سەرىك جانۇزاقوۆتىڭ ايتۋىنشا, اجەو-عا قاتىستى قىلمىستىق ءىس توقتاتىلدى, سەبەبى كومپانيا ءوز كىناسىن مويىنداپ, شىعىندى وتەيدى. ەكىنشى قىلمىستىق ءىس بويىنشا «اتىراۋ سۋ ارناسى» باسشىلارى كۇدىكتى دەپ تانىلدى. «بارلىق تەرگەۋ ارەكەتتەرى اياقتالدى, وزەننىڭ زاقىمدانۋ كوزى جانە بالىقتىڭ قىرىلۋى حلوردان ەكەنى انىقتالدى. ءىس ودان ءارى سوتقا بەرۋ ءۇشىن قاداعالاۋ ورگانىندا (پروكۋراتۋرادا) بولادى جانە تەرگەۋ جۇمىستارىمەن ءىىم ارنايى توبى اينالىسسا دا, سوت اتىراۋدا وتەدى» دەدى س. جانۇزاقوۆ وسى ماسەلەگە ارنالعان بريفينگتە.
