بەرەكەسى مەن بىرلىگى جاراسقان جەتىسۋ
بەيسەنبى, 25 ءساۋىر 2013 2:23
قازاقستان حالقى اسسامبلەياسىنىڭ «دوستىقتىڭ جول كارتاسى» اتتى مەگا-جوباسىن جۇزەگە اسىرۋ ماقساتىندا تاياۋدا الماتى وبلىسىنىڭ دەلەگاتسياسى الماتى قالاسىنا ەستافەتا تىزگىنىن تابىس ەتكەن بولاتىن.
بەيسەنبى, 25 ءساۋىر 2013 2:23
قازاقستان حالقى اسسامبلەياسىنىڭ «دوستىقتىڭ جول كارتاسى» اتتى مەگا-جوباسىن جۇزەگە اسىرۋ ماقساتىندا تاياۋدا الماتى وبلىسىنىڭ دەلەگاتسياسى الماتى قالاسىنا ەستافەتا تىزگىنىن تابىس ەتكەن بولاتىن.
اتالمىش مەگا-جوبا قازاقستان حالقى اسسامبلەياسىنىڭ ءحVىى سەسسياسىندا ەلباسى نۇرسۇلتان نازارباەۆتىڭ بەرگەن تاپسىرماسىنا وراي 2012 جىلى شىعىس قازاقستان وبلىسىنان باستاۋ العان ەدى. ۇلتتار دوستىعى مەن عالامي بەيبىتشىلىكتى ۇندەيتىن «دوستىقتىڭ جول كارتاسى» جوباسى ەلىمىزدىڭ بارلىق وڭىرىندە يگى ءىس-شارالار وتكىزىپ, وتانداستارىمىزعا مەملەكەتتىڭ ىشىندەگى ءوزارا تاتۋلىق پەن تۇسىنىستىكتى ناسيحات ەتۋدە.
قازاقستان حالقى اسسامبلەياسىنىڭ حح سەسسياسىنا وراي الماتى وبلىسىنان ارنايى كەلگەن دەلەگاتسيا قالادا بىرقاتار مادەني ءىس-شارا ۇيىمداستىردى.
وڭتۇستىك استانانىڭ دوستىق ۇيىندە وبلىس پەن قالانىڭ ۇلتتىق مادەني ورتالىقتارى جەتەكشىلەرىنىڭ باسقوسۋىمەن «قازاقستاننىڭ ەل بىرلىگى دوكتريناسىن جۇزەگە اسىرۋداعى قازاقستان حالقى اسسامبلەياسىنىڭ ءرولى» اتتى دوڭگەلەك ۇستەلدى قالا اكىمىنىڭ ورىنباسارى زاۋرەش امانجولوۆا اشتى. الماتى قالاسىنىڭ اكىمى احمەتجان ەسىموۆتىڭ سالەمىن باسقوسۋعا جينالعان جۇرتشىلىققا جەتكىزگەن زاۋرەش جۇماناليقىزى استانا قالاسىندا وتەتىن قازاقستان حالقى اسسامبلەياسىنىڭ حح سەسسياسى مەن 1 مامىر كۇنى تويلاناتىن قازاقستان حالقىنىڭ بىرلىگى مەرەكەسىمەن قۇتتىقتاپ ءوتتى.
وبلىس اكىمىنىڭ ورىنباسارى سەرىك مۇقانوۆ باستاعان ارنايى دەلەگاتسيا وسى كۇنى “الماتى وبلىسى ءتۋريزمىنىڭ تارتىمدى مۇمكىندىكتەرى” تاقىرىبىندا شىعارىلعان فوتوالبومداردىڭ تۇساۋكەسەر راسىمىنە قاتىستى.
«دوستىقتىڭ جول كارتاسى» – قازاقستان حالقى اسسامبلەياسىنىڭ مەگا-جوباسى اياسىندا ۇيىمداستىرىلعان شارالار تىزبەگى الماتى قالاسىنداعى ا. روزىباكيەۆ اتىنداعى № 153 مەكتەپ-گيمنازيادا جالعاسىن تاپتى. سونداي-اق, بۇل مەگا-جوبانى جالعاستىرعان وڭتۇستىك استانانىڭ ايتۋلى ورىندارىنىڭ بارىندە مەرەكەلىك شارالار ۇيىمداستىرىلىپ, وندا قازاقستان حالقىنىڭ بىرلىگى مەن ىنتىماعى پاش ەتىلدى.
وبلىس وڭىرىنەن كەلگەن ءتۇرلى ۇلت وكىلدەرىنىڭ مادەني ورتالىقتارى وزدەرىنىڭ سالت-ءداستۇرىن, مادەنيەتى مەن ونەرىن دارىپتەيتىن كورمەلەردى قالا تۇرعىندارىنا ۇسىندى. اسىرەسە, جەتىسۋدان كەلگەن كورەي, دۇنگەن, ۇيعىر, تۇرىك, كۇرد, گرەك, ۋكراين, تاتار ۇلتتارىنىڭ جاساعان بۇيىمىنا, تاعامىنا, اشەكەيى مەن ناقىشتارىنا ەلدىڭ نازارى ەرەكشە اۋدى.
اتالمىش راسىمنەن كەيىن وبلىس ونەرپازدارى ۇيىمداستىرعان مەرەكەلىك كونتسەرت شىمىلدىعىن اشتى. مادەني شارا ءتۇرلى ۇلتتاردىڭ مىڭ بۇرالعان بيىنە, شالقىعان كۇيىنە, اسەم اندەرىنە ۇلاستى. جەتىسۋدان كەلگەن قوناقتاردىڭ ونەرىن تاماشالاۋعا جيىلعان كوپشىلىك اراسىندا ءتۇرلى سپورتتىق ويىندار ۇيىمداستىرىلدى.
الماتى قالاسى تىلدەردى دامىتۋ, مۇراعاتتار جانە قۇجاتتاما باسقارماسى وسى شارامەن ۇندەس «ءتىل – تاتۋلىق تىرەگى» اتتى قالالىق فەستيۆال وتكىزدى. قازاقستاندا تۇراتىن بارلىق ەتنوستاردىڭ تiلدەرiن ساقتاۋ, ۇلت بiرلiگiن نىعايتۋ, قازاق ءتىلىنىڭ قولدانىلۋىن دامىتۋ, مەملەكەتتىك ءتىل ساياساتىن ناسيحاتتاۋ, دارىندى جاستارعا قولداۋ كورسەتۋ ءىسىن الدىنا ماقسات تۇتقان بۇل شارا قازاقستان حالقى اسسامبلەياسى مۇشەلەرىنەن كوپ قولداۋ تاۋىپ وتىر.
الماتى.
