سايلاۋ كوميسسياسى مۇشەلەرىنىڭ قاتارىنا بيۋدجەتتىك ۇيىمداردىڭ قىزمەتكەرلەرى, ساياسي پارتيالار مەن ۇەۇ, كوممەرتسيالىق قۇرىلىمداردىڭ وكىلدەرى, زەينەتكەرلەر, ءوزىن-ءوزى جۇمىسپەن قامتىعان ازاماتتار, ستۋدەنتتەر جانە ءتۇرلى مەكەمەلەردىڭ قىزمەتكەرلەرى كىردى.
ەلوردادا 238 سايلاۋ ۋچاسكەسى تىركەلگەن, ونىڭ 204-ءى – اشىق, ال 34-ءى – جابىق. ۋچاسكەلىك سايلاۋ كوميسسيالارىنىڭ ساندىق قۇرامى سايلاۋشىلاردىڭ سانىنا بايلانىستى 5-تەن 11 ادامعا دەيىن جەتەدى. سايلاۋ كوميسسيالارىنىڭ مۇشەلەرى پرەزيدەنتتى سايلاۋ جونىندەگى ءتيىستى ءىس-شارالاردى وتكىزەدى جانە سايلاۋ كۇنى ۋچاسكەلەردە داۋىس بەرۋدى ۇيىمداستىرادى.
ءاربىر سايلاۋ ۋچاسكەسىندە ساياسي پارتيالار مەن قوعامدىق بىرلەستىكتەردەن 2 باقىلاۋشى جۇمىس ىستەيدى.
قازىرگى ۋاقىتتا باقىلاۋشىلار تىزىمىندە قوعام وكىلدەرى, ۇكىمەتتىك ەمەس ۇيىمدار مۇشەلەرى جانە ەلوردا تۇرعىندارىنان قۇرالعان 500 ادام بار.
بۇدان بولەك «دۋمان» قوناق ۇيىندە 18 ماۋسىمعا دەيىن جۇمىس ىستەيتىن حالىقارالىق باقىلاۋشىلار مەن شەتەلدىك بۇقارالىق اقپارات قۇرالدارىنىڭ وكىلدەرىنە جاردەمدەسۋ ورتالىعى اشىلدى.
