تىلگە قۇرمەتتەرى شەكسىز
جۇما, 26 ءساۋىر 2013 2:39
بارشانى باۋىرىنا باسقان قازاق ەلىنىڭ ىستىق قۇشاعى بۇگىندە قازاقستاندى وتانىم دەپ سانايتىن وزگە ۇلت وكىلدەرىن ءبىر ءۇيدىڭ بالاسىنداي ۇيىستىرىپ وتىر. دارقان كوڭىل قازاق جەرىنىڭ كەڭپەيىلدىلىگىنە ريزاشىلىقتارىن ولاردىڭ وزدەرى دە ءجيى ايتىپ جۇرەدى. قازاقستان حالقى اسسامبلەياسىنىڭ اتقارىپ جاتقان جۇمىستارى قازىرگى تاڭدا كوپ ۇلتتى ەلىمىزدىڭ ءوسىپ-وركەندەۋىنە قوسىپ جاتقان ۇلەستەرى مولىنان دەپ بىلەمىن.
جۇما, 26 ءساۋىر 2013 2:39
بارشانى باۋىرىنا باسقان قازاق ەلىنىڭ ىستىق قۇشاعى بۇگىندە قازاقستاندى وتانىم دەپ سانايتىن وزگە ۇلت وكىلدەرىن ءبىر ءۇيدىڭ بالاسىنداي ۇيىستىرىپ وتىر. دارقان كوڭىل قازاق جەرىنىڭ كەڭپەيىلدىلىگىنە ريزاشىلىقتارىن ولاردىڭ وزدەرى دە ءجيى ايتىپ جۇرەدى. قازاقستان حالقى اسسامبلەياسىنىڭ اتقارىپ جاتقان جۇمىستارى قازىرگى تاڭدا كوپ ۇلتتى ەلىمىزدىڭ ءوسىپ-وركەندەۋىنە قوسىپ جاتقان ۇلەستەرى مولىنان دەپ بىلەمىن. مەملەكەت باسشىسى ن.ءا.نازارباەۆتىڭ ساليقالى ساياساتىنىڭ ارقاسىندا قۇرىلعان اتالعان اسسامبلەيا بۇگىندە ەلگە قالتقىسىز قىزمەت ەتىپ كەلەدى. مۇنى كەشەگى وتكەن قحا-نىڭ سەسسياسىندا ءسوز سويلەگەن كەزىندە ەلباسى دا ناقپا-ناق اتاپ ءوتتى. تاتۋلىقتىڭ باستاۋى ىسپەتتى بۇل اسسامبلەيانىڭ الداعى ۋاقىتتا دا اتقارار قىزمەتتەرى اۋقىمدى ەكەنى داۋسىز.
1991 جىلى ەلباسىنىڭ جارلىعىمەن اشىلعان تۇركىستانداعى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى دە بۇگىندە تۇركىتىلدەس ەلدەر بالالارىنا جوعارى ءبىلىم بەرىپ, ولاردىڭ قاناتتانۋىنا بارىنشا جاعداي جاساۋدا. جالپى, ۋنيۆەرسيتەتتە 29 مەملەكەتتەن بالالار كەلىپ وقيدى. نەگىزىنەن ولاردىڭ كوبى تۇركى دۇنيەسىنەن. ال تەك زاڭ فاكۋلتەتىندە التى ماماندىق بويىنشا ۇزىن سانى 320 ستۋدەنت ءبىلىم الادى دەسەك, ولاردىڭ 170-ءى شەتەلدىك, 23-ءى قۇقىقتانۋ ماماندىعىنىڭ ستۋدەنتتەرى. اتاپ ايتقاندا, تۇركيا, رەسەي, تۇركىمەنستان, اۋعانستان, حاكاسيا, تىۆا سىندى, وزگە دە مەملەكەتتەردەن كەلگەن جاستار. الدىن الا دايىندىق كۋرسىنان وتەتىن ولار مەملەكەتتىك تىلدە ەركىن سويلەيدى.
تۇركىستان جەرى وزگە ۇلت وكىلدەرىنە كەندە ەمەس. قازاق تىلىندە وزدەرىنىڭ انا تىلىنەن كەم سويلەمەيتىنى ولاردىڭ ەلگە, جەرگە, تىلگە دەگەن قۇرمەتى دەپ بىلەمىز. وسىنداي ىنتىماعى ۇيىعان جەردەن جوعارى ءبىلىم الىپ كەتەتىن وزگە ءتىلدى ازاماتتاردىڭ ءوز ەلدەرىنە بارعاندا تىلگە قۇرمەتتىڭ قانداي بولاتىنىن قازاقستاندا, تۇركىستاندا كوردىك دەپ تامسانا ايتىپ جۇرەتىندەرىنە سەنىمىم كامىل.
بالعاباي ناقىپوۆ,
ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى زاڭ فاكۋلتەتىنىڭ دەكانى, زاڭ عىلىمدارىنىڭ دوكتورى, پروفەسسور.
وڭتۇستىك قازاقستان وبلىسى.
