شاراعا قر ءبىلىم جانە عىلىم ءمينيسترى كۇلاش ءشامشيدينوۆا, نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ, مەملەكەتتىك ورگانداردىڭ, حالىقارالىق ۇيىمداردىڭ, شەتەلدىك جوعارى وقۋ ورىندارىنىڭ وكىلدەرى, سونداي-اق, قر جوعارى وقۋ ورىندارىنىڭ باسشىلارى, وقىتۋشىلارى مەن ستۋدەنتتەرى قاتىستى.
ۆيتسە-پرەمەر ءوز سوزىندە ەلباسى ن. نازارباەۆتىڭ ءسوزىن كەلتىرىپ ءوتتى: «تسيفرلىق قوعام مەن ءبىلىم ەكونوميكاسى بار جاڭا جاھاندىق وركەنيەت تۋىنداۋدا جانە ءبىزدىڭ ەلىمىز وسى ۋاقىت تالاپتارىنا ساي بولۋى كەرەك. ال جاستار ەلىمىزدىڭ قازىرگى الەمدەگى باسەكەگە قابىلەتتىلىگىنىڭ نەگىزگى فاكتورى بولۋى ءتيىس».
گ. ابدىقالىقوۆا فورۋم ماگيسترالدى يدەيالار مەن ادامي كاپيتالدى دامىتۋ جوبالارىن ازىرلەۋدىڭ جۇيەلىك الاڭىنا اينالعانىن اتاپ ءوتتى. قازاقستاندا مەملەكەتتىك ساياساتتىڭ باسىمدىقتارىنىڭ ءبىرى – ءبىلىم بەرۋدى دامىتۋ. كوپ دەڭگەيلى جۇيە جۇمىس ىستەۋدە. زاڭنامالىق بازا جەتىلدىرىلۋدە. ۇدەمەلى دامۋدىڭ بىردەن ءبىر كۋاسى ول جوعارى وقۋ ورىندارىنىڭ سانىن 131-گە دەيىن ارتۋى, ولاردا 540 مىڭنان استام ستۋدەنت ءبىلىم الۋدا.
بۇگىن نازارباەۆ ۋنيۆەرسيتەتى – ەلىمىزدە جوعارى ءبىلىم بەرۋدىڭ فلاگمانى. وسى جىلى ۋنيۆەرسيتەت قابىرعاسىنان 963 ستۋدەنت بىتىرگەلى وتىر, ونىڭ ىشىندە باكالاۆرلار – 565, ماگيسترلەر – 378 جانە PhD دوكتورلارى – 20.
فورۋمدا ۇزدىكسىز ءبىلىم بەرۋ تۇجىرىمداماسى, سونداي-اق بولاشاق كوشباسشىلاردى تاربيەلەۋ مەن يندۋستريالدى-اكادەميالىق ەكوجۇيەنى قالىپتاستىرۋ ماسەلەلەرى جان-جاقتى تالقىلاندى.
