ءبىرىنشى ويىندا ءبىزدىڭ قارسىلاستارىمىز دومينيكان رەسپۋبليكاسىنىڭ وكىلدەرى بولدى, ولار ءبىرىنشى كۇنى ەكى مارتە جەڭىلىسكە ۇشىرادى. ويىن باستالعاننان قارسىلاستار بىلىكتىلىك تانىتا قويمادى, ويىن 12:18 ەسەبىمەن اياقتالدى.
ەكىنشى ويىندا قازاقستاندىق كوماندانىڭ قارسىلاستارى ۋكرايندىق ستريتبولشىلار بولدى. بۇل ماتچتا قازاقستاندىق ستريتبولشىلار قارسىلاس قولىنان جەڭىستى ج ۇلىپ الا المادى. 10: 22 ەسەبىمەن ۋكرايندىقتارعا جول بەرىپ, الەم كۋبوگىندا بوي كورسەتۋدى توقتاتتى.
ايتا كەتەرلىگى, قازاقستان وسى الەم كۋبوگىنا تەك جاسوسپىرىمدەر كومانداسىمەن قاتىسقان بولاتىن. ونىڭ قۇرامىندا: «اگۋ بارىس اتىراۋ» كومانداسىنىڭ ويىنشىلارى - №5 ارسەنتي كۋشنيرۋك جانە №47 ۆيكتور ۆەرزۋن, قاپشاعاي « سديۋسش» كومانداسىنىڭ ويىنشىلارى - №1 ۆاسيلي بەلوزور مەن الماتىلىق - №10 دۋلات ەشمۇحامبەتوۆ بولدى.
