇسپەگەن كورىنەدى. ال حيزبوللا تەررورلىق توبىنىڭ اتالعان جارىلىسقا قاتىسى بار ەكەندىگى تۋرالى بۇعان دەيىن دە حابارلانعان بولاتىن.
بيۋدجەت قىسقارتۋدى كەيىنگە قالدىرۋدى ۇسىندى
اقش پرەزيدەنتى باراك وباما بۇرناعى كۇنى كونگرەسكە 1 ناۋرىزعا بەلگىلەنگەن ەل بيۋدجەتىن قىسقارتۋ مەرزىمىن نەعۇرلىم كەشىرەك مەرزىمگە كوشىرۋ جونىندە قىسقا مەرزىمدى جوسپار قابىلداۋدى ۇسىندى.
مەملەكەت باسشىسى اتاپ وتكەندەي, 2013 جىلدىڭ 1 ناۋرىزىنا دەيىن بيۋدجەتتىڭ كەڭ اۋقىمدى جوباسىن دايىنداۋدىڭ ورايى كەلمەيدى, سوندىقتان الداعى ايدان باستاپ بيۋدجەت شىعىندارىنىڭ 85 ملرد. دوللارعا قىسقارۋىنىڭ الدىن الۋ ءۇشىن ۋاقىتشا شارالار قابىلداۋ قاجەت. سونىمەن بىرگە, اقش پرەزيدەنتىنىڭ 4 اقپاندا 19 مامىرعا دەيىن مەملەكەتتىك بورىشتىڭ شەكتەۋلى دەڭگەيىن ارتتىرۋعا دەگەن قاجەتتىلىكتى بولدىرمايتىن زاڭعا قول قويعانىن دا ايتا كەتۋ قاجەت.
فرانتسۋزدار ماليدەن كەتپەك
فرانتسيا سىرتقى ىستەر ءمينيسترى لوران فابيۋس فرانتسۋز اسكەرلەرىنىڭ ماليدەن الداعى ناۋرىز ايىندا-اق شىعارىلا باستايتىنىن مالىمدەدى.
ءپاريجدىڭ جوسپارى بويىنشا, قارۋلى قاقتىعىستاردىڭ رەتتەلۋىن قامتاماسىز ەتۋ ءۇشىن ماليدەگى فرانتسۋز اسكەرىن كورشى مەملەكەتتەردەن كەلەتىن افريكالىق اسكەريلەر الماستىرۋى ءتيىس. ەگەر ءبارى جوسپارداعىداي جۇرەتىن بولسا, ناۋرىز ايىنان باستاپ ءبىزدىڭ اسكەرلەردىڭ سانى ازايا تۇسەتىن بولادى, دەپ اتاپ كورسەتكەن فرانتسيا سىرتقى ىستەر ءمينيسترى. مۇنداي مالىمدەمە ءماليدىڭ سولتۇستىگىندەگى سوڭعى ءىرى قالا – كيدال الىنعاننان كەيىن جاسالىپ وتىر.
مينيستر دوكتورلىق دارەجەسىنەن ايىرىلماق
گەرمانيانىڭ ءبىلىم ءمينيسترى اننەتتا شاۆان پلاگياتتىق تۋرالى وعان تاعىلعان ايىپتاۋلار تەرگەلىپ بىتكەننەن كەيىن عىلىمي دارەجەسىنەن ايىرىلاتىن بولادى.
ديۋسسەلدورف ۋنيۆەرسيتەتى فيلوسوفيا فاكۋلتەتىنىڭ كەڭەسى ونىڭ ديسسەرتاتسياسىندا قاساقانا جاسالعان پلاگيات بار دەگەن شەشىم قابىلداپ وتىر. بۇل ماسەلە ونىڭ بولاشاقتا ءبىلىم ءمينيسترى لاۋازىمىندا قالۋ ماسەلەسىنە دە ۇلكەن قاۋىپ توندىرمەك. ا.شاۆان بولسا, فاكۋلتەت شەشىمىنە كەلىسپەيتىنىن ءبىلدىرىپ, اپەللياتسيا بەرمەك نيەتى بار ەكەنىن حابارلاعان. ونىڭ ءبىر اي مەرزىم ىشىندە تالاپ-ارىز بەرۋگە قۇقى بار.
جالپى تۇرىك تاريحىن جاساۋ جولىنداعى تالپىنىس
ازەربايجان ۇلتتىق عىلىم اكادەمياسى تاريح ينستيتۋتىنىڭ ديرەكتورى, پارلامەنت دەپۋتاتى ياگۋب ماحمۋدوۆ باكۋدە بارلىق تۇركىتىلدەس ەلدەر تاريحشىلارىن قاتىستىرا وتىرىپ, حالىقارالىق كونفەرەنتسيا وتكىزۋ جوسپارلانىپ وتىرعانىن حابارلادى.
ول فورۋمنىڭ ماقساتى – تۇركى حالىقتارىنىڭ ورتاق تاريحىن جاساۋ جۇمىستارىن جەدەلدەتۋ. ماحمۋدوۆ بۇل ماسەلەنىڭ ازەربايجان مەن تۇركيا باسشىلارى اراسىندا تالقىلانعانىن اتاپ كورسەتكەن. ونىڭ ايتۋىنشا, ەكى ەل زەرتتەۋشىلەرى جالپى تۇرىك تاريحىنىڭ ورتاق جوسپارىن جاساۋ جولىندا جۇمىستار جۇرگىزۋدە, ال ازەربايجاننىڭ ورتا مەكتەپتەرىندە بۇكىل تۇركى يمپەريالارىنىڭ تاريحى وقىتىلادى.
ارال تۇرعىندارىنا تسۋنامي قاتەر ءتوندىردى
سولومون ارالدارىندا جەر سىلكىنىسى تسۋنامي تۋىنداتتى. ءۇش دەرەۆنيا قيراعان, قازا تاپقاندار دا بار كورىنەدى.
سەگىز باللدىق جەر سىلكىنىسى سولومون ارالدارى توبىنا كىرەتىن نەندو ارالى اۋدانىندا ورىن العان. ءزىلزالا وشاعى بەس كيلومەتر تەرەڭدىكتە بولعان. سولومون ارالدارىنا جەتكەن تولقىننىڭ بيىكتىگى 91 سانتيمەتردى قۇراپ, لاتا اۋەجايىنىڭ اۋماعىن باسىپ قالعان. اقش-تىڭ گەولوگيالىق قىزمەتى تسۋنامي قاۋپى تۋرالى حابارلاپ, جاقىن جاتقان ەلدى مەكەندەر تۇرعىندارى وزگە جەرلەرگە كوشىرىلگەن. بيىكتىگى 1 مەتر بولاتىن تولقىن قاۋپى تۋرالى ەسكەرتۋلەر جاسالۋدا.
ينتەرنەت ماتەريالدارى نەگىزىندە ازىرلەندى.
